فصلٌ لفتاةٍ بديله//

فصليه مبدله//البارت ..10..

.
.
شهم_
راح ابوي واني رجعت لغرفتي ..ههه مايريد اسوي بيهه شي المفروض يكول شنو الماراح اسوي بيهه بس خل تجي

وتشرف جحيمي بدال الموته وحده اخليهه تموت الف موته باليوم ..انه شغلتين بس رايد منهه الاولى اطلع بيهه ضيمي وضيم روحي الحرمهه اخوهه من ابني صح ابني مايتعوض..

بس اريد طفل يحمل اسم وليدي المات تعودت على اسمه يتناده بالبيت مامتعود كلهه تسكت ومحد يصيح

مرتضى وينك مرتضى تعال اكل مرتضى تعال للديوان جدك يريدك اااخ يابني اااخ يامرتضى يابويه كسرت ضهري يابويه..

ورجعت كالعاده حضنت صوره ابني وصرت ابجي عليه حرك قلبي احس روحي نارهه ماتطفه بعد

الا لمن اشوف طفلي حامل اسمه ويركض بالبيت بقيت ابجي واعاتب بالصوره لحدما نمت ...

#في الصباح.....

شهم_
كعدت الصبح على صوت امي..

الشيخه: يمه شهم كوم ابوك يصيحك كوم وليدي

شهم: ها يمه شصار

الشيخه: يمه ابوك يصيحك انزل شوفه شيريد منك

شهم: اي يمه نازل..

كمت شفتهه الساعه ب١ الضهر فزيت المفروض نروح نجيب الفصليه هسه تاخرا بالنومه..رحت غسلت وبدلت ونزلت الوالد وخواني منتضريني ...

_مساء الخير

الشيخ: مساء النور يله امشونه..

باقر: يمته تتوب من عادتك يعني تكعد تطفي المنبه وترجع تنام ادري شسالفتك..

شهم: تعبان خويه ماشايف النوم بعيني..

باقر: يله اصعد يله..

شهم_
صعدنه للسياره ورحنه لبيت ابو رائد شفناه هوه وولده واكفين بالساحه استقبلونه وسلمو علينه وشويه و......
              .......................

سماء_
كعدتني مريم ب٨  الصبح كومتني هيه وامي سبحني  بس حرصنه مايلوح مكان الاصابه ماي

تالي نضفن جسمي ووجهي من الشعر وراحت مريم تلم ملابسي بالجنطه وامي بقت تمشطلي وتحجي وياي..

ام سماء: يمه سماء ديربالج على روحج وطيعي الشيخ والشيخه واهل بيتهم واهم زوجج لا تخلينه يمسك عليج غلطه او تقصير

حاولي تتوددين لاهله لان الرجال راحته تجي من راحه اهله اذا شاف اهله راضين عنج ويحبونج هوه يبرد قلبه اتجاهج

ومايقسى عليج ولو حاول يقسى عليج همه راح يوكفون بوجهه واذا محد وكف وياج الله موجود بنيتي تحملي وتقوي بالله ودائما رددي لا حول ولا قوه الا بالله ..

وشنو يكلولج عليه سوي واي شي يطلبونه منج نفذي.. ولا تعصبينهم وتضوجيهم وبالتالي يمدون ايدهم عليج يمه..