فصلٌ لفتاةٍ بديله//

فصليه مبدله//البارت ..4..

*
*

بيبي: يمه مريم كومي اخذي البنات ونامن مدام مابي شي ابوجن

وانتن يمه يله روحن كلمن لبيتهه ارتاحن الحجي شويه ويجيبونه يريد ينام يرتاح وباجر عود شوفنه يله يمه ..

الكل: انشالله تصبحين على خير

بيبي: اجمعين بنياتي..

سماء: بيبي وانتي ماتنامين

بيبي: لا بيبي راح انتضر جدج لازم اتلكاه

سماء: ها جا راح ابقى وياج انه

بيبي: لا بيبي حبيبتي روحي نامي ارتاحي باجر شوفي جدج هسه يجي تعبان ويلف راسه وينام ماتكدرين تشوفينه لو تحجين ويا ..

سماء: ماشي بيبي يله رايحه اني محتاجه شي

بيبي: لا سلامتج بنيتي..

سماء: رحت للغرفه شفت خالاتي متمددات ويبجن سكته..

_خاله شبيجن تبجن

مريم: ماكو شي خاله نامي لا تهتمين

سماء: رشا كليلي شبيجن ..كاعد تبجن على حمش لو على جدو

رشا: بجي ..عليهم ثنينهم ابوي الحمدلله صار بخير بس حمش خايفه عليه كلش هنا عدنه ياخذون الدم بالدم خايفه يسووله شي ..

سماء: فال الله ولا فال ابنادم ادعي مايصير شي لا تكعدين تفاولين على الولد خاله

رشا: انشالله شبيدنه غير الدعاء احنه..

مريم: تعاي حبيبتي نامي بحضني خفتي اليوم هاا

سماء: لااا مو هواي..

رحت لحضنهه نمت واني بداخلي ارجف من الخوف وافكر باجر شراح يصير...

نمت واني بحضنهه ماكعدت منا للصبح على صوت رشا

رشا: سميه حبيبتي كعدي ماتردين تشوفين ابوي

سماء: اي حبي كعدت بس اغسل وجهي وانزل..

كمت بدلت ملابسي وغسلت وجهي ونزلت صبحت عليهم ورحت للديوانيه دخلت ورحت شبكت جدي وصبحت عليه..

_صباح الخير جدو الحمدلله على سلامتك

جدي: الله يسلمج حبيبتي

سماء: شلون صرت هسه

جدي: الحمدلله مابيه شي

سماء: اي غير جدو سبع مايصير بي شي..

جدي: ههههه اي حبيبتي

بيبي: وج بيش طالبه الرجال هسه تزركينه بعين ..عابت ام خشم

سماء: ععهههه شدعوه ماحسد الاحبهم اني..

مريم: يله وخروا عن ابوي خلي يتريك..

سماء_
كمت وطلعت لكيت حمش كاعد بالساحه ويدخن بسكوت..

_حمش هاي شنو من يمته تدخن انته