فصلٌ لفتاةٍ بديله//

فصليه مبدله//البارت ..36..

.
.
شهم: يله يمه رايحين ننام احنه الليل كله مانايمينه..

الشيخه: روحو يمه ارتاحوا اخذ مريتك وابنك وياك يرتاحون..

سماء_
تقشعر بدني لمن كالت مريتك وابنك ..حسيت بشعور وكاني فعلا اني ويا زوج وزوجه وطفلهم وعائله ..

خلينه ورحنه للغرفه وشهم صعد لغرفته فوك ..خليت الطفل على الجربايه وذبيت العبايه وتمددت على الجربايه وخليته بحضني ورضعته ..

شفته شلون جوعان ومتلهف علي ويخلي ايده على صدري وكان يريد يحضني ..رفت روحي عليه احس تعلقت بي وصار روحي هوه..

كمل رضاعه وجبت الكركوت عل جربايه ونومته بي ونمت بصفه تالي غفيت واني اباوعله... ماكعدت الا على صوت بجيه

فزبت مخروعه عبالي صار بي شي لو احد اذاه ..بقيت اسمي عليه واخذته بحضني ورضعته.. شفت الساعه ب١١ الصبح ..

خلص رضاعه وكمت غسلتله وبدلتلته واني غسلت وبدلت وطلعنه للصاله لكيت الشيخه كاعده هيه وشهم..

شهم: هاا شلون صرتي..انطيني الطفل عنج..

سماء: الحمدلله احسن..

الشيخه: تعاي يمه كعدي ارتاحي ..

سماء: لا خل اروح اساعد البنات

الشيخه: يمه ماعدهن شي البنات هدى يمهن تعالي ارتاحي انتي ..

سماء: ماشي.. اجيت وكعدت يم الشيخه وصرنه نباوع لشهم وهوه يلعب بابنه كان ثنينهم اطفال ..

سمر: ها يحلوين كعدتو ..

سماء: هلا حبيبتي اي قبل شوي

سمر: يله راح اسويلكم ريوك انه

سماء: لا بعد خليهه للغده ..

سمر: جا واخوي ما..

شهم_رادت تحجي وتفضحني وخزرتهه وسكتت..

سمر: يله عل غده فرد مره..

سماء: اي حبي..عجيب شنو رادت تحجي عليه وخزرهه الله اليعلم ..

مرت ساعه وهمه يلعبون مايشبع منه شنو واحنه شنو ليش مانشبع شوف منهم وهمه يلعبون..

مرت ساعه ونص واجت سحر بيدهه السفره كمت اخذتهه منهه كوه انطتهه الي وفرشتهه تالي رحت وياهن نجيب صحون الاكل..

سمر: ليش كمتي رجعي ولج لا تدوخين بعدج مريضه ترى

سماء: لا شلون اكعد واعوفجن تشتغلن مابيه شي لا تخاف علي..

هدى: اصيله والله مرت شهوم..

سحر: جا انتي هم اصيله مرت بقوري..

سماء: اي والله انا اشهد..

هدى: هههه يروحي تسلمولي ..

اسماء_