فصلٌ لفتاةٍ بديله//

فصليه مبدله//البارت ..38..

سماء_
دخلت للغرفه وقفلت الباب حتى مايجي بعد واشوفه اجيت كعدت على الجربايه وانه كلما اتذكر سوالفه مساع

اموت تمنيت الارض تنشك وتبلعني هسه شتكول علي الشيخه ..ياربييي شلون ورطه هاي..كمل الطفل رضاعه واجت سمر..

سمر: ها اكلج حبي هاذي امج تريدج..

سماء_
اخذت النقال منهه وبقيت احجي ويه امي واسال عن اخبارهم..تالي كالت

ام سماء: يمه يمته تجيب طولتي الغيبه وانكطع نفسي عليج بنيتي.

سماء: يمه حتى انه والله مشتاقتلكم حيل ..

ام سماء: يمه خلصت الشهرين وخلصت ال٣ اشهر وانتي ماكو لا انتي راجعه ولا انتي مكمله حياتج هناك

سماء_
حجت هيج وتلاشى كلشي صار وياي بهذي اليومين رجعت على قراري بان ارجع

_اي يمه انشالله باجر العصر خلي جدو يجي ياخذني انتي خابري ..

ام سماء: صدك يمه كللللوش ..هلا بيج يمه افرشلج الدرب ورود..

سماء: حبيبتي يله خلي اكوم اجهز ملابسي..خليت وسديت المكالمه وانفجرت بالبجي بقيت حاضنه ابني ونايمه

ماحسيت الا على دكه الباب كمت فتحت الباب ودخل شهم يم الطفل..وكال ..قاصد بالكلام الي..

شهم: شلونك وليدي شلون صرت

سماء: باجر يجي ياخذني جدي

شهم: شلون صرت وليدي

سماء: يجيني العصر

شهم: انشالله صرت احسن

سماء: ومناك وارجع للبصره بيت اهلي وابقه هناك..

شهم_
حاولت اتجاهل كلامهه لاني جنت خايف منه ومتوقع تحجي باي لحضه بس ماتوقعت هل كلام مر ..
بالحقيقه ولمن يصير صدك ينكسر الروح..التفتت عليهه وجاوبتهه..

_الله يوفقج بحياتج..

سماء: ويوفقك ..

شهم: اكدر اطلع طلب اخير

سماء: تفضل

شهم: تعالي لغرفتي ونامي بيهه انتي وطفلي لاخر مره

سماء: انشالله..

شهم_
دنكت اخذت الطفل وطلعت بالحديقه افتر بي وهوه متضايق مني ..حاولت الهي والعب ويا بس بقه ضايج مني ..

اخر شي خليت ورجعته للغرفه كلت خاف جوعان انطيته الهه وطلعت بره وكمت ادخن ..طبعا اني ماخلي الجكاره بيدي بس اذا محتركه روحي..

بقيت كاعد بالحديقه منا لصار وقت العشه دخلت وصعدت لغرفتي رتبتهه الهم وبقيت منتظرهم منا لصارت ب٩

دكت الباب ودخلت حامله الطفل وسحر جايبه الكركوت وياهه خلته بالارض وراحت واني كمت اخذت الطفل من ايدهه