فصلٌ لفتاةٍ بديله//

فصليه مبدله//البارت ..42..

.
.
.
# بعد مرور اسبوع..

طبعا خوالي دور ثاني يوم وكلولي طيحي اذا ماتردينه ياخذه لان بس يعرف بي تطيح السالفه بروسهم شكلك همه ضمو ابنه عنه..

بس اصريت وكتلهم ماطيحه ولا انطي اله..
مر الاسبوع واني بين النوم والاكل والبجي على اشتياقي لابني مرتضى

وخوفي على يلي ببطني .. حتى سمر قاطعتهه بقيت نقالي مغلق ومافتحته ابد ..منا لكعدت الصبح تريكنه وكملنه وكال خالي الثالث "مؤيد"..

مؤيد: اا بويه اليوم عازم جماعتي وراح اخليهم بالديوان مالكم اذا ماتصير زحمه..

ابو رائد: اي ليش لا بس منو همه

_ التعرفهم انت ..وراح اعزم ساجد هم وياهم لان بعد صار رفيجي..

_ هاذهو اخذو راحتكم بويه..

سماء_

كال ساجد واني مدري شصار بيه كد ماشتاقيتلهم كمت افرح من اسمع او اشوف شخص من عدهم ..

كملنه ريوك ورجعت نمت منا لليل حتى غده ماتغديت ..كعدت ورحت للصاله يم بيبي

وجانو جماعه مؤيد جايين ونسمع صوتهم بالديوان يلعبون دومنه..شويه واسمع صوت.....

                  ........................

شهم_

مر اسبوع واني ماسامع اخبارهه انقطعت عنه فرد مره جهازهه مغلق قلقت عليهه كلش

بقيت يومين انتضرهه من بعيد واباوع بلكي تطلع لجامعتهه واشوفهه ماكو وكان فص ملح وذاب ..

بقيت خايف عليهه حيل الى ان كال ساجد ان خالهه عزمه لبيتهم..ردت اكله يطمن عليهه

بس شلون يطمن مايكدر يدخل للبيت والولد موجودين خطرتلي فكره ..منا لليل راد يطلع وانطيته اله ياخذه وياه ..

@@ياترى شنو انطاه ؟؟؟؟

                     .................

سماء_

كاعده بالصاله واسمع صوت طفل يبجي ضنيت اني اهلوس من شوقي لابني بس زاد العياط وكالت بيبي هذا منو جايب طفله وياه ..

خليت وكمت تقربت عل باب واسمعه صوت ابني اي هذا ابني اعرف صوته من يبجي بين الف طفل ..خليت ولا اراديا دكيت الباب مال ديوان وطلع خالي..

_ بصوت ناصي..خالي فدوه ابني هذا مو

مؤيد: اي خالي ابنج ليش

سماء: ليش يبجي جيبليا عفيه اريد احضنه مشتاقتله خالو فدوه الله يخليلك جهالك جيبلي ابني خالو

مؤيد: اي يله هسه ..

ساجد_

استغربت من اخوي لمن انطاني مرتضى وبلشني بي مافهمت السالفه منا لندك الباب ورح خالهم شويه ورجع همس باذني..