فصلٌ لفتاةٍ بديله//

فصليه مبدله//البارت ..43..

.
.
#قبل يوم..
شهم_

رجع ساجد بليل وتلكيته اخذت الطفل جان نايم ودخلنه للبيت ..

ساجد: خويه ليش وديت بيدي مرتضى

شهم: ليش صار شي

ساجد: لا بس بقه يبجي وسمعته امه وكالت انطونيا

شهم: سماء ودت عليه

ساجد: اي خويه شكم ام عنده ابنك

شهم: هاا وشكد بقه عدهه

ساجد: تقريب ال٣ ساعات وكوه انطته لخالهه

شهم:ماشي يله رايح انوم مرتضى بمكانه..
خليت ورحت واني بقلبي فرحه لان شاف امه وشبع منهه

ولان تطمنت انهه بخير وموجوده ببيت جدهه .. خليت الطفل بالجربايه مالته ونمت اني هم للصبح كعدت على صوت سمر..

سمر: خويه شهم اكعد شهم

شهم: ها شكو شصاير

سمر: خويه سماء تكول اريد اسمع صوت ابني

شهم: شنوو كليلهه نايم

سمر: كتلهه كالت بس فتحي كامره اشوفه وهوه نايم..

شهم: هاا يله ماشي راح ارجع انه وانتي فتحي كامره..

خليت ودرت وجهي ونمت وبقت هيه تشوفه شلون نايم شويه واسمعهه تكول.....

.....................

سماء_

خابرتهه كامره وشفته شلون نايم بقيت صافنه عليه وتذكرته امس بحضني وتذكرت ريحته..

ماعرف شلون وزل لساني يمكن الله رادني انطقهه حتى يسمعوهه..

_وليدي راح يجيك اخ ...

شهم_
فزيت من مكاني وشفتهه سدت المكالمه وكلت لسمر

_شنو كالت

سمر: خويه جنهه كالت راح يجيلك اخ

شهم: اي حتى انه سمعتهه هيج وينهه انطينياهه

سمر: اي راح اتصل عليهه..ماكو مغلق

شهم: اشتعلو اهلج سماء اذا صدك .. خليت ورحت غسلت وبدلت وطرت بسيارتي لبيت جدهه .. دكيت الباب وطلعلي الحجي..

_صباح الخير حجي

ابو رائد: هلا ابني صباح النور تفضل

شهم: حجي بلا زحمه عليك صيحلي سماء شويه

ابو رائد: خير انشالله تفضل بالديوان هسه اصيحهه..

شهم_
دخلت وبقيت واكف ومنتظرهه على نار تجي ..شويه واجه جدهه..
_ها حجي

ابو رائد: يابني ماتقبل تكول اخاف..

شهم: حجي اخذلي طريق اذا تكدر خليني اروحلهه انه

راح الحجي شويه وكال تعال تفضل ..خليت ومشيت وراه وداني لغرفتهه دك الباب وفتحته ورادت تقفله وخليت ايدي عليه ودخلت للغرفه وقفلتهه..
.....................