အချိန်သည်ကား သန်းခေါင်ယံအချိန်မဟုတ်သလို မိုးသောက်ယံအချိန်လည်းမဟုတ်။ ပတ်၀န်းကျင် တစ်ခွင်လုံး ပိန်းပိတ်အောင်ကျဆင်းနေသောမြူများသည်မီးခိုးရောင်တိမ်တိုက်များ သဖွယ်လွှမ်းခြုံထား၏။ လေထုသည်အေးစက်ကာ တိတ်ဆိတ်ငြိမ်သက်နေသည်။
"ဂစ်...ဂီး....။"
ဌက်ဆိုးတစ်ကောင်ထအော်ကာပျံသန်းသွားပြီးနောက် ကျွီ ဆိုသည့်မြည်ဆွဲသံရှည်ကြီးနှင့်အတူ တံခါးတစ်ချပ်သည် ဖြေညှင်းစွာပွင့်သွားကာအမဲရောင်အရိပ်သဏ္ဌာန်တစ်ခုထွက်ပေါ်လာ၏။ထိုအရိပ်သည် အိတ်တစ်လုံးကိုဆွဲလျှက် ခြံနောက် ဖက်ဆီသို့ ဦးတည်နေသည်။ ထိုနောက်ကြီးမားသည့်သစ်ပင်ကြီးအောက်ရောက်သည့်အခါ ရပ်တန့် သွား၏။
"ဘုတ်..."
မြေပြင်ပေါ်သို့လေးလံသည့်အရာတစ်ခုပြုတ်ကျသွားသည့်အသံဖြစ်သည်။ပြစ်ချလိုက်ခြင်းဟုဆိုလျှင်ပိုမှန်မည်။ နက်ဆွေးနေသောအိတ်တစ်လုံးပင်ဖြစ်သည်။
"ဒုတ်...ဒုတ်..ဒုတ် .."
ခပ်မာမာမြေကြီးနှင့်ချွန်ထက်သည့်အရာထိတွေ့ခြင်းမှထွက်ပေါ်လာသည့်အသံဖြစ်သည်။အမဲရောင်သဏ္ဌာန်သည်မြေကြီးကိုအားကုန်သုံး၍တူးဆွနေခြင်းပင်။ နာရီအနည်းငယ်အကြာတူးထုတ်ထားသည့်မြေကြီးတစ်ပုံနှင့်အတူ လူတစ်ရပ် စာခန့် ကျင်းနက်တစ်ခု။
အမဲရောင်သဏ္ဍာန်သည်မောဟိုက်နေသောကြောင့် သူ၏ရင်အစုံသည် နိမ့်ချည်မြင့်ချည်ဖြစ်၍နေ၏။ မြေကြီးပေါ် ထိုင်ချကာ ပစ်ချထားသည့်နက်ဆွေးနေသည့်အိတ်သို့ စူးစိုက်ကြည့်ရင်းအမောဖြေနေဟန်။ သူ၏မျက်လုံးများ ပတ်ဝန်းကျင် လေထုထက်ပင်အေးစက်နိုင်လှ၏။ ထိုစဉ်ရုတ်ချည်းထရပ်ကာ ကြည့်နေသည့်အိတ်ဆီ လျှောက်သွားသည်။
"ဂျ..ဂျစ်.....။"
ဇစျကိုဖွေးညှငျးစှာဆှဲဖှငျ့လိုကျသညျနှငျ့ ညှီစို့စို့သှေးနံ့နှငျ့အတူ ပုပျအဲ့အဲ့အနံ့သညျ အေးမွမွလထေုအတှငျး ဆိုးဝါး စှာထှကျပေါျလာသညျ။
" အူ...ဝူးး..အူ.."
တိုက်ဆိုင်စွာဆွဲဆွဲငင်ငင်အူလိုက်သည့်ခွေးအူသံသည် တစ်စုံတရာကိုပြောချင်နေသည့်အလား။ ဇစ်ကို ၀ှစ်ကနဲ မြည်အောင်အမြန် ဆွဲပိတ်လိုက်ကာ အိတ်ကိုတူးထားသည့် ကျင်းနက်ထဲသို့ပစ်ချလိုက်၏။ခဏမျှအကြာ တူးထုတ် ထားသည့် မြေသားများသည် သူ့နေရာနှင့်သူနေသားတကျ ဖြစ်လို့သွားသည်။
ESTÁS LEYENDO
Beautiful Purple Eyes
Fanficလှပလွန်းသည့် ခရမ်းဖျောရောင်မျက်ဝန်းလေးက ထိုကောင်လေး၏မွေးရာပါထူးခြားချက်။ ခရမ်းဖျောရောင်မျက်ဝန်းလေးမှာ လျိုဝှက်မှုများစွာရှိနေတယ်။ ခရမ်းရောင်မျက်ဝန်းပိုင်ရှင်လေးက နှင်းပန်းလေးလို ဖြူဖွေးသန့်စင်သည့်ကောင်လေးနဲ့ဆုံတဲ့အခါ ချစ်ခြင်းတို့စတင်တယ်။
