فصلٌ لفتاةٍ بديله//

فصليه مبدله//البارت ..8..

شهم_
بقيت مدنك راسي وابجي واول مره ادنك الراس لمن دريت بابوي شسوه وكله بسببي انه اي انه استعجلت ورحت بلحضه عصبيه

سويت السويته بدون ماحسب حساب لابوي وسمعته بين الناس بقيت فاير دمي ودموعي تنزل والجكاره بيدي

من حركه قلبي على ابني وابوي وحالي بقيت اطحن بروحي للفجر نزلت لكيت ابوي كاعد وصافن بالصاله حسيت بي مانايم من امس وشلون ينام بهل وضع..نزلت صبحت عليه وبست راسه ورد علي بوجه ثكيل..

_صباح الخير بويه

الشيخ: صباح النور

شهم: بويه اعذرني على الصار بس تدري محتركه روحي على ابني وسويت هيج بلحضه غضب..

الشيخ: انت مو صغير بويه عمرك ٣٥ سنه اذا انت تصرف هيج شخليت للمراهقين الطايشين

شهم: اعتذر بويه وحقك على راسي وانشالله ماتنعاد

الشيخ: خلاص حضرو نفسكم بعد يومين الكعده بيت ابو رائد..

شهم: حاضر بويه ..

خليت وصعدت واني متحلف بيهم بيوم الكعده اذا ما اهنتهم ونزلت روسهم بالارض كدام العشاير كلهه مايكون اسمي شهم..

                ..........................

سماء_
خلص الاسبوع  وكال الدكتور باجر اكدر اطلع وطبعا اني رجلي صرت احس بيهه خفيف

بس ماكدر امشي عليهه الا كرسي او عوجيه تسندني خلص اليوم واجه ثاني يوم ..

كعدت الصبح جابتلي امي منشفه مسحت بيهه وجهي وجسمي وعطرتني وبدلتلي وكعدتني عل كرسي المتحرك وطلعنه للسياره

ووصلنه للبيت دخلت للصاله وصارت بيبي تشمر علي جكليت وذبحو دجاجتين فدى جواي واجت رشا ومريم يركضن حضنني ويبوسن بيه ويسالني على رجلي ..

رسل: ولجن عوفن البنيه خلي تدخل ترتاح ماراح تطير السوالف

مريم: تعاي حبيبتي خلي ادخلج ..

سماء: دفعتلي الكرسي مريم ودخلني للغرفه ونومني عل جربايه وبقت يسولفن ويضحكن واني اباوعلهن واتامل بيهن كلش اشتاقيتلهن بهذا الاسبوع .

ام سماء: يمه عدلي نومتج حتى تتغدين وتاخذين علاجج بنيتي..

سماء_
عدلت نومتي وتغديت جنت كلش جوعانه جففوني بهذا الاسبوع بس سوب وسوائل ينطوني

وهسه ياله جابولي برياني لحم ويميييي كلش طيب بقيت اكل لحدما خلصت الصحن ..

مريم: سوده علي جوعانه حبيبتي

سماء: اي والله خاله اختج جففتني تنطيني بس سوائل

ام سماء: جا غير الدكتور يكول يايمه انه شعرفني

سماء: ههههه يله خطيه لا تزعل نوب

الكل: ههههههه

ام رائد : يله يمه شربي علاجج ونامي وانتن كومن طلعن من يمهه خلي ترتاح بعدين تسولف وياهه وتشبعن منهه..