فصلٌ لفتاةٍ بديله//

فصليه مبدله//البارت ..26..

شهم_

سديت المكالمه ورحت للصحيات غسلت وجهي وصحصحت وطلعت جبت ريوك ورجعت للغرفه لكيت ام سماء وبنتهه كاعدات ..
_ صباح الخير خالتي

ام سماء: صباح النور

_تفضلي خالتي تريكو اكيد جوعانين يله ..

_ليش تعبت نفسك

_لا ولو ماكو تعب هذا واجبي يله بسرعه تره انه بعد ميت جوع تعالي خلي نتريك..

حسيت عليهه وجهه ثكيل علي من امس ..طبعا تضوج مني مو هينه على الام تسمع بنتهه متعذبه ..

اوووف اووف الله يلعن الشيطان ياريت لو يعود بيه الوكت ومامد ايدي عليهه ولا اظلمهه ولا اخذهه غصبا عنهه وبهل طريقه..

بس شسوي ذنبت وظلمتهه والله هداني وتبت عن ذنبي والله يسامحني ويهدي قلبهه علي وتسامحني هيه هم..

ام سماء: يمه حلى يله تعالي تريكي..

حلى: اي يمه..

شهم_
اجت كعدت على الطاوله وصافنه بالاكل وضايجه حبيت اكسر ضوجتهه واحجي وياهه..

_خالتي اني اعتذر على السويته بسماء بس صدكيني جان قلبي محترك على ابني انتي عندج بنات واولاد واكيد حاسه بيه وفاهمتني ..

وصدكيني انبني ضميري ورجعت عن وظلمي الهه وتبت عن ذنبي ومستحيل ارجع ازعلهه بكلمه وحده

واني كاعد احاول من شهور اني اعوضهه عن يلي شافته مني حاولت اخليهه تسامحني وتنسى يلي سويته بيهه وضنيت انهه سامحتني

بس مدام شكتلج علي وكلتلج السويته بيهه معناهه بعدهه مامسامحتني والحق وياهه اني ظلمتهه واذيتهه وعذبتهه ومستعد اسوي اي شي تطلبه مني تكفيرا عن ذنبي هذا ..

ام سماء: شوف يابني بنتي عمرهه كله عاشت مدللة عندي وبعمرهه محد ضاربهه او غالط وياهه بكلمه ولا حتى رافع صوته عليهه

والشافته عندك مو هين ومامتعوده علي ولا شايفته ولا سامعته حتى وماعتقد بنتي راح تنسى وترجع مثل قبل مرحه وسعيده ومايحزنهه شي

اني ام واحس ببنتي واعرف ان سماء راحتلك ورده مفتحه ورجعت ورده ميته مستحيل ترجع مثل قبل سعيده وقلبهه خالي من الهموم

ولا راح تكدر تكمل حياتهه وتزوج بعدك خوفا من انهه تعيش نفس العاشته وياك اما مسامحتهه الك ماضمنهه الك

بنتي ممكن تحتاج وقت تكعد ويه نفسهه وترتب مشاعرهه وحياتهه وتفكر بهذا الشي ياله تاخذ قرار بمسامحتك او عدمهه..

شهم_
حجت كل كلامهه واني اسمعلهه ومتفهم وقابل كل كلمه حجتهه بس لمن جابت سيره زواجهه من غيري وانهه تبتعد عني

اشتعل قلبي شنو زواج شنو تبتعد عني شنو ضيم الله يعني اذا طلبت اطلكهه وطلكتهه فعلا راح تروح تزوج غيري ..