فصلٌ لفتاةٍ بديله//

فصليه مبدله//البارت ..20..

شهم_
خلصت منهه وكمت رحت للحمام اسبح واني متفاجئ من رده فعلهه وليش بقت ملازمه برقبتي تشم بيهه

فكرت يجوز مشتاقتلي بس لا هيه تكرهني شلون تشتاقلي شنو السالفه تصرفهه غريب والمشكله ماكدر احرجهه واسالهه ليش سوت هيج ..

خليت وكملت سبح وطلعت لكيتهه باقيه على نومتهه عاريه انتبهت علي ولفت الشرشف على جسمهه واني جيت بدلت ملابسي وهيه كامت وكفت لحضه نوب طاحت ولزمتهه..

_سماء سماء شبيج سماء كعدي ..ياربي شبيهه البنيه اليوم من غير الايام ماعذبتهه وطاحت علي وقبل اعذبهه وكلشي ماصار بيهه ادري شكو ولج سماء كعدي ..
خليت ولبستهه ملابسهه وجبت ماي وصرت ارش عليهه الى ان فزت ..

سماء_

فتحت عيوني واشوفه كبالي مخليني بحضنه ويكعد بيه ..كعدت بس الدوخه بعدهه براسي 

واحس بروده مثل الثلج من بطني تصعد لراسي حاولت ارفع نفسي ولعبت روحي وبسرعه كتله..
_ طاسه راح اتقيأ

خله عافني وكام بسرعه جاب طاسه من الحمام واخذتهه وبقيت اتقيأ وهوه عكس طبعه بقه وراي ويمسح على ضهري ..

غريبه الرجال اليوم مو طبيعي يعني لو يشدهه ويعذبني لو يحن علي ويريحني ماعرف شسوي من جهه خايفه اهتمامه هذا مؤقت ومن جهه خايفه لطفه وياي يخليني احبه واتعذب اكثر..

شهم: ها خلصتي شنو السالفه شماكله اليوم..

سماء: اي خلصت ..ماكلت شي نفس الاكل مالتكم بس الصبح لعبت نفسي من البيض واكلته غصبا عني معقوله اكول منه..

شهم: شسالفه يله هسه كومي سبحي وغسلي وجهج ..

سماء: ماكدر دايخه الارض تفتر بيه بعدهه..
حجيت هيج وكضتني الرجفه

احس جمد جسمي من ساسي لراسي ضميت نفسي بالارض وحضنت روحي وكمت ارجف من البرد ..

شهم: شسالفه شبيج ترجفين بشنو تحسين

سماء: بردانه...بردانه دفيني جسمي ثلج..

شهم: ماكو حتى حرارتج طبيعيه مامرتفعه والغرفه حاره مابيهه بروده..

سماء_
ماتحملت بعد ردت بس شي يدفيني خليت وحضنته وكتله دفيني حباب بردانه..

شهم_
احجي وياهه وفجاتا حضنتني بقيت متصنم بمكاني معقوله هيج بردانه حتى تتجرء وتحضني ..

كلت اسويهه تعويضا عن الليالي المره العيشتهه الهه..خليت وشلتهه بين اديه اخذتهه للحمام غسلت وجهه وحلكهه ورجعتهه على الجربايه نومتهه

ونمت بصفهه وغطيتهه باللحاف ودفنت نفسهه بيه وترجف خليت وحضنتهه وهيه حضنه وهيه نومه لليل..

سماء_

كعدت عركانه وميته حر وشي ضاغط على جسمي وخانكني ..فتحت عيوني ولكيته حاضني ونايم فزيت من مكاني مستغربه