أحببت عبدتي 😍 💞🔞

الحلقة 9

 سامحوني يا جماعة بطيت عليكم برشا....الله غالب دفوارات و مراجعة ما نجمتش نكتب... و ان شاء الله منو هكا نكتب حلقتين ولا ثلاثة في لسبوع ما نجمش اكثر....

...الحلقة 9.....

بعد طرح سب و شتم لسيلين....ميسون قررت ترجع لدار...على هذاك خذات اول كار ( بيس)....اول ما وصلت لحومتها نزلت تتمشى....و كل ما تشوف قريب ولا جار تتبسمله و تحييه....تعدات دقايق حتى وقفت قدام باب دارهم.....

في الوقت هذاكا....كان سي محمود يفطر هو و للة سامية في الجنينة....حتى صونا تلفونه
محمود : الو
....: الو صباح الخير سي محمود معايا
محمود : صباح النور ...ايه تفضل شحاجتك
.....: يزيد فضلك انا سليم ولد عدنان صاحبك
محمود : آآآآآآ اهلا ولدي لاباس بوك شنوا حواله
سليم : الحمدالله و انت صافا ؟
محمود: نشكر ربي و نحمده
سليم : عمي حبيت نعتذر من لي صار المرة لي فاتة
محمود: على شنوا تحكي ولدي
سليم : اه...اااا..نحكي على لعشاء مع بنتك ما كانش قصدي ما نحضرش جاتني خدمة ايرجونت و نسيت نخبركم
محمود شاف مع بنته لي واقفة قدامه كي الصنبة خايفة لا هذاك المجنون يحكي حاجة لبوها و ترصيلها في مشكلة ماهو هددها...
محمود : مش مشكلة ولدي
سليم : نعتذر منك مرة أخرى و مبعد نتعدالها نحكوا شوي اذا ما كانش عندك مانع
محمود: ايه نسألها و نرجعلك مبعد
سليم : اوكي عمي تبقى على خير
محمود: على خير و سلم على بوك
سليم : يبلغ انا شاء الله
رجع التلفون على الطاولة و عاود خزر فيها...بقات تثبت فيه دقايق كي كا حكى حتى حاجة قررت هي تحكي
ميسون: صباح الخير بابا
محمود: صباح النور بنتي ....شبيك ما مشيتش تقرى ولا ما عندكمش كور ليوم
ميسون: لا ...احم...بابا حبيت نحكي معاك بخصوص ولد صاحبك
محمود: نعرف منغير ماتقول
ميسون: كيفاه عرفت؟!
محمود : ماهو هو لي كان يطلب فيا توا
ميسون : شقالك؟
محمود: حب يعتذر كي ما جاش المرة لي فاتة و حب يشوفك بعدين بش يخطم عليك يهزك
ميسون : شنيا!!!!وين يهز ؟
محمود : نعرف عليه انا....ما عندك ما تعمل ليوم
ميسون: لا
محمود: ملا بعدين حضر روحك بش تخرج معاه
ميسون بقات غايسة تخمم...ياهذا مهبول ...يا يحب يهبلها...شنيا حكايته البارح يحكي على كذبة ولا ندرى شنيا و اليوم جاي حاب يعتذر....اوووف ملا هم....مافيقها كان صوت امها
سامية : ميسون عزيزتي
ميسون: نعم ماما
سامية: بوك يحكي معاك من بكري قلك حضر روحك بش تخرج معاه
ميسون لقاتها فرصة بش تحكي معاه : ااا...ايه اوكي
خلات سي محمود لين خرج و دارت لبنتها هازا حاجب : قلي يا طفلة ملا شكون وصلك ليلتها عقاب الليل
ميسون جاها السؤال كي الصاعقة عليها : ماو كي بقيت نستنى فيه ساعتين و ما جاش وليت و كلمت سيلين بقينا نتمشوا شوي على لبحر كلينا شوي و بعدين وصلتنا تاكسي
سامية : امممم باهي....قوم لف الطاولة و اعمل طلة عالدار نضفها
ميسون:  باهي
في جيهة آخرى كان فاق بكري كيف عادته...عمل روتينه بين سبور و دوش و حطة....فطور عالسريع و كملها بركبته في كرهبته و ديراكسيون للشركة...
نزل بكل أناقة لبس لونات بكادر دوري كيما لون ساعته...مد لمفتاح للقارد لي فم و واصل بخطوات ثابتة....متاع انسان واثق....يمشي و لبنات لي فالشركة يكحلوا عليه لي بايرة تتمناه زوج و المعرسة تتمنى عالاقل ولدها يشبهله...أما الرجال غايرة منها يتمنوا يكونوا في منصبه و على قدر هيبته و الكاريزما الطاغية لي عنده....
دخل لبيروه و السكرتيرة وراه تتمعجن بربع ميترو على لحمها و تابلوا مكياج على وجهها....حطت فنجان القهوة عالبيرو و نزلت عليه بكلها بش يبان شق صدرها
نرجس: صباح الخير سي أمير...تفضل قهوتك
أمير مامبا خزر معاها : شنوا عندنا لليوم
نرجس : عندنا زوز اجتماعات مع الشركة الإيطالية و الكندية و لازمك تعمل دراسة لآخر مشروع...اه اي و هذا الدوسي بعثه سي مالك
أمير: كملت تنجم تخرج
كان عندها امل صغير انو يخزرلها اما شي بكلماته لخرانية تلاشى....خرجت تتمايل....و هو غطس في لوراق و الدوسيات...حتى صونا التلفون
أمير: وي
نرجس : سي أمير...مسيو حسان يحب يقابلك
أمير: دخليه فاش قاعدة تستنى
دخل صالح قالب وجهه كوم كوا عامل روحه متغشش....قام أمير بش يسلم عليه طفاه و قعد على الفوتاي مقابله....
أمير تنرفز اما كالماء روحه : شبيك بابا من وقتاه تاخذ اذني بش تدخل لبيرويا
حسان  : من نهار بديت معاش تسمع كلامي
أمير عرفه على شنوا يحكي عمل مافي بالو بشي : في شنوا ما خذيتش رايك
حسان : في موضوع بنت صاحبي
أمير: نضن الي لموضوع تسكر
حسان: لا حتى شي ما تسكر....جيت بش نمشي انا و انت و هما نغداو مع بعضنا و نفضوا المشكلة
أمير: اما مشكلة يرحم بوك....الطفلة كذابة و انا قفلت الموضوع اكهو
حسان : ياخي الطفلة جايا تتبلى عليك هكك
أمير: شنعمللها كي هي فرخة في مخهاااا اه
حسان  : مدامها خلطت خلي تطلب السماح و تتفض و من غير ما تناقشني و تركبلي لعصب ترصيلي بايت كرة أخرى في السبيطار 
أمير كان راح يرفض اما بعد ما تفكر لي صارله قبل ...