أحببت عبدتي 😍 💞🔞

الحلقة 24

ضو الشمس لقوي...ضارب في عينيها...الشي لي خلاها تفيق...تكسلت في بلاصتها تتبسم... شنوا لي ميخليهاش تتبسم و حب حياتها رجع بعدما تحرمت من شوفته ثلاث سنين....ثلاث سنين غايب...يقولوا المسافات تنسي اما معاها هي العكس...اليوم لي تعديه بعيدة عليه حبها ليه يزيد يكبر اكثر و اكثر... من الصغرة تعشقه....كانت تعمل في السبايب و تتعارك مع اولاد الحومة بش وقت يجوا يضربوها تتخبى عنده....و هو في كل مرة يدافع عليها و يحميها....هييييييييييه و قداش من مرة يروح واكل طريحة من لولاد على خاطرها....حنيته عليها وحدها مع انها حسته تبدل شوي بعدما مشى لايطاليا....أما كلامه وقت جا زارهم اكدلها انه تخمامها فيه كان غالط.....ديما يهتم بيها و يهتم لتفاصيل الصغار لي متعلقين بيها.....يعرفها وقت تكون متغششة عليه...و تعمل فيها سنفور غضبان هههههه.....
سامية: اه...لقيتش حاجة في السقف...
ميسون تفجعت: شنوا امي...
سامية: قتلك فيق ما عادش عليك بكري....
ميسون: صباح الخير أمي...
سامية: صباح النور...ماشيا تقرى ولا تخدم...
ميسون: لا ما كلمنيش
سامية: شكون
ميسون: نقصد على سي أمير ما كلمنيش على الخدمة...نتصور ما يستحقنيش اليوم....
سامية: المهم...خف روحك....قوم امشي اقرى بلا تضييع وقت...
ميسون: باهي
تعدات نصف ساعة خرجت حاطة الحطة... سروال دجين سليم ازرق....مريول في الروز فوشيا...شعر مطلوق...مكياج خفيف....ساك ابيض و بسكات بيضا كيف كيف...تلقا بوها كيف العادة يقرأ فالجورنال...حضنته من لوراء و عطاته بوسة على خده....
ميسون: صباح الخير يا احلى بابا في العالم
محمود: نهارك زين بنتي الغالية....شنوا حوالك صبحت بالقدى...
ميسون: ايه...و انت شنوا تحس في روحك...
محمود: الحمد لله....صحتي عال العال
ميسون قعدت بجنبه: و هذاك اش نحبوا احنا
سامية تحط في صحن العجة قدام ميسون : الف و حمد ليك يا الله....شد كول يا طفلة و امشي فيسع...فماش ما تخلط عالكار
ميسون: شبيك تطرد فيا سوسو....تحب تبقا مع الشيخ وحدك...و غمزتها.....
سامية: زايد يا طفلة و الله لا تحشمها.... امشي من قدامي لا تأكل طريحة....
محمود و ميسون: ههههههه
خذات طرف خبز حطت فيه مغارف عجة.... ودعت والديها و ديراكسيون للفاك....
خرجت تتمشى و اللي تتعدى بجنبه تسلم عليه
حتى وقفت بجنبها كرهبة بيضاء...عملت روحها ما شافت شي و زادت خطوة لقدام مكملة طريقها حتى حبسها صوت التزمير... بقات واقفة في بقعتها...ما تلفتتش كان وقت سمعت صوته....
سمير: ميسون
ميسون مرة تشوفله مرة تشوف للكرهبة البورش البيضاء: متاعك؟؟!!!
سمير: كريتها على خاطرك
ميسون: هههه بالحق...
سمير: ههههه نفدلك...يا بنتي خذيتها
ميسون: ما تحشمش....المهم ان شاءالله مبروك عليك
سمير: يبارك فيك...وين على خير
ميسون : نقرى...الظاهر ما فماش خدمة ليوم سي أمير ما كلمش
سمير : علاه...الساعة عندنا اجتماع توا و انت مساعدته لازم تكون حاضرة....
مازال ما نطقت حتى حرف يصوني تلفونها... جبدته و وقت شافت الاسم تبسمت...دورت لسمير لايكرون و قالت : هاه شوف سعيد ما يبعد بعيد ههههه
سمير: هههههه
ميسون: خلي نجاوب عليه لا يخرجلي مالتلفون ...الو...صباح الخير....اوكي....
علقت عليه و دارت لسمير....ربع ساعة نلقاك فالبيرو نانانا....
تبع في كلام أمير و تعمل في حركات بيدها... و سمير ميت عليها بالضحك.....
سمير: هيا ملا تجي معايا
ميسون: اكيد ههههه....ملا شنمشي فالكار
سمير: امشي قدامي يا مجنونة....

أمير الوقت هذاك كان وصل للشركة....نزل من المرسيدس كيف العادة اول حاجة يعملها ينحي لينات الشمس الكحلة....يحطها في مكتوب فاست الكوستيم الباج....من بعد يحط يديه في مكاتبه و بكل أناقة و لباقة يمشي متجه لبيروه الراس مرفوع و الصدر القدام...خطوات ثابتة و مدروسة...اول ما وصل البيرو متاعو...ركح اومورو جابتلو السيكريتار قهوتو متع العادة....خذى رشفة منها و حطها عالطاولة...
امير: شعندنا اجتماعات اليوم...
نرجس و هي تخزر للتبلات لي فيدها : بون سي أمير اول اجتماع بعد ساعة شيكون مع شريكم الجديد في المطعم...من بعد عندك زيارة للمبنى متع المنستير... أما لعشية.....
امير :قبل لعشية شنوا عملت بخصوص المواد لي قتلك لازمهم معاينة
نرجس : جبتلهم الخبير متاعنا و قال الي المواد من صنف اول كيف ما اعتدنا...
امير: اوكي تنجم تخرج.
نرجس: ما كملتش برنامج العشية سي أمير
امير: من بعد نشوفوا...
نرجس : حاضر سي أمير..دوسي متع اجتماع الصباح موجود قدامك
بعد ما خرجت نرجس و سكرت الباب....جبد امير دوسي يقرى فيه...و في لحضة حبس... خطرت على بالو المهبولة ميسون.... هز التلفون خبرها باش تجي و علق عليها يتبسم.. يعمل كيف وقت يقلقها و يراها تردس بساقيها القاع و تتعارك مع شعر رأسها لي يهبط على عينيها و تبدى تنفخ عليها حتى يبعد....
امير : ههههه مجنونة و الله
ميسون : نعم سي أمير
شيع عينيه فيها عاقد حواجبو...مستغرب من روحو ياخي جات طيران و لا في صاروخ... مزال كي كلمها...ولا لهدرجة سرح بخيالو ليها و ما حسش بالوقت كيفاه تعدى....
أمير بينو بين روحو: اه يا ربي
ميسون: نكلم فيييك
أمير: شتعمل هنا انت؟
ميسون: مش قتلي ايجا توا
امير: شكون استأذنت حتى تدخل هنا ؟
ميسون: حد!!
امير: مالا؟
ميسون: دقيت عشرين مرة ما جاوبتش شنعملك نبقى نستناك عند الباب انا ؟
أمير: عجبتني فكرتك...طلعت تعرف تخمم
ميسون: شنوا؟؟؟!!!
أمير: كيما قلت انت تمشي تاقف قدام الباب حتى نقلك انا تحرك
ميسون: باللهي
أمير: و الله...و هاني نبهت عليك تتحرك تلوم روحك
ميسون : حاضر
ميسون ( في نفسها ) : محسوب وين باش يشوفني هو...
امير: تهنى باش نطلعهم الريدوات و تتحرك نقبرك
ميسون: وه كيفاه عرفت....و حطت يدها على فمها فضحت روحها
أمير : مش صعيب عليا نطلع تخمام وحدة كيفك....حرام فيك قرايت الطب
ميسون: نعم بابا
امير: بوك في الدار....هنا موجود سي أمير
ميسون: حسبيا الله و نعمة الوكيل فيك.... ما يجدش عليكم مستحيل تنجم تقولها فوجهو هههههه... خرجت تردس عالارض....مغششة و تحب تطرشق فوجهو...
تعدات ربع ساعة و ميسون قدام الباب  و أمير عين عليها و عين في الأوراق....أما هي فكل ما يتعدى حد تعمل فازا و كأنها مزالت كي خرجت ولا داخلة...وهو شايخ عليها و على تاففها...