فصلٌ لفتاةٍ بديله//

فصليه مبدله//البارت ..14..

شهم_
بعدما كملت صلاتي طلعت بره اشم هوه واتصل علي ساجد..

_الو ها ساجد

ساجد: هلا خويه شلونك

_الحمدلله انتم شلونكم خو ماكو شي

_لا ماكو شي بس مرت اخوي تريد تحجي وياك..

_وينهه .

_الو هلا خويه شلونك اني هدى

_هلا خويه هلا الحمدلله تفضلي خويه

_خويه بلا زحمه عليك اريد اجي للمستشفى ابقى يم سماء خطيه لازم تكون مره يمهه تساعدهه بروحه الحمام بشي تحتاجه

_ماكو داعي ياخويه لا تغبين نفسج ويانه

_ميخالف خويه خليني اجي لان بالي يمهه وانه راح ابقى بس هل يومين

_بكيفج خويه اذا باقر يقبل تعالي ويه ساجد

_ اي حاجيته خويه وقبل اني ساجد هسه مسافه الطريق نكون يمكم..

_ماشي يله مع السلامه

_الله وياك خويه..

شهم_

بقيت كاعد بالحديقه منتضرهم نص ساعه واجو ..

ساجد: ها خويه كاعد هنا

شهم: اي خويه انتضركم

هدى: مساء الخير خويه

شهم: مساء النور هلا خويه سماء فوك تعالو ندخل ..

اخذتهم ودخلنه للغرفه وبعدهه نايمه راحت هدى تكعدهه ..

هدى: سماء حبيبتي سماء كعدي ..

سماء_
فتحت عيوني واشوف هدى كبالي تكعد بيه ..

_ها حبي شجابج هنا

هدى: اجيت ابقه يمج هل يومين خاف تحتاجين شي

سماء: هاا هلا بيج حبيبتي تفضلي كعدي لا تبقين واكفه..

كعدت على الكرسي بجانبي السرير وهوه واخو طلعو بره ..

هدى: احجيلي خيه شلون صرتي بشنو حاسه

سماء: شوفت عينج خيه ماكو احساس

هدى: كلش ماكو

سماء: اي والله بالاول كلولي شهر وتكومين على حيلج هسه الدكتور يكلي جرحج التهب ويراد ٣ اشهر ياله اكدر امشي بله عليج

هدى: اوووو مو خوش سالفه هاي يله معافايه انشالله ..

سماء: الله يعافيج حبيبتي..اي شلونج انتي الشيخه شلونهه البيت شلونهم

هدى: والله الحمدلله كلهه طشت الخطار بصباحيه عرسكم ورجعنه على روتينه اليومي

بس الشيخه والبنات حيل قلقانات عليج وصن بيدي سلام الج حيل

سماء: الله يسلمج ويسلمهن حبيبتي

هدى: اي محتاجه شي تردين شي كليلي اني مثل اختج او مثل امج لا تستحين مني