فصلٌ لفتاةٍ بديله//

فصليه مبدله//البارت ..21..

سماء_
طلعت سمر وكمت كوه سحيت روحي بدي ابقه نايمه اسبوع ..شفتهه الساعه ب٨ كمت غسلت وبدلت ملابسي وطلعت للمطبخ واني اتثائب عبالك مانايمه ابد ..

رحت للمطبخ وشفت البنات بالمطبخ صبحت عليهم ورحت للصاله دخلت صبحت على الشيخه وبست راسهه..

_صباح الخير يمه

الشيخه: هلا يمه صباح النور ..شبيج يمه اشوفج تعبانه ماكاعد تنامين زين

سماء: لا والله ياشيخه من امس نايمه بس احس بروحي تعبانه واريد بعد انام كوه جريت نفسي من الفراش هسه

_هههه ميخالف بنيتي اذا تعبانه تريكي ورجعي نامي كلشي لا تسوين حبيبه

_حبيبتي يمه لا بعد خلي نومتي للضهر اتغده وانام

_على راحتج بنيتي احنه ماعدنه شي وانتي بعدج رجلج ماشفت تماما خليج على راحتج

_انشالله حبيبتي..

بقيت شويه كاعده وكمت رحت للمطبخ يم البنات تريكت وغسلنه ماعين الريوك وبقينه كاعدين شويه ودخل هوه للمطبخ ..

التفتتله واجت عيني على رقبته مثل القط لمن يباوع للسمجه والاسد لمن يباوع على فريسته ..

تخيلت نفسي دافنه وجهي برقبته واشم عطرهه وماسمعته شنو كال ولا شنو حجه ويه البنات..

شهم_

كعدت الصبح سبحت وبدلت ونزلت للمطبخ جوعان لكيتهه كاعده يم البنات وهيه التفتت علي وبقت عيونهه على رقبتي ماعرف على صدري بس بقت صافنه..خليت وحجيت ويه سمر..

_ااا خويه سمر ريوكج حبيبتي

سمر: اي خويه حاضر دقايق ويجهز

شهم_
لحدما خلصت كلامي وهيه تباوع لرقبتي عجيب امرهه..
عجيب معقوله عجبهه عطري لهل درجه ..خليت ورحت للصاله صبحت على امي وبقبت كاعد يمهه منا لاجه الريوك..

سماء_

خله وطلع واني رجعت للواقع كلت للبنات شنو راد وردن علي

سمر: يريد ريوك كايمه اسويله

سماء: هاا لا خلي عنج اني اسويله

سمر: لا حبيبتي انتي خليج مرتاحه لا تتاذه رجلج وبعدين اني متعوده اسويلهم ريوك حبيبتي

سماء: اوك حبي..

سوتله ريوك ودزته اله للصاله ورجعت بقن يسولفن هنه واني صافنه بالفراغ وتجيلي كل ذكرى حلوه عشتهه بيت اهلي وجدي..

منا لصار وقت الغده وجانو مسوين مشاوي كبده وقلوب وغيرهه ... كمت ردت اغسل الاكباد وكلبت معدتي ماكدرت اتحمل منتظرهن رحت بسرعه للحمام استفرغت ..

سحر: يا خيه شنو بيج ليش لعبت روحج

سماء: خيه مادري لعبت تفسي من الاكباد ..ورجعت استفرغ واستفرغ لحدما ارتاحيت غسلت وفرجت اسناني وطلعت من الحمام اجتي الشيخه .