فصلٌ لفتاةٍ بديله//

فصليه مبدله//البارت ..44..

شهم_

رجعت للبيت واني مرتاح دخلت للديوان سلمت على ابوي واخواني وحجيت..

_بويه محتاجك انت وخواني بشغله

الشيخ: كول بويه

شهم: بويه اريدكم باجر ترحون وياي للبصره لاهل سماء حتى نحاجي اهلهه ونرجعهه

الكل: شنووو

شهم: اي بويه لان مرتي طلعت حامل وماريد ابقيهه بعيده عني بعد..

واني مستعد اسويلهه خطبه وعرس واجيبهه لهل بيت كزوجه الي مو كفصليه..

الشيخ: هاي الساعه المباركه هذا الصح يابني جان المفروض من زمان تتخذ هل قرار..

ساجد: زين خويه ومرتك قابله ترجعلك لان هيه طلعت من البيت بارادتهه ..

شهم: اي خويه هاي رجعتي من يمهه حاجيتهه وقبلت ترجعلي..

باقر: اي الحمدلله ومبروك خويه على حمل مرتك

شهم: تسلملي خويه الله يبارك بيك..

الشيخ: هاذهو بويه باجر انشالله من الصبح ننزل للبصره وماطلع من بيتهم الا وهمه موافقين وبرضاتهم..

شهم: الله يخليك خيمه فوك راسنه يارب..كمت بست راس ابوي ورجعت كعدت وكمنه نسولف شويه تالي كلمن راح لغرفته وبيته..

رحت تطمنت على مرتضى بوسته وشميته ونمت يمه للصبح ..

#في الصباح..

شهم_

كعدت الصبح كمت سبحت وبدلت وطلعت لكيت ابوي واخواني كاعد يتريكون كعدن تريكت وياهم وخلينه وطلعنه للبصره ..

طبعا ابوي انطه خبر لابو سماء بان راح نزورهم ..مسافه الطريق وصلنه واستقبلنه ودخلنه للديوان مالتهم وجاب الكهوه راد يضيف ابوي ..

الشيخ: لا والله اعذرني كهوتك ماشربهه الا لمن تنطيني مطلبي

ابو سماء: انت تامر مو تطلب شيخنه..

شهم_

خله وحجاله ابوي القصه كلهه عن حملهه وعن اني اريدهه وتريدني وغيرها..

ابو سماء: خير انشالله شيخنه هيه مرتكم ومدامهه حامل الكم حق ترجعونهه او تاخذون طفلكم منهه

الشيخ: لاا يابوهه احنه مانبعد ام عن ابنهه ومن البدايه ماجنت راضي على روحه بنتك من بيتهه وطفلهه

بس بعد شرط ونفذناه واعتقد خلصت مهله الشرط ولازم ترجع لزوجهه ولاطفالهه..

ابو سماء: حجيك جواهر ياشيخ..بس

الشيخ: لا تكمل اعرف شتريد تكول ولهذا السبب اجيتلك بنفسي احجي وياكم واذا ماتصير زحمه تكدر تناديلي ام سماء احجي وياهه بنفسي..