أحببت عبدتي 😍 💞🔞

الحلقة 19

لقت الخدامة تحظر في الفطور...وقفت بجنبها تبع فيها..قلقت و هي ما تفهم شي من الطياب
ميسون: أمير وين مشى
الخدامة: اكيد يكون في الصال دو سبر توا... نهار الأحد يقضي بزايد وقت في التمارين...
ميسون: اااااااا
خذات تفاحة...و مشات تتبختر للصال... أمير كان يخدم في ميسكل ضهره...عامل كيت في وذنيه....قعدت قدامه على تابي و هي تاكل...
ميسون: أمير...ما جاوبهاش...اميييييرر
أمير نحى الكيت و قحرلها: سي أمير...
ميسون: ايه ايه...توا علاش جايبني ليوم؟؟؟ و الله تاعبة كنت حابة نطول في النوم
امير: نحب نحيلك الكسل متاعك و كان تمشي تعمل تمرين توا احسن و انتي كان الماكلة
ميسون: الحمدلله ناكل ما نسمن...و زيد ماكش توكل فيا بفلوسك
أمير: انتي لسانك طويل بزايد لازم نحففلك فيه ولا نسكتك مرة وحدة
ميسون تبسمت ببلاهة
امير: قوم اعمل حاجة
ميسون رقدت على جنب مقابلته و بدات تطلع و تهبط في ساقها:هذا أسهل تمرين نعرفه...
امير قلب عينيه مش طايق هبالها...بعد نصف ساعة هكاكا كمل التمارين متاعه....أما هي بقات تتشقلب يمين و يسار على التابي و كل مرة تحاول تستفزو بكلامها فماش ما يطردها و تروح للدار ترقد.....
طلع لبيته...دخل لبيت البانو....عمل دوش دافي رتح بيه مفاصله...و خرج لاف منشفة على حزامه...و منشفة أخرى ينشف بيها شعره...لبس سروال ازرق دجين....مريول ابيض و بسكات بيضاء....نزل لتحت...بقى يفطر...قريب يكمل...لمح الخدامة هازة خيشة و سطل طالعة بيهم لفوق....وقفها بكلامه
أمير: ليوم عندك راحة سناء
سناء: اما مازال ما كملت قضية الدار....
أمير: مش مشكل هاو ميس ميسون موجودة تكمل عليك الخدمة
ميسون كانت غاطسة في التلفون تبربش فيه...مع سمعت كلامه تنطرت واقفة...
ميسون: كيفاه هذي...انا نظف الدار...
امير: و كان ما عجبكش زادا...و رد بالك تطول لسانك ولا و الله ترى مني لي عمرك ما شفتو...
كان يحكي و يرص على سنيه الشي لي خلى ميسون تخاف و تهزله براسها باهي....
امير: أبدى بالكوجينة نحبها تلمع لمعان...
عدات قريب ساعة فالكوجينة...نظفت لبلكارات من برى و من داخل غسلت ماعون لفطور...نظفت الأرضية...الخ
خرجت تلقاه يستنى فيها فالصالة....مربع يديه عند صدره و يخزرلها عاقد حواجبه...
امير: كملت؟؟
ميسون: ايه
امير: بيان...توا...اطلع نظف بيوت النوم الفوق و مبعد ارجع للصالون....
ميسون: اوكي...( اكيد كلكم تقولوا وينو لسان ميسون الطويل و كيفاه بدات مطيعة هكا....أما هي اقتنعت الي لازم تخدم من فم ساكت...هي خذات من عنده برشا فلوس....و هذا دين عليها و لازم ترجعه بالخدمة عنده و بإتقان زادا..)
طلعوا للطابق لفوقاني...هو يمشي سابقها و هي وراه هازا سطل و خيشة و القومة(لي نجبدو بيها الماء) مصلحة(مكنسة)و قطايع لتنظيف الغبرة...الخ...
وقف بش يوريها غرفته...دخلت فيه...قحرلها بعدت عليه...
امير: هذي بيتي أبدى بيها...
طلت عليها كانت واسعة...طاغي عليها اللون الرمادي...الدهن و الفرش...مكتب قدام باب البلكونة....و بجنب الدرسينغ فوتاي و كرسي
شمرت على يديها و ساقيها...و بدات تنظف... لمت الدبش لي لازمه لغسيل في سلة...نظمت الفرش...لمعت باب البلوكنة البلار...مسحت الغبرة من على المكتب و التابل دو نوي.....
نظفت الحمام الموجود فالغرفة...مسحت القاع و نظفتها و خيشتها...و آخر حاجة عطرتها....عملت نفس الشي لبقية الغرف...و نزلت لتحت للصالون....كيف كيف...تعرفوا كيفاه تتنظف....هههههه يمشيش في بالكم ميسون طفلة مقدية....هذا لكل صار تحت أوامر أمير...يتبع وراها في كل تفصيلة كبيرة و صغيرة...و الحاجة لي ما تعجبوش يخليها تعاودها قريب العشر مرات...اخر حاجة كانت المكتبة....كانوا رفوفها عاليين برشا على طول الحيط...و هي من طولها النعناعي ما طوسلش حتى لشطرهم....حلت فمها من كبرها و الكتب الموجودة فيها....
امير: سكر فمك لا تدخلك فيه ذبانة و ابدا خدمتك
شافتله مصدومة و وجهت صبعها عليها: انا باش نظف هذا لكل....
امير: عندك اعتراض؟؟؟
ميسون: تتمسخر بيا كيفاه بش نلحقهم
امير: ما شاءالله ذكية بسلامتك....ضربها ضربة خفيفة على رأسها و اشارلها على السلوم لي في التركينة...تبسمت تبسيمة صفرة...
ميسون في قلبها: اااه يا ربي والله لا عاد فيا عضم صحيح...
بعد دقايق نظفت تقريبا الرفوف لكل مزالها اخر رف...مع حطت ساقها في آخر درجة من السلوم زلقت.... غمضت عينيها و صاحت على طول صوتها...
بقات تعيط مع انها حست روحها على حاجة طرية...
امير: اسكت
ميسون حبست لعياط و بدات تحكي و هي مغمضة عينيها: ديني الإسلام...رسولي محمد صلى الله عليه وسلم....سامحني يا ربي ة اغفرلي....
كان يخزرلها باهت فيها و في لخر تطرشق بالضحك على كلامها الشي لي خلاها...تسكت و تفتح عينيها...جات تسبه على خاطره يضحك عليها اما حبست على شوفتها لضحكته...عينيها لي ضياقت و الغمازات لي خرجوله... أما هو بقى مركز مع خضورية عينيها...سرح فيهم...و نسى وين هو جملة...
ما فاق كان وقت ضربته على صدره...
ميسون: نزلني يا هم...نكلم فيك
امير: نضن انك معادش في حاجة للسانك...و هز حاجبه
ميسون: عندي ساعة نقلك نزلني
امير: تحب تنزل ؟؟
ميسون: اكيد ملا نقعد معنقتك نهار لكل
امير: انتي اخترت...
ميسون: شتق.....
ما خلاهاش تكمل و سيبها مع هي ما كانتش شادة فيه...طاحت على ضهرها....
ميسون: اااييي...الله لا تر...
امير: رد بالك تقول كلمة زايدة...و قوم كمل خدمتك....
ميسون: و الله لا عاد ضربت فيها ضربة تحبني نزلق مرة أخرى و تتكسر كرايمي...
امير: ما نحكيش عالرفوف هتو نكملهم انا... نظف الغبرة لي عالفوتاي و الكرسي....
تبسمت و قامت بالسيف تعرج...عملتهم بالخف و رمات روحها عالفوتاي....
ميسون: اهههه يا ميمتي ما كانش في بالي باش تعمل فيا هكي ولا و الله لا نطلب منك فرنك....
امير طفاها و قال في قلبه: ما زاااال ما شفت شي....
امير صيي كمل حتى هو...نزل من على السلم حط يد على حزامه و لخرى سند بيها بدنه على السلوم...
امير: كملت؟؟؟
ميسون: ايه
طول الصمت شافتله...تلقاه هاز حاجب و منزل لآخر...عرفته شيقصد...سبقته و تكلمت...
ميسون: و الله نظفتها كيما تحب...كان تحب زيد ثبت...
امير: اوكي...هز يده شاف مع ساعته و رجع شاف فيها: وقت لغدى قرب...
ميسون وقفت بفرحة...صفقت بيديها : مالا انا اكهو كملت خدمتي لازم نروح....مع تلفتت و عملت خطوة لقدام...اختصر المسافة بينهم و شدها من كول مريولها من تالي....
امير: وين عندك ماشية؟؟
ميسون: مروحة...وقت غدا لازم نتغدا...
امير: ها ها ها...و انا شكون يحظرلي غدايا...
ميسون: اطلب ولا طيب وحدك...شكون قلك طرد البون متاعك.....
امير: تؤ تؤ تؤ...انا طردت بون وحدة و مازال عندي وحدة...
ميسون بدات تفرفط بين يديه: سيبني...انا وليت خديمة عندك؟
امير: بيان سور...و توا كي الفالحة تمشي تحظرلي غدايا...
ميسون: و انا؟؟؟؟
امير نفخ بفدة: طيب و ناكلوا الزوز...
ميسون: اما...
امير: يزييييي....سكر فمك و طير طيب...
ميسون: باهي...شنوا تحب
امير: طيب لي تعرف..عندك اقل من ساعة...
مشات بخطوات رزينة...شنوا تعمل...شنوا تطيب...هي اصلا ما تعرفش تطيب...
ميسون: هيا يا ميسون....اعمل لي تعرفه...هو قال اي حاجة...
في هذا الوقت أمير خرج لجنينة...قعد على كرسي مقابل البيسين بحكم الحال صيف و الطقس سخون...حس روحه بدى يعرق...دخل بدل....لبس شورت اكهو...و رجع غطس فالماء مرى يطلع راسه و مرى يغطسه...
كانت تقطع في الخضرة على تلفيتتها....بقات حالة فمها على منظره و هو مزال كي مطلع راسه من الماء...وخر شعره بيده يبعد فيه على وجهه....مسح وجهه من الماء...سبح حتى وصل للحافة طلع...و رجع قعد على كرسيه...هذا الكل صار و ميسون غايسة فيه و خصوصا في تابلات الشوكولاته لي في بطنه و كتافه لعراض و لي زاد جذبها قطرات الماء لي تقطر من شعره و تسيح على بدنه... ما فاقت كان وقت حست بروحها تقطع في صبعها...
ميسون: اححح تشويت...
زربت غسلت صبعها بالماء البارد و لفته بقطعة قماش صغيرة...كملت حظرت لبلاتوا و هزته لطاولة لي فالجنينة...
ميسون: سي أمير...لغدا حظر...
كان عاطيها بالظهر...هو وقف و هي نزلت رأسها ما تحبش تشوفه و هو عريان كان بشورت...
أمير يمشي و يخزرلها مستغرب من تصرفها مع وصل لطاولة صاح فيها....
امير: شنوا هذااااا
ميسون تبسمت تبسيمة صفرة......
........................
ستووووب ان شاءلله تكون عجبتكم الحلقة...اعطوني توقعاتكم علاه صاح امير على ميسون...
و الفوت ⭐️راكم تنسوها😘😘😘