أحببت عبدتي 😍 💞🔞

الحلقة 18

بقاو يشوفوا في عينين بعضهم....هي مكبشة في مريوله خايفة يطلقها تطيح و في نفس الوقت تثبت في تفاصيل وجهه....
سيلين في قلبها: يا ربي شنوا هالزين يا سيلين....يفتق شبيني ما علميش بيه من قبل...تقول عليه هارب من فيلم ولا مسلسل... يا ربي تونس من وقتاه تنتج في البقلاوات لي كيفه و كيف أمير....شوف هاكي العينين السود....و يا ماما من هاكي اللحية المسقمة تي مستوية اكثر من حياتي....توا كان نقز نبوسه شنوا يصير....يزي بلا هبالك يا طفلة شعنده يصير تفضح و يتبهدل بحالك
اما هو كان حاط يد ورا ضهرها و لخرى شاد بيها خصرها...يخزر مرة لعينيها العسلية... مرة لخشمها( نيفها) الرقيق و الطويل... خدودها لمكعبرين و حمر...شفايفها المنفوخين و مفتوحين شوي من الصدمة....فيقته من سهوته وقت بعدته عليها....وقفت تستوي في شعرها و مبعد رجعت خصلة ورا وذنها و شافت فيه كان ديجا يشوف فيها و يتبسم...
سيلين: مرسي
مالك: واجبنا...ما قتليش شكون صاحبتك؟؟؟
سيلين: ميسون سكريترة أمير
مالك ضحك: ههههه قول و الله.....هنا أنساب شوف أمير الخاين...كيفاش ما عرفنيش عليك
سيلين استغربت من كلامه سألته و هي عاقدة حواجبها: كيفاه؟؟ شتقصد بانساب؟؟؟في بالك بحكاية العقد؟؟؟
مالك: اما عقد؟؟؟
سيلين في قلبها: ياااا ما في بالوش بيه...و انا كيف البغلة قتله عليه...و الله تسمع بيا ميسون تذبحني و تلوحني للكلاب..هذا كان ما لوحتنيش ليهم و انا حية ينهجو لحمي....
شاف وجهها صفار و لخلخ...رخى ملامحه و ضحك فيقها من شرودها
مالك: شبي وجهك لخلخ...في بالي بيها لحكاية
سيلين: بالحق...شكون قالك؟؟؟
مالك هز حاجبه تع تحكي بجدك...تبسمت بتبهليل: ايه صحيح شكون بخلاف أمير....
مالك جا يحكي قص عليه صوت شخص وراه
ميسون: شتعمل هنا؟؟؟...قالت وهي تخزر لسيلين
تلفتلها مالك و عمللها بيده هلاو...هزت حاجبها في سيلين متع شنوا يعمل هذا معاك..
سيلين خربشت شعرها: مالك صاحب أمير
ميسون: ايواا صار اسمك مالك....ايييه و شنوا تعملوا مع بعضكم
مالك: كانت تحب تدخل لعندك أما الحارس ما خلاهاش...بقيت انا نسأل فيها...
ميسون: ممممم....هيا ملا ندخلوا سيلين
مالك: ملا انا نقلكم باااي....ملتقانا في أقرب فرصة...و غمز سيلين
سيلين تبسمتله...و بقات شاردة مع خياله مشيته و اكتافه لعراض...حتى حست بقرصة قريب نطرتلها زندها.....
سيلين: ااااييي يا سخطة يا حمارة علاه شعمتلك بعدين تبقى بقعة زرقاء...
ميسون: هاو حضرة جنابك غارقة تتفرج في الطفل و الله اعلم في شنوا تتخيل....
سيلين: فستقة...يهبل...هاذم رجال ولا لوح
ميسون: مالا قلي طحت على راسك من اول نظرة ههههه
سيلين: يا بنتي مش طحت بركة تكسرت تكسير....تلفتلها مضيقة عينيها: ميسون؟
ميسون: وي
سيلين: ماني اختك و عشيرتك قل لنسيبي يركحلنا الجو...
ميسون: اما جو....الطفل بزناس الطفلة لي تتعدى بجنبو يكحل عليها....
سيلين: بالحق....و رخات ملامح بعبوس
ميسون دورت يدها على كتف سيلين تمشي فيها: ما تخافش نسيبك اكيد عنده أصحاب مزز اكثر من هكا....
سيلين: ان شاءلله
وصلوا لعند الحارس قحرتله سيلين...و كملوا طريقهم لمكتب ميسون....
ميسون: اووو هاو وصل الوقت فيسع...اقعد انتي و انا نمشي ناخذ اذن و نمشوا لسبيطار
سيلين: اوكي...
مشات ميسون دقدق على امير...أما كيف العادة يحب يخليها تستنى...دقت مرة مرتين...ما جاوبش...هدت عليه الباب...
امير: ما تعرفش تدق قبل ما تدخل
ميسون: صوابعي حماروا و انا ندق و انت عامل فيها مولة البيت مش هوني
أمير: آخر مرة تدخل قبل ما تاخذ اذن...
ميسون دورت عينيها بملل: اوكي...حبيت نقلك توا وقت غدا نحب نخرج....
أمير: اخرج...
ميسون: بالحق...مرسي
دارت باش تخرج وقفها: لحضةااا
ميسون رجعتله: نعم
امير: انا مش قتلك ما تتكلم كان باذني...
ميسون عرفته باش يعاقبها و ممكن برشا يحرمها من الخرجة....رجعت لتالي بزربة و هي تتبسم سكرت الباب...مشات للبيرو هزت ساكها شدت سيلين من يدها و هبطت تجري بيها....خلت أمير وراها يصيح: هتواا تشوف شنوا نعمل فيك يا ميسونااااا....