أحببت عبدتي 😍 💞🔞

الحلقة 10

خلونا نقدموا في الأحداث شوي....

توا تعدا شهر على هذاك نهار...أمير شرح البوه الوضع و اللي ماعنو حد جيست حب يبعد فدوى و بوها عليه اكهو من غير ما يضرها.....ميسون قعدت تستنى فامير بلكش يجي يطلب السماح علي عمله شافتو برشا مرات يوصل فاختو اما هو شي لا حياة لمن تنادي.....

صوفيا سمعت بالحكاية فرحت كي ماقبلش....كلمت بنتها بالوقت و طلبت منها تهبط لتونس في أقرب وقت ( كيما تعرفوا صوفيا مرت بو أمير و قبل ما تعرس بحسان كانت مطلقة و عندها طفلة اسمها ليلى....تقرى في فرنسا و تحب أمير مالصغرة..)
كان قاعد في الصالة كيف عادته يقرى في جورنال الصباح...لين حس بحاجة معنقته من تالي عرفها هي من ريحتها...شدلها يدها و دورها قعدها بجنبو.
صوفيا : صباح الخير يا روحي
حسان : صباح الخير عزيزتي
صوفيا قربتلو اكثر حطت يديها على صدرو و طبعت بوسة على خدوا: في بالك شكون جاي ليوم
حسان عقد حواجبو يفكر : شكون؟!
صوفيا: ليلى كلمتني البارح قتلي مروحة
حسان : بالحق علاش ما قلتليش...وقتاه توصل
صوفيا : مانعرف قالت لعشية
حسان : اااا اوكي هتو نحكي معاها بش نبعثلها الشيفور يجيبها
صوفيا تمسح على صدرو بصوابعها : و علاش ما يمشيش أمير يجيبها
حسان: هذاك ديما عندو خدمة
صوفيا تحكي بدلال : عزيزي نحب نقلك حاجة
حسان مركز مع الجورنال : وي
صوفيا : سمعت لي انت تحب تعرس لأمير و تتهنى عليه و انا زادة نحب نعرس لبنتي و نختارلها الراجل لي يحميها و يعرف كيفاه يدللها
حسان حك لحيته يخمم : عندي طفل نعرفه طفل خدام و ولد ناس نعرفوا يهنينا عليها
صوفيا : وه حسان...الماء لي ماشي لسدرة الزيتونة أولى بيه
حسان : شتقصد
صوفيا: علاش من عرسوش لأمير بليلى و هكاكا نتهنى عليها أكثر قدام عينيا
حسان: ايه فكرة و الله وجبتها و زيد ليلى تربية يديا....أما مانعرف هذاك المسخوط يقبل ولا ماني نعرفو راسو كي الحجر هتوا يقوم يقول لا مستحيل ليلى كيف اختي ريمة
صوفيا و ابتسامة شر على شفايفها: وه من وين اخته و زيد إلى متى يقعد عازب هكك عمرو 32 انداده عرسوا و بولادهم....لازمو ينسى لحكايات لقديمة إلى متى يقعد حاصل فيها....و اذا ما رضاش بالسياسة يرضى بالغصب.....
حسان : ولدي ونعرفوا ما يرضاش بالسياسة...و كانك عالغصب المرة لي فاتة عملت روحي مريض و رقدت ليلة في السبيطار و في لخر ما تفاهمش مع الطفلة و كل شي طاح في الماء....شنعمل لمرة هذي....
صوفيا : اما ولدك ياعزيزي ماغالية عليه كان خدمتو نهار الكل يعديه يخدم بش يوسع الشركة و ما تنساش انت اكبر داعم ليها اذا فسختو الشراكة بيناتكم لي عملو السنين هذي الكل بش يطيح في الماء....
حسان كان مركز على كلامها بالكلمة بالكلمة و اول ما كملت نزل عليها ببوسة مرصوصة على خدها : انت احلى حاجة صارت في حياتي....اههه ياربي غار وقتاه نشوفو معرس بولادو
صوفيا ضحكت بدلال:هههه نشالله نشالله...المهم قلو يسايس الطفلة
حسان : هههههه هكك بيناتهم
توا لربعة لعشية نازلة مالطيارة....فاست كوستيم نوار...بوي فراند ازرق...بوتس نوار.....شعر كورلي يوصل للاكتاف....بشرة قمحية اسورتي على عينيها العسلية.....أنوثة بأتم معنى الكلمة هذي هي ليلى... وقفت في باب المطار تستنى في الشيفور لي بيبعثو حسان لين شافت واحد هاز ورقة مكتوب عليها اسمها عرفتو....مشات تتمايل مدتلوا الفاليز ستاناتو يكمل و يحللها الباب....بعدين ديراكسيون لقصر المالكي....
في هذا الوقت أمير كان مروح بريمة لي اصرت عليه بش يقعد يتعشى معاهم...دخل سلم على بوه بالتحميل و صوفيا فوق من قلبو....حتى دخلت عليهم ليلى.....جراتلها صوفيا تبوس و تعنق: اهلا بنتي مرحبا ياروحي توحشتك برشا
ليلى : حتى انا ماماتي
حسان حضنها : مرحبا بليلوشتي
ليلى: هههه عيشك باباتي الغالي
ريمة وهي مش طايقتها و زيد عليها كلامها الماسط : عسلامة
ليلى قربتلها تحضن و تبوس : توحشتك يا صغرونة
ريمة: صغرونة ركبتك وين ترى فيها الصغرونة
ضحكوا عليها حسان و صوفيا و ليلى... أما أمير مزال في بلاصتو يلعن في الدقيقة لي قبل بيها يجي للقصر و يلتقى بيها....سبحان الله هي ضربة عشقة فيه و هو يكرهها كره العمى.....( هتوا تعرفوا مبعد علاه )
وقفت قداموا مدتلو يدها....سلم عليها من غير ما يشوف فيها....بقاو يسئلو على حوالها من غير أمير لي مش حامل روحو بينهم.....و مينجمش يقوم بلى سبة و يشلق بروحو.....حضر لعشى طلبت منهم الخدامة يمشوا لبيت لفطور....تلموا عالطاولة حسان مترئسها صوفيا على يدو ليمين و بجنبها ليلى ....أمير على يدو ليسار و بجنبو ريمة....
كان ملاحظ نظراتها ليه اما عمل روحو مافي بالوش و كان متمني يقوم يفرشخها بطريحة....
حسان : احمم أمير بعد لعشى عندي مانحكي معاك في البيرو
أمير باستغراب : اوكي
صوفيا شافت في حسان تسأل فيه بعينيها شوي طمنها....كملو لعشاء كل واحد يخمم في حاجة....
أمير طلع مع حسان للبيرو....
أمير : تفضل بابا
حسان : احمم المرة لي فاتة صارت مشكلة و مكتبش ربي نفرح بيك....
أمير نفخ بفدة: علاش تجبد في الموضوع مرة أخرى
حسان : قتلك لي انا مش مسلم في الحكاية و بش نبقى وراك لين تعرس
أمير: يا بابا يهديك
حسان : يهدينا و يهديك....شنوا تحبني نعمل و انا نشوف فاصحابي باحفادهم و أولادهم متهنيين
أمير: انت تعرف وجهة نظري في لحكاية هذي و المستحسن كان نسكروه
حسان : لا مش متسكر و انا متأكد المرة هذي مافما حتر بروبلام على خاطر الطفلة تربية يديا....
أمير كانو عرف على شكون يحكي اما كذب روحو و حب يتأكد قبل : شكون
حسان : ليلى
أمير: كيفاش؟؟؟؟
حسان : كيما قتلك الطفلة كيف بنتي لا هي بنتي و نحب نهني عليكم
أمير: لا مستحيل اصلا انا رافض حكاية العرس بكلها لا وزيد يقلي بليلى
حسان : شبيها ليلى؟؟؟
أمير تربث: ما بيها شي و هاك كنت تقول بنتي كيفاش تحبني نعرس بطفلة كيف اختي ( وفي قلبو يقول حاشى كان تطلع كيف ريمة )
حسان : ايه قلت بنتي انا لي ربيتها اما انتم لاكم أخوة بالدم لا بالرضاعة
أمير: انا قلت لا مستحيل
حسان يعيط : و اناااا قتللكك باش تعرس بيهاااا لو كان بالغصب
أمير: ما تنجم تفرض علياااا حتى شييي
حسان : لا انت لي بش تطلب مني الشي هذا
أمير: ههه كيفاش؟!
حسان بابمتسامة على جنب : اذا ما تعرسش نفكوا الشراكة لي بنا...و تعرف بلى دعمنا احنا شركتك بش تخسر مليارات ممكن برشا تفلسو
أمير: كيفاش! ؟
حسان : كيما سمعت
امير: لا انت بالحق مش نورمال على خاطر وحدة****** تكسر خدمة و جهد سنين
حسان : امييررر اعرف شتخرج من فمك ما نسمحلكش تتقبح قدامي
أمير يمشي و يجي وسط البيرو مسح وجهو بفدة و دارلوا : اذا انفكت شراكة تنعقد شراكة أخرى...
حسان قص عليه بضحكة استهزاء : هههههه ماشي في بالك بش نخليك صدقني نفسدهم بالوحدة بالوحدة و انت تعرف شينجم يعمل حسان المالكي
أمير بصدمة : لهالدرجة عرسي منها مهم حتى تخربلي خدمة سنين على خاطرو
حسان : مش عرسك منها لي مهم انا نحب نتهنى عيك و نفرح بشوفت أولادك......
أمير دورها في مخوا برشا لقى الي بوه مستحيل يتراجع في كلامو و اللي قالو كان كلو جدية مش مستعد يخسر تعبو على حكاية كيما هاذي: باهي انا لي نختارها مش انت....
حسان : معناها ماكش قابل بليلى
أمير: لا و كان تبقى اخر وحدى
حسان : كان نقى نستنا فيك حتى تختار نموت و مازلت ماقررت....عندك جمعة في يدك اختار الي تحب عليها و انت تعرف كيفاه لازم تكون ولا كل شي يتفض بناتنا
أمير: جمعة !؟!
حسان : ايه و آخر قرار
أمير: اوكي
لبو ولدو اتفقوا و مافيبالهمش بالشخص لي قاعد يتصنت عليهم...اكيد شكون من غيرها صوفيا لي حلفت تفسد على أمير كل شي و مايخذ كان بنتها...
تعدى ثلاث ايام و أمير كل يوم في بلاصة مرة في البواتا مرة يدور على البحر ولا لبلايص العمومية فماش ما يلقى طفلة ممكن تعجبو اما شي.....عمل اعلان لوظيفة سكريتره عندو و عمل قريب 100 مقابلة و باقي شي حتى وحدة ماعجبتو الي يحكي معاها هدافها لوحيد لفلوس هذا من غير الربع ميترو لي يلبسو فيه و المكياج و زيد عليهم حركات ******* لي يعملوا فيها بحضورو....بعد آخر مقابلة حط راسو عالبيرو فادد من روحو و من هالحكاية لي طلعتلوا.....
أمير: الله يهديك يا بابا
صونا تلفونو جاوب من غير ما يشوف شكون
.......: اهلا بسي أمير.....وينك يا ^^^^^^ كان ما نطلبكش انا عمرك ما تطلبني
أمير: تلم لا نجي نهدلك هكا الفم
......: كالم توا صديقي شبيك منرفز
أمير: اووووف شنحكيلك يا مالك
مالك: شبي صاحبي تطلعش قوس قزح...يا ناري على صاحبي
أمير: اما قوس قزح اما ^^^^^^ متاع امك
مالك: هههه باهي ....تحبش نتقابلو و نحكوا
أمير:علاش انت في تونس.....وقتاه روحت يازمر ساعة و انت تلكلك ماتقولش
مالك : هههههه حبيت نعملهالك مفاجئة
أمير: قول مفاجعة...هاي نتقابلو من بعد في بلاصة العادة
مالك : مريقل صاحبي ساعة من زمان و نكون عندك....

قاعدة تتفارع مع الفرش تحب تنحيه من على وجها بش تسكر الروفاي لي عندها ساعة تنوقز.....
ميسون : اااخخخ ياربي علاش مكتوب عليا الشقا...علاش ما طفيتهاش البارح....راو اليوم احد ياربي راو مايقرى ولا يفيق حد بكري ياربي اااههه
هدت عليها امها وهي تحكي بروحها: قوم يا طفلة ياخي هبلت تحكي وحدك....قوم عاوني في تسييق الدار
ميسون : خليني نزيد شوي و الله مزال فيا النوم
سامية : تتحرك تقوم ولا نجيب سطل الماء
ميسون : علاه ياربي ياخي عايشة في قازرنة نهار الكل تقومو فيا بالماء
سامية: ماو كان جيت عبد كيف لعباد راك تفيق وحدك مش تفيق بعد ماتسمع صوتي حومة كاملة
ميسون : ......
سامية : تحركتشي توا خير ما نجيك
ميسون قامت مفجوعة تنطرت لدوش عملت روتينها....لحقت امها للكوجينة فطروا مع بعضهم....وبعدين سيقوا الدار و نضفوها من غير مانوصف تعرفوا كيفاه هههه....بعد تعب نسطحت على سريرها ترتح في بدنها...بقات تفركس في التلفون من الفيس للانستا تيك توك لين كلمتها سيلين : حبي صافا
ميسون : نورمالمو مزلت قطعة وحدة بعد التسييق و التنفيض لي عملتو سامية
سيلين: ما تفكرنيش حتى بية ماخلت شي في بقعتوا
ميسون : هههه اي شعاملة فيها مالا
سيلين : شي طلبتك قلت نعملوا دورة في المول الجديد لي تحل
ميسون: اي و الله فكرة قلقت من الدار
سيلين : باهي نتلاقوا عند الكافي لي بجنب المول
ميسون: اوكي بب...ماتبطاش ماني نعرفك
سيلين: هه تهنى
ميسون: لا لحق تهنيت