فصلٌ لفتاةٍ بديله//

فصليه مبدله//البارت ..28..

شهم_

مر اليوم نفس الشي واجه اليوم الثاني وطلعنه سماء والطفل من المستشفى ورجعنه للبيت واستقبلونه الاهل بالهلاهل والجكليت .

.اجيت اني حامل الطفل وسماء مخلينهه على كرسي متحرك وتدفعهه امهه..

الشيخه: هلا يمه هلا بروحي هلا بيكم ..

سماء_
اخذت ايد الشيخه بستهه وهيه باست راسي ولبستني اسوارهه الذهب تالي استقبلت امي..

الشيخه: هلا يمه تفضلي البيت بيتكم

ام سماء : تسلمين شيخه شلونج شخبارج حبيبتي

_الحمدلله يمه انتم شلونكم الاهل والعيال

_الحمدلله يبوسون راسج

_الحمدلله تفضلو يمه ..

شهم_
استقبلتهم واجتي انطيتهه الطفل بحضنهه وبستهه براسهه وبقت تشم بالطفل وتبوس بي ..

الشيخه: افييييش ياريحت الضنى ..يمه شهم عل خير وربي يحفضه الك ويحمي من العين ويتربى بعزكم ودلالكم وليدي..

شهم: مشكوره حبيبه الله يحفضج النه يارب..
خلت وطلعت من ايدهه سلسال بي خرزه زركه وعلكتهه برقبته

وخلت بكماطه ورقه"١٥٠ الف" وباسته وانطتنيا تالي اجن باقي البنات كذلك بوسنه وهوه بيدي وانطنه هدايا وسماء راحت للغرفه نوموهه بفراشهه ورحت وراهه واشوف..

سماء_
خلصت سلام على الكل واخذتني امي وهدى للغرفه دخلت واشوفهم محضريهه ومخلين بيهه كوشه للطفل وكاروك يم الجربايه

وكنتور صغير فتحته شفت مخليله الملابس يلي جهزهم ابوه اله ومخليلي ثلاجه صغيره على صفحه الجربايه اليمنى

ومخليلي بيهه زبيب وحليب وكرزات وعصاير وكلشي تشتهي الروح ..

وكلش مرتبه الغرفه صارت وتجنن كلش فرحت بيهه وعرفت ان الشيخه والبنات جهزنهه قبل يومين .

_شكرا حبيباتي كلش فرحت بالتجهيز

البنات: لا ولو تستاهلون انتي وابن اخونه..

سماء_
خليت وتمددت على الجربايه وامي نزعتني العبايه والحجاب ولبستني كلابيه ناعمه وقصيره ومن صدرهه دلع حتى اكدر بسهوله ارضع الطفل ..

لبستهه والتفتت واشوفه واكف بالباب يباوعلي وبيده الطفل كلش استحيت منه وانحرجت خليت وتمددت بسرعه وغطيت نفسي باللحاف..

شهم_

دخلت وشفتهه كاعد يلبسونهه بقيت جامد بمكاني مادري شصارلي تدوهنت ..

حسيت نفسي مشتاق اللياليهه صارلي تقريبا من عرفنه بحملهه لحد الان مالامسهه ..

شوفتي لجسمهه دوهنتني وخلتني اشته...🫣..تعوذت الشيطان ودخلت خليت الطفل بالكاروك ..