١٢
-
عند البنات
شروق تطق الباب
لطيفه تناظر أديم:أديم يمه قومي افتحي الباب
أديم تبتسم:ابشري
تروح بسرعه و تفتح تنصدم يوم شافتهم و عقد حاجبها:امرو؟
شروق تبتسم و بميانه:ما يامر عليس عدو ابد جينا نتعرف عليس و نسولف يعني عشان من البدايه تصيرين معنا
أديم ابتسم من ميانتها:ادخلو ادخلو
نوف تناظرها تبتسم:بدون ما نسلم؟
جود بضحك:ما نستحي
أديم تضحك ى يسلمون على بعض تجي لطيفه بسبب انها استغربت من تأخرها تناظرهم شروق تبتسم:عمتي تروح تسلم عليها و لطيفه مستغربه مرهه ويسلمون كلهم شروق بضحك:قبل انا شروق وهاذي نوف وهاذي الصغيره جود
جود تناظرها:متى صرت صغيره!
نوف بضحك:لأنك العقده *يعني اخر العنقود
لطيفه تبتسم وهي تناظر جود:اعرفس يابنتي بنت الغاليه جواهر
جود تناظرها:تعرفين امي؟
أديم كانت مستغربه لطيفه تضحك:اي يأمي انتي اعرفها وينها اختس أنهار
أديم:من أنهار
شروق تبتسم و نوف بعد شروق:اختها
جود تبتسم:في البيت بس كيف ما اذكرس
لطيفه:شلون تتذكريني وانا رحنا وانتي تو امس حامل بس
أديم تناظر:يعني كبري؟
لطيفه:اي بس انتي اكبر بشهرين
شروق تضحك تناظر جود:صغيره في كل شي
جود تناظر أديم تبتسم لطيفه استوعبت انهم للحين واقفين:ادخلو ادخلو
يدخلون و يجلسون ب الصاله و تاخذهم السوالف ..
١٣
-
عند البقاله
بعد ما خلصو سعود ينفض ثوبه:يلاه؟
فهد يبتسم:يلاه
يروحون وهم يسولفون فهد يشوف أنهار الي ك العاده يبتسم *كانت تجلس على الدريشه ب حشمتها*يوصلون و يسلمون كانو يطقطقون على فيصل الي كل شوي احد مناديه يصب فيصل بتعب يحطها بيد ضاري:صب تعبت
ضاري يناظره بصدمه و يتفشل و يروح يصب و كان يا يعبيها او يقلل وهم يضحكون و تاخذ الجلسه سوالفها و اخبارها و قصيدها محمد يناظر فيصل يبتسم:ولدي فيصل عنده
فيصل يناظر ابوه و ابوه يضحك يحاول يجيب قصيده بسرعه و جاب :"مابيني وبينـك مشاريه وعتاب
شف دربك اللي جيت منه تدله
ما راح تغلبني لو الحب غلاب
من حضرتك عشان قلبي تذله ؟
كنت القريـب وكلهـم اغـراب
حتى القمر لا غاب شفتك محله
رح واعتبرني واحد اذنب وتاب
مانـي بثوبٍ تلبسه ثم تملـه"
يصفقون كلهم و يبدا كل واحد عنده قصيده يقول و بعدها كملو سوالفهم و اذن المغرب و قامو يصلون ..
داخل البيت
نوف تناظر البنات الي خذتهم السوالف:بنات اذن يلاه
لطيفه:وين وين اليوم في عشا عندنا اجلسو
شروق بجلطه:اما الهيناكم من طبخه؟
لطيفه تضحك:لا طباخ يسويه
جود:بيجون حريم؟
أديم تضحك:اكيد
جود بتوتر بسبب انها تشوف لبسها ما يناسب:بروحح ابدل بنات بدلو
يضحكون لطيفه:اذا تبون تبدلون بدلو وتعالو ترا كلكم معزومين و يأمي جود خلي عمتس مريم و أنهار يجون
جود بطفاقه:ابشري تطلع بسرعه ..
يضحكون و قامو طلعو و لطيفه و أديم بدلو و تجهزو
١٤
-
عند الملحق
جود تدخل:أنهار شفتي الي جاو تخيلي يعرفون امي و ابوي
أنهار تبتسم جود:البسي وترا عمتي لطيفه مصره تجين انتي بذات
أنهار:تعرفني؟
جود بضحك:ايي تتذكرس بي تقول وقتها عمرس ثلاث سنين
أنهار عقدت حاجبها:اهاه
جود:بدلي و بقول ل عمتي مريم
أنهار بكسل:مالي نفس اروح
جود تناظرها:والله عمتي اصرت تجين لو ما جيتي جاتك هنا تاخذك
أنهار تتنهد و تهز راسها تقوم و جود راحت تقول ل عمتها مريم "كانو يسمونها امي مريم" تلبس و تجيهم وكانوا لابسين كانت جود لابسه فستان احمر ناعمم كان مخصر من فوق و كتوفها ظاهره اما أنهار فستان كحلي عادي جداً ما يلفت ابداً و كانت هاديهه في كلامها وفي شخصيتها وفي لبسها يسمعون طق من داخل جاي من الحوش جود تبتسم:امي مريم بروح افتح
أنهار تهز راسها تروح تفتح جود وتدخل مريم تشوفهم:بسم الله عليكم يابناتي الله يحفظكم وش ذا الزين
جود تبتسم وأنهار بعد جود بضحك:من ويومنا امي
مريم تضحك تناظر أنهار الي ك العاده تبتسم تمسح على ظهرها:البسو شيالكم و امشو
يلبسون شيالهم ويطلعون يروحون..
عند الدكه
فهد لمحهم ابتسم يوم شاف أنهار معهم و جلس يسمع ل سوالفهم و كان يساعد فيصل وضاري في صب القهوه و سعود بعد نفس الشي …
عند بيت عامر
عامر يناظر ناصر:منت رايح؟
ناصر ب أهمال:الا بروح
عامر بحده:طيب البس!
ناصر يطلع ثوب و يلبس و غتره و يطلعون و الرجال اكيد قامو يسلمو و كانو ضاري و فيصل ما ارتاحو ل ناصر و ل ابوه بس ل المواجيب اما فهد متعود سعود عارف امورهم كلهم و يكره ناصر كره العمى
١٥
-
عند الحريم
لطيفه تفتح الباب تبتسم يوم شافت مريم و أنهار و جود يسلمون على بعض و يدخلون يجلسون مع الحريم الي جاو جود كشفت و سحبت أنهار تكشف بعد و تجلس أنهار جنب عمتها و جود راحت مع نوف و شروق وجود يسولفون و يضحكون اما هي تناظر الحريم تفكر لو كانت امها معهم الحين كيف بيكون الوضع وش بيكون احساسه مستحيل يكون نفس حالها الحين مكسوره تناظر لطيفه تبتسم بقهر لكون تصرفاتها تذكرها بأمها تحس بجمره بنص حلقها من قوت الغصه الي هي فيها و صارت يدها ترجف لاحظتها مريم مسكت يدها:هدي هدي يأمي
أنهار تناظرها بهمس:ت تصرفاتها نفس اميي
لطيفه كانت جنبهم سمعتها عضت شفتها بقهر وتقول بهمس و كان الناس ملتهين عنهم :أنهار يابنتي امس عند ارحم الراحمين لا تسوين كذا و تقهرينها وهاذا مكتوب
أنهار تناظرها لطيفه تمسك يدها:روحي مع البنات استانسي ولا تفكرين امس مستحيل ترضى يكون حالس كذا تمسح على شعرها :روحي تبين اوديك؟
مريم تبتسم و بهمس:اي بالله لطيفه هنا بتنقهر اكثر
لطيفه تمسك يد أنهار و يطلعون ل المجلس الي فيه البنات يدخلون تبتسم لطيفه:عنوهم اجلسي معهم
أديم تبتسم يوم عرفتها من لبسها كون جود قالت تقوم وتسلم :يمه مشاءالله تهبلينن اكثر من مدح البنات
أنهار تناظر البنات أديم:تعالي تعالي اجلسي معنا
يروحون يجلسون و لطيفه طلعت و يسولفون و أديم منبهره بجمال أنهار كانت جود حلوه و بزياده بس أنهار حلفت مافي احلى منها رموشها الكثيفه الطويله و شعرها الأسود الكثيف لين نص ظهرها و بياضها ما قدرت تميز جسمها ل كون فستانها وسيع بي بياضها و نحف يدها حلفت و اقسم بالله انها زين البنات كلهم نوف لاحظتها ضحكت:أديم وش فيك ماغير تناظرين أنهار هاذا وانتي بنت اجل لو شافها ولد
أديم بضحك:بيطير عقله
أنهار ابتسمت بخفه جود تضحك:استحيتي ترا ما قالو الا الصدق
شروق تضحك:فكيها أنهاري و سولفي
أنهار ببتسامه :خلاص
١٦
-
أديم بضحك:ياخي والله حبيتكم
جود تضحك:من ما يحبنا
أنهار تناظرها رافعه حواجبها:الثقه
نوف بضحك:صدقت يعني
شروق كانت تشرب من القهوه أديم تطلع جوالها:عطوني ارقامكم
جود تطلع جوالها بسرعه:هذا رقمي هاذا رقم انهار هاذا رقم شروق رقم نوف
نوف تبتسم:ترا ما امسكه كثير شغل البيت كله علي و ابوي
أديم بضحك:اهم شي تمسكينه
أنهار ببتسامه:من اخر ظهور لي تعرفون انه زينه
جود :ايي تقهرر
شروق:مدري وش تستفدين من انس تشوفين الديره
نوف:ها انتي وش تستفدين من الفرفره؟
شروق تضحك و بثقه:اخذ العلوم كلها و يحبوني الكل صح أديم؟
أديم تضحك:والله كلكم تهبلون
جود تدفها بمزح و خفيف:انا اطلقهم صح نفس عمر بعض
أديم تبتسم وهي فعلًا حبت جود مرهه:صح
شروق:يا الخاينه
نوف تضحك و أنهار تناظرهم تبتسم ويكملون جلستهم و سهرو ل الساعه ١٢ و فهد يتصل على جود جود تعطيه أنهار بسرعه ترد:هلا فهد
يناظرونها البنات كلهم فهد يبتسم يوم عرف أنها أنهار:ما ودس انتي و جويد و البنات تطلعون ترا فيصل و ضاري يبون يدخلون
فيصل ناظره ضاري ضحك
عند البنات
أنهار :طيب بنطلع الحين
تقفل تناظرهم:اخوانس يبون يدخلون
أديم:بكره تعالو
نوف تبتسم:تعالو عندي البيت فاضي و ابوي برا مع الرجال
أديم:تم
شروق:ازهلوها
أنهار تلبس و تطلع قبلهم وهم جلسو يتفقون لبكره ..
١٧
-
برا
أنهار واقفه تنتظر البنات يشوفها فهد يبتسم:عيال يلا بروح لا دخلت البيت يمديكم تروحون
ضاري وهو يتثاوب:طيب
فيصل يهز راسها يروح فهد ل أنهار يبتسم:زين جيتي
أنهار تبتسم بضيق:امهم تعرف امي
فهد يبتسم يوم تذكر:اي تراهم كانو مع اهلي اخوان عمي محمد يعز ابوي كثيرر
أنهار تبتسم:بنتهم لطيفهه
فهد عقد حاجبه:بنتهم ذي ما اذكرها و استحيت اسأل فيصل
أنهار:اي هي كبر جود و ولدت عمتي لطيفه في الخبر تقول أديم
فهد:اهاهه
عند الدكه
فيصل ناظرهم يشوف راحو الا باقي موجودين يرجع ينسدح على المركى ضاري بتعب:ما راحو
فيصل يهز راسه بلا
عند الباب
يطلعون و أديم توصلهم كان الباب مفتوح فهد لمحها يصد بسرعه أنهار استغربت ناظرت بصدمه:أديم فهد
أديم ترجع بسرعه جود تضحك :زين عرفنا
أديم تدفها :وش جابه؟
أنهار سمعت:عشان ياخذنا
أديم تهز راسها يطلعون و يسكرون الباب نوف و شروق راحو ل بيوتهم فهد :يلاه امشو
يروحون فهد بصوت عالي ادخلو أنهار ناظرته ودخلت جود ناظرتهم ضحكت:شكل جانا دعا؟
فهد يضحك:ادخلي بس
كل واحد يدخل و بدلو و الي نام و الي يهوجس و كانت اولهم أنهار
أنت تقرأ
تعال نعيش انا وياك الحب و شعوره
General Fictionتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
