ما بعد النهايه ✈️ - مكتملة

الخاتمه

مضت الشهور .. كانت بين شد و جذب بين الجميع .. فالزواج مختلف تماماً عن الحصول علي صديق او شريك فى السكن ..

كانت رؤي فى أخر ايام حملها فى طفلتها الاولى .. دخل سفيان فى ساعه متاخره .. كان لديه عدة عمليات لذلك تاخر فى العوده ..

دخل سفيان منهكاً .. القي السلام على رؤي و هو يقبل راسها : عامله ايه دلوقتى ..

ابتسمت له بحنان : الحمد لله .. كان عندك شغل كتير ؟

تنهد و هو يبدل ملابسه : اوى بجد .. اتهلكت النهارده ..انتى حاسه باي حاجه .. انتى في التاسع .

- انا تمام ممكن تتعشي انت و تنام ..

- متاكده يا رؤي .. طب قيستى الضغط ..

قالت بين ضحكاتها : يا سيدي كويسه هتتعبنى عافيه يعنى يلا يا حبيبي .. الحق نام شويه فى عياده الصبح .

دفعته بخفه ليتحرك تجاه الاطباق الموضوعه على المائده .. بالكاد اكل عدة لقيمات و انطلق الى فراشه ليغط فى نوم عميق بعد ثوان جراء الارهاق الذي انتابه ..

بعد ان تاكدت من نومه صدرت منها تأوهات خافته فهى تشعر بالأعياء طوال اليوم .. و يبدو ان الامر يزداد .. حاولت التحامل على نفسها فهو مرهق للغاية اليوم .. لا طاقة له لفعل اي مجهود .. ظلت تستغفر لعل الوجع يهدئ قليلاً ...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القي الياس بجسده على الاريكه جوار غزل التى كانت تشاهد فيلم باستمتاع محتضنه طبق كبير من المقرمشات .. قالت له دون ان تلتفت : خلصت شغل ..

- بالكاد انتهيت .. لازال هناك بعض الاشياء العالقه .. لكن لااستطيع الاكمال الان ..

- بكره ان شاء الله كمل .. تعالى بقى اتفرج معايا على الفيلم ده حلو اوى ..

- حسناً قبل الفيلم هل لازلتى تشعرين بالأعياء ..

-لا الحمد لله احسن ..

- دعينا نري الطبيب أفضل ..

- مش مستهله يا الياس هما قرصين بنادول هبقى فل ..

- لن احضر لكى ادويه لم يصفها الطبيب ..

- هجيبه انا عادي ..

-غزل بالله عليكي .. لا تتناولى اى ادويه من تلقاء نفسك الامرخطير ..

استدارت له مكمله : انت مكبر الموضوع ..

- انتى من يتفه من الامر صدقينى ..

تنهدت و من ثم اطرقت : خلاص انا اصلا بقيت كويسه لا ده و لا ده ..