فصلٌ لفتاةٍ بديله//

فصليه مبدله//البارت ..18..

سماء_

من بعد ليله عنيفه وهمجيه كعدت الصبح متكسره مثل اي صباح احس جسمي تعود على الضرب والتعنيف اقوه ضربه بالنسبه الي صارت هسه اتفه ضربه ..

صرت اكدر امشي بس ماضغط على رجلي حيل تتاذه يعني صرت امشي عرجه ..كمت سبحت وبدلت

وطلعت من الغرفه رحت للمطبخ اساعدهم بالطبخ كالعاده ومثل اي يوم دخلت ولكيت الشيخه والبنات بالمطبخ صبحت عليهن ورحت بست راس الشيخه ..

_صباح الخير يمه

الشيخه: هلا يمه صباح النور

_صباح الخير بنات

سحر وسمر: هلا حبي صباح النور..

سمر: كعدي حبي راح يجهز الريوك

سماء: شنو كاعد تسوين

سمر: سياح وبيض

سماء_
كالت سياح واجه بالي سياح خالتي مريم وتذكرتهم ولا اني مانسيتهم لحضه

تذكرت اول صباح بيت جدي من اجيتلهم شلون صرنه نتناكر ونحشش ونضحك اني وحمش والبنات ..

مر هذاك الصباح بالي وماحس الا اختنكت وعيوني غركن بالدموع الحاره ..

تعجبت من نفسي طول ال٣ اشهر هنا مانزلت دمعتي كدام احد غير هدى وجنت احبس ضعفي وما ابينه لاحد غيرهه

بس هسه احس فقدت السيطره على دموعي احس اشتياقي الهم عبر حدود القوه..

الشيخه: ياا يمه ليش البجي من الصبح

سماء: بدموع..لا ماكو شي يمه بس هيج تذكرت اهلي ..

الشيخه: يله يمه جا شنسوي هذا قدرج والمكتوب عليج حبيبه..خلاص كافي بجي بنيتي

سماء: لا رد بس ابجي

سحر: يبووو تعاي حبيبتي تعاي لحضني اعرف شكد مشتاقه لاهلج واعرف ان دموعج تطلع غصبا عنج

بس تحملي اني خلال معاشرتي الج اعرف انج قويه ومسيطره على مشاعرج ودموعج صح الاهل فراكهم يخنك

بس شنسوي ياروحي انتي اصبري عسى ولهل ربج يفرجهه بيوم من الايام..

سماء: انشالله الله يسمع منج

سمر: يله حبيبتي سماء مسحي دموعج وكومي غسلي وجهج حتى تاكلين اطيب سياح بالعالم فنج اذا عيبتي عليه..هههه

سماء: هههه انشالله ..كمت رحت غسلت وجهي وهدات شويه ورجعت للمطبخ وطخت بخشمي ريحه البيض ..

لعبت نفسي بس تحملت خليت وكعدت اكلت بس سياح واني روحي لعبانه من البيض اكلت بسرعه وكمت طلعت بالصاله كعدت وبقيت صافنه بالفراغ

وافكر بامي وخواتي وخالاتي وحوالي وحمش بقيت افكر برشا ياترى انخطبت من ابن عمهه لو بعد