فصلٌ لفتاةٍ بديله//

فصليه مبدله//البارت ..11..

شهم_
طلعت وشفتهه كاعده على كرسي متحرك معقوله هيه نفسهه الصوبناهه هذاك اليوم

يعني جان مقدرلهه تدفع ثمن اخوهه من بدايه بس لا لحضه شيكول هذا ابو رائد..

ابو رائد: شيخنه انتو ردتو بنيه من عدنه تكون فصليه وماحددت منو من بناتنه ننطيهه مو صحيح..

الشيخ: صحيح

ابو رائد: واني انطيتكم بنت بنتي سماء لان بناتي الثنين وحده مخطوبه ووحده ناهي عليهه ابن عمهه وخطبتهه بعد اسبوع

فاضطريت انطيكم حفيدتي وهيه امانه الله وامانتك شيخنه اريد تديرون بالكم عليهه وياريت تسوون مثل ماتفقنه ..

الشيخ: ولا يهمك دامهه بنت من بناتكم مايهم تكون بنتك او بنت بنتك اهم شي يوكف الدم

قبل لا يصير بيناتنه..وهيه بنتي وامانه الله ورسوله وامانتي لا تخاف عليهه..

ابو رائد: جزاك الله خير شيخنه

شهم_
بنت بنته يعني يصير خالهه الكل.ب الكتل ابني ميخالف خالهه اخوهه نفس الشي تبقى بنت من بناتهم ويحبونهه ويحترك قلبهم عليهه اكيد ..

الشيخ: يله اودعناكم مع السلامه..

الكل: الله وياكم شيخ..

سماء: تحركت السياره واني عيني ملتفته على امي وبيت جدي اتاملهم لاخر مره قبل لا ادخل جحيمي المنتضرني..

بقيت منزله راسي لحدما وره ربع ساعه وصلنه للبيت وجان اشبه بقصر بس بالنسبه الي قفص او سجن من ذهب راح اعيش بي ايام مجهوله..

الشيخ: يله بويه نزلي..

سماء: شيخ ماكدر الا على كرسي..

الشيخ: اي صحيح بويه باقر طلع الكرسي وصيح لمرتك تجي تساعدهه وتنزلهه..

باقر: حاضر بويه ..

الشيخ: شهم انت روح جيب السيد وتعال حتى يعقدلكم يله بويه..

شهم: حاضر..

سماء_
رفعت عيني عليه يعني هذا جحيمي هذا الشخص يلي راح يسلب راحتي وعافيتي اباوعله خزرني وطلع يهف مثل النسر

هاي رفت مشيته هيج طيحت قلبي شحال زمخته ولا شحال ضيم روحي اذا ضربني الله يساعدني ويقويني ويصبرني واهم شي ينطيني القوه حتى اعيش بعد مايضربني..

شويه واجت مره حليوه يجي عمرهه بالثلاثين استقبلتني وبوستني ونزلتي اكعد بالكرسي

حسيتهه لطيفه يالله ثالث فرد لطيف من العائله طبعا الثنين الاولين هوه الشيخ والاسمه باقر..

كعدت ودفعتلي الكرسي ودخلتني للبيت هوى الحديقه يشرح الصدر بس لمن دخلت البيت اختنكت

حجاره وكفت بمجرى التنفس حسيت روحي طبيت لسجني شفت هواي نسوان بس محد سلم بس مره جبيره وثنين بنات شابات ..