فصلٌ لفتاةٍ بديله//

فصليه مبدله//البارت ..17..

سماء_

جانت جايبتلي الكرسي قربته علي وساعدتني كعدت عليه واخذتني للحمام وسبحتني تالي طلعتني بدلتلي ومشطتني ..

هدى: حبيبتي تردين تطلعين للحديقه تشمين هوه الغرفه خنكه..

سماء_
لمن سمعت باسم الحديقه خفت وتهسترت خفت اطلع ويجي يضربني مره اللخ

لان كلما يشوفني بالحديقه او اباوعلهه يجي يضربني بسرعه رديت عليهه..

_لا خيه لا ماروح ماطلع خليني هنا خليني بالغرفه احسن..

هدى: اي حبيبتي اي لا تخافين لا تقلقين اذا ماتردين لا تطلعين للحديقه تمددي بفراشج ونامي ارتاحي ماشي..

سماء: اي اي انام احسن اي
خليت وتمددت على الجربايه وغطيت راسي ونمت واني بقلبي خوفه..

نمت ب١ الضهر منا لثاني يوم ب١٠ الصبح ياله كعدت عيوني ثكال وجسمي كله مورم وياذيني

بحيث ماكدر اكلب على جوانبي راسي ياذيني وعيوني كابه نار كوه ياله طلع صوتي وصحت..هدى هدى..

شويه واجت سمر وهدى دخلن واجت كعدت يمي هدى..

هدى: ها حبيبتي شلون صرتي

سماء: متاذايه ياخيه متاذايه

هدى: مابيج الا العافيه انشالله بس امس بليل تمرضتي وصخنتي خليتلج كمادات وعفتج نايمه ..بله اشوف حرارتج...

هاي شنووو ولج سمر البنيه كابه نار لحكي صيحي لساجد بسرعه ..

راحت سمر صاحت لساجد واجه يركض هوه والشيخه..

ساجد: ها شكو شصاير

هدى: الحكني خويه اخذ البنيه للطوارئ كابه عليهه الحمى لا تروح البنيه من ادينه خويه

ساجد: اي يله رايح اشغل السياره وجيبنهه وراي..

الشيخه: ياا شبيهه ليش هيج حرارتهه

هدى: يمه امس صخنت وخليتلهه كمادات وعفتهه نايمه اليوم الصبح زادت عليهه ..

الشيخه: سوده علي يمه سماء تسمعيني يمه حاولي تهمين حيلج وتكومين يمه

سماء: بصوت ناصي..ماكدر ..جسمي ..متكسر

هدى: سمر تعاي عاينيني خلي نشيلهه ..شلناهه وخليناهه بالكرسي ولبستهه حجاب وعبايه وطلعتهه بره

ركبناهه بالسياره واخذهه ساجد للمستشفى..واني رحت وياه..بقيت اقره عليهه شكو ايه وسوره حافضتهه لحدما وصلنه نزلناهه واخذناهه للطوارئ

ضربوهه بره مال سخونه وابره ثانيه وره نص ساعه مالت فلاونزه ..بعدهه بساعتين تلمست جبينهه نزلت حرارتهه

اشوه من مساع كعدت وخلينه ورجعناهه للبيت لكينه الشيخ والولد كلهم مخلصين دوام وجايين للبيت ...