شهم_
كاعدين يم الخطار ونتناقش بالمشكله الصارت وياهم شويه واسمع صوت سماء صرخت والصوت وصل لاخر جار مو بس للديوان..
فزيت وفزوا الناس الكاعده بالديوان على صرختهه ..خفت كلش عليهه خليت وطفرت من مكاني للباب ركض
دخلت واشوفهن ملتمات عليهه وهيه تون وتصرخ ولازمه بطنهه وماي نازل من بطنهه بقيت مصدوم واكف بمكاني واني اسمع امي تكول ولاده
لحضه ووعيت على روحي اجيت وحملتهه واخذتهه للسياره ركض..
_ سمر حضري مستلزمات الطفل وخلي ساجد يجيبج وراي لمستشفى ال...
خليت وركبتهه بالسياه وطرت بيهه للمستشفى وهيه تصرخ من الالم خفت يصير عليهه شي او على الطفل ..
وصلنه وجبتلهه كرسي من باب المستشفى ودخلتهه واجت الدكتوره اخذتهه لصاله الولاده وبقيت اني واكف بالباب واسمعهه تصرخ وتشهك مثل الواحد كاعد تطلع روحه
خفت وتوتر بقيت افتر وادعي ربي يكومهم بسلامه شويه واجت سمر وساجد وراي والدكتوره مالتهه خلت ودخلت ..بقت نص ساعه تصرخ شويه وطلعت دكتورتهه وكالت..
الدكتوره لمياء: ادري ليش ماتنتبهون عليهه مو وصيتك عليهه ماتشتغل شي لان ضهرهه ضعيف .
.
شهم: خير دكتوره شبيهه هسه ليش ماولدتلمياء: مرتك طك عدهه راس الهادي وهيه ماعدهه ولاده صارلنه نص ساعه نحاول نولدهه ماكدرنه اخر شي هسه افتر الطفل صار بالعرض ..
راح نسويلهه عمليه هسه ..الزم هذي الملاحضه وروح سوي المعامله مالت العمليه ..
شهم_
حجت هيج ورحت بسرعه سويت اوراق العمليه واني جسمي وقلبي يرجف من الخوف عليهمواردد وادعي ربي كومهم بسلامه ربي سهل عليهه وخليتهه تولد وتكوم بسلامه ..
سويت الاوراق ورجعت ودخلوه للعمليات ..ماعرف ليش بس شي بداخلي دفعني وخلاني اتصل على جدهه من بعد سنه..شويه و رد علي..
_الو السلام عليكم
ابو رائد: وعليكم السلام منو
_ اني شهم زوج سماء
_ ها هلا ابني تفضل سماء بيهه شي
_عدهه ولاده ودخلوهه للعمليات راح تولد خابرت عليكم حتى تجون تكونون يمهه بهذي المحنه..
_ ولا يهمك مسافه الطريق احنه يمك بس اي مستشفى
_ اسمهه مستشفى ال....
ابو رائد: هاذهو جايين .. سديت المكالمه واشوف العيون صارت علي وهمه خايفين..
مريم: بخوف..خير بويه شبيهه سماء
رشا: بحزن ..بويه لا تكلي صار بيهه شي بويه
ام سماء: بويه كلي طمني على بنتي شبيهه ليش بالمستشفى بويه ترى انهد حيلي ..
أنت تقرأ
فصلٌ لفتاةٍ بديله//
Любовные романы(باللهجه العراقيه//البارت قصير ) سماء_ فتاة تضحي بنفسها لتكون فصليه بديله لخالتها .. وذهبت بشرط ان تلد له ولد ثم يطلق سراحها ..فهل ستترك كل شي وراءها وتعود ..وهل ستتخلص من حكمه عليها.. فماذا سيحدث لها ولطفلها الذي لا يتجاوز العام من عمره وهو بامس ال...