فصلٌ لفتاةٍ بديله//

فصليه مبدله//البارت ..13..

#في الصباح..

شهم_

كعدت الصبح على رن النقال شلته وشفته باقر يتصل رديت عليه_بنعاس..الووو

باقر: ادري شنو من بشر انت مسوي البنيه جثه من الضرب ومخلي جرحهه ينزف ونايم ولا على بالك

تدري لو ابوك يعرف بالسويته راح ينسيك حليب امك احمد ربك واشكره محد حجاله وخابرني وكتله نزف جرحهه وجبناهه انه وشهم

والا جان طلع بروحك ونومك مستشفى وياهه..ماتخجل من نفسك مايأنبك ضميرك شنو ذنبهه هذي البنيه تسوي بيهه هيج هاا..

شهم: خلصت

باقر: لا ماخلصت لو احجي منا لباجر ماراح يشفي غليلي بيك

بس والله ياشهم اذا تكرر السويته امس لا اوكف وياك ولا اضمضملك بعد واخلي ابوي يتعامل وياك ماشي..

شهم: هسه هذا الحجي كله لان خليتك تاخذهه عمي ارجع انه رايح ابقى يمهه ولا منيه احد.

باقر: ايا ماتستحي انه ضايج من جيتي وياهه ولك انه ضايج عليهه واشفق عليك يلي صاير بلا عقل وبلا قلب وضالم ..

شهم_
حجه كلامه وسد المكالمه ....

_ اففف شلون سالفه هاي خلي اكوم ابدل واروحلهم لا يطكله عرج نوب ..

كمت سبحت وبدلت ونزلت لكيت ابوي وامي والبنات كاعد يتريكون..

_ صباح الخير

الكل: صباح النور

الشيخ: شني بويه مو بالمستشفى انت

شهم: هاا بويه اجيت ارتاح امس وخليت باقر هناك وهسه راجعلهم

الشيخه: يمه اكعد تريك اكلك لكمه

شهم: لا يمه ماشتهي..اكول عماتي وين

الشيخه: يمه راحن من الصبح اجو رجولتهن عليهن

شهم: هاا يله ماشي محتاجين شي اني رايح

الكل: سلامتك

شهم_

خليت ركبت سيارتي وطلعت للمستشفى وصلت ولكيت باقر وساجد كاعدين بره الغرفه ومبين عليهم السهر والتعب خطيه..

_ها خويه باقر روحو انتو ارتاحو انه باقي يمهه..

باقر: اشوه من حسيت روح ارجع خاف صارت زحمه عليك

شهم:ههه لا خويه شسالفه يله روحو بعد لا تجون انه باقي هنا ماعدي شي.

باقر: ماشي يله رايحين واي شي تحتاجه خابرني

ساجد: خويه انه هم ماعدي شي رايح انام وبليل اجي يمك..

شهم: انشالله ..

خلو وراحو واني دخلت للغرفه شفتهه نايمه ومعلكيلهه مغذي وحالتهه حاله

خليت وكعدت على الكرسي وصرت اكلب بالنقال لحدما صار الضهر تكسرت بلكعده