أحببت عبدتي 😍 💞🔞

الحلقة 16

الصباح فاق بكري ابكر من عادته...عمل سبور... دوش..ستيكا روحه...هز تلفونه في يده يبربش فيه و ابتسامة خبث على شفايفه

كانت في سابع حلمة....تحلم باميرها المغوار على فرس بيضة ( لا لا ما نحكيش على امير خلوه سر🤐) لين بدأت تسمع في تنوقيز حارت منين جاي و هي في عهد الأمراء و الملوك...عهد الرسايل و المكاتيب...بقات زمان مركزة مع الصوت...حتى صحصحت بالقدى...عرفت روحها كانت تحلم....و هي مغمضة عينيها بقات تبربش عالتلفزيون حتى لقاتو....فتحت الخط من غير ما تركز مع المتصل...
ميسون ببحة نوم: الو
أمير عرفها مزالت راقدة عجبه الحال: نصف ساعة تكون عندي تزيد دقيقة تتعاقب عليها...
من فجعة صوت الرجولي و كلامه تهزت واقفة...هبطت التلفون تثبت فالمتصل لقاته هو عوجت فمها مش عاجبها الحال...على تدويرت عينيها عالاكرون و شوفتها للوقت.... عيطت في وذنه قريب طرشته
ميسون: ياااااااااا الستة مفيقني....شعمتلك بربي حرمني من نومة عسل.... الهم هذا ديما في جرتي....شكان عليك كان ستنيت ساعتين اخرين هذا كان فقت...ولا وقت فقت طلبتني
أمير مبعد التلفون على وذنه لي تضرت من عياطها....استناها حتى كملت عراكها و عاود رجعه على وذنه : كيما قتلك كلامي ما يتكررش...نصف ساعة تكون عندي... ايجا و مبعد نتفاهموا على برشا حاجات....
ميسون: اما
امير: لا اما لا غيرها....تعارض تتعاقب....ترفض تتعاقب و انت الي قبلت بالشروط من اولها
كوبا عليها من غير ما يستنى ردها...نزل لتحت...قعد في الصالة يقرى في أوراق لبروجي جديد و بين دقيقة و اختها يشوف في منقالته (ساعة) يستنى فيها عالغلطة....
اما ميسون اول ما كوبا عليها بدات تدور كيف الزربوط من بقعة لبقعة...كملت تجهزت...و مشات تشوف في للة سامية...لقاتها مزال كي كملت صلاتها....
ميسون: صباح الخير أمي... ربي يتقبل
سامية: مني و منك الأعمال الصالحة...
ميسون: امين
سامية: كيف سبتك فايقة توا...بهيم شكون مات
ميسون: ماك تعرف يامي مزال كيف بديت الخدمة...و المدير طلبني قلي لازمك تجي توا
سامية : مممم ربي يعينك بنيتي....رد بالك على روحك
ميسون: ما تخافش عليا...انت تلهى ببابا اكهو... هتوا كان لقيت فضى قبل لغدى نطل عليه
سامية: باهي
مشات ميسون باستها من خدها ليمين: هذا ليك... و زادتها وحدة أخرى عاليسار : و هذا لبابا....وصلهوله
سامية : يوصل
خرجت تجري تحب توصل فيسع للاري تع الكار...تعدا درج باش جات الكار....اول ما هبطت بدات تجري فماش ما تخلط عالوقت.... وقفت عند الباب تلهث....ترجع فالنفس بالسيف.....
ميسون: ااه يا ربي نهار من النهارات بش نموت في جرت الجري...
......: صباح الخير مدموازال ميسون
هزت رأسها تلقاه العساس: صباح النور خويا....
جميل: ههه جميل
ميسون: متشرفين
جميل: و بيك اكثر...هيا ادخل اكيد سي أمير يستنى فيك
ميسون: ييييي و الله فكرتني...هيا باي ربي معاك
وقفت قدام الباب....نوقزت مرة مرتين و ثلاثة ما فتح حد....
ميسون: ياخي وينو هذا....جايبني ساقيا أعلى من راسي و في لخر يطلع مش هنا.... لا لا كيفاه مش هنا و جميل قلي يستنى فيك.... زعمة خرج و ما شافوش... وه كيفاه ما يشوفوش باش يطير ... اووف يا ربي الهم لي طحت بيه
على اخر جملة تفتح الباب....و خرج أمير عاقد حواجبه عالكلام لي سمعه....
ميسون وجهها تخلخل: ص..ص..صباح الخير
أمير ما حبش يجاوبها بش ما ترصيش في عركة عالصباح من كلامها... جيست عمللها اوكي براسه اكهو
ميسون في قلبها: ملا متكبر.... شكان عليه كان جاوبني
أمير: و انت شكان عليك كان نقصت من لحديث الفارغ و طولة اللسان....
ميسون: وه تقرى فالافكار
أمير: لي كيفك ساهلة الناس تقرى أفكارهم
ميسون : شتقصد
أمير: حتى شي... هز يده شاف لساعته: ممم عندك ربع ساعة روتار
ميسون: شنعملك كيف انت دارك بعيدة...و كيف سيادتك نوقز و ما تفتحش
أمير: لا خلي عليك انا لي باش نعمل مش انتي
ميسون : ش..شتعمل
امير: من عذابك صنعة...حتى حرف ما نسمعو منك حتى نعطيك انا الأذن بش تحكي... احمد ربي جاك عقاب خفيف لمرة هذي
ميسون في قلبها:هه خفيف اكثر حاجة نكرهها ما نجمش نجاوب عبد...هيا خلي نجرب طاقة الصبر متاعي....ماشي في باله ما نجمش نسكت و يزيد يعاقبني مرة أخرى غير اعيا
عملتله اوكي براسها....كان متكستم و حاضر..
أمير: تبعني
خرجو الزوز ركبوا في الكرهبة....هي من قدام مع الشيفور و هو من تالي بيان سور....
وصلوا للشركة....نزل الشيفور فتح الباب لأمير... و مبعد لميسون و بما انها ما تنجمش تحكي جبدت تلفونها كتبتلو فيها '' يعطيك الصحة عم حسن.... مانجمش نحكي الغول هذا مانع عليا لكلام'' و ورتهالو
حسن: هههه من غير مزية بنتي
تبسمتله و دارت تبع في أمير لي كان سبقها بخطوات...دخلوا لشركة مع بعضهم هو يمشي و هي قريب تجري وراه
ميسون: الهم هذا مينجمش يمشي خطوة بخطوة....أما يعطيه الصحة في الشركة ملا نظام و نظافة... تي القاع نشوف فيها وجهي