تعال نعيش انا وياك الحب و شعوره

بارت 22

١٤٤
-
شروق:صدق؟
سعود يبتسم يمسك يدها يناظر عيونها:ناظري عيني وتعرفين
شروق تبتسم بخجل:اسفه ياسعود على كل شي
سعود يبوس يدها:كل اغلاطس بعيني صواب
شروق تبتسم يقاطعهم صوت بوري و فهد يكرر(سعودد) سعود يناظر شروق شروق دمعت عيونها:انتبه لنفسك
سعود يمسك يديها:تنتظريني؟
شروق:طول العُمر العُمر مره وهو لأجلك انت بس
سعود:كنت اعتقد ان روحي قست و معد احس بشعور الحب ولا اي شي بس انتي خليتيني احس بشعور الحب الي كنت استنكره ، انتبهي لنفسس ياشعوري
شروق ابتسمت:ياشعوري !
سعود يهز راسه:اي لأنس فعلاً شعوري
يقاطعهم فهد(سعودد اخلص علييي) سعود يبتسم يطلع جواله بسرعه:عطيني رقمس
شروق تسجله بسرعه سعود يبتسم يحط جواله بجيبه يناظرها:يلاه
شروق تطلع قبله و تروح بسرعه …
سعود يطلع وهو يقفل البقاله وهو يحس انه طاير طاير من الفرحه لأن فعلاً شروق شعوره لا جات جنبه يحس يحس بحبه لها و عشان كذا سماها شعوري فهد يناظره يضحك:وش عندكم؟
فيصل يضحك:شكل سعود طاح
سعود يضحك يركب ورا فيصل:تعال تعال قدام
جا ينزل يمسكه سعود:خلك يرجال عادي ورا زين
فيصل يبتسم:طيب
فهد يحرك:وش عندكم
سعود يصد بضحك:مالك لزوم
فيصل:صار شي؟
سعود:الوضع هدا
فهد يبتسم:الحمدلله بس وانا اخوك لا تدخل ب الغلط
سعود يبتسم:تعرفني
فيصل يلف له:متى تتقدم؟
سعود:اخلص كم شغل
فهد يبتسم:ننتظر تصير عريس
سعود :يارب
فيصل:الله يجعلكم من نصيب بعض ب الحلال
سعود:امينن
فهد يضحك:طايح وزوددد
١٤٥
-
عند سيارت ضاري
ضاري يسوق وهو يسمع تخطيطهم و الي كان نادر تشاركه جود الي كانت تأيد بس يتنهد يفتح مويه و يشرب لأن يحس ريقه نشف أديم تناظر ضاري:ضاري
ضاري:هلا
أديم تبتسم تمسك يديه:عادي نروح سوبر ماركت
ضاري يهز راسه:ابشري
أديم تبوس خده:احبك ياخي
أنهار تضحك:مصلحه
ضاري يبتسم:حتى أنهار حاسه
أديم تضحك:ابي اشتري على ذوقي ذوقك خياس
ضاري يضحك:طيب
يوقف عند سوبر ماركت يناظر البنات:يلاه
ينزلون يدخلون السوبر ماركت
جود تتمشى عند الحلاو المصاص لأنها تعشقها تدور انواع ما جربتها عشان تجربها يقاطعها احد يقول (بس بس) ويصفر التفت شافت ولد يشر لها ناظرته من فوق لتحت:الله يسلمك شايفني قطوه؟
الولد يبتسم:تصيرين قطوتي بس سنابس
جود تصد تتجاهله و يقرب الولد:لا تصيرين ثقيله كلها سناب
جود تلف و تعطيه على راسه ب الشنطه:تبي سنابي بعد؟ انطق..
ضاري يجي بسرعه و يلكم الولد:يا ك.لب
يمسكه من ياقته:وش تبي منها هاهه وش تبي يا ابن الذين
يعطيه كف و يدفه لين طاح يشر له ب اصبعه:عنوني بقولك قرب منها او من غيرها والله لا تندم فاهممم ولا الكلم المرور يشلونك يا حشره
الولد يقوم بسرعه:خلاص خلاص
يطلع ضاري يناظر جود بحده:ليه تعطينه وجه!
جود تصد:مالك دخل فيني
ضاري يمسك ذراعها بقوه لدرجه انه تلون دون علمه:لا لي دخل لي دامس معي لي دخل قدامي يلاه
جود تحاول تفكه لدرجه ان الحلاو الي جمعتها طحت من المها :اترك يديي
ضاري يناظر الحلاو الي من انواع تختلف و يستوعب انه ماسكها بقوه يبعد يده:ما قصدت
جود تدمع عيونها و تطلع وهي ما شلت الحلاو ضاري يناظرها يوم طلعت يناظر الحلاو تنهد يجمعه و يحاسب عليه و على الأغراض الثانيه و يطلع..
١٤٦
-
برا
في السياره
أنهار بقلق:وش فيسس انطقيي
أديم:جود احد متعرض لس؟
جود يدها على عيونها تبكي يركب ضاري ينصدم من صوت بكا يناظر أديم الي تناظر ورا يلف الا هي جود يتنهد يربط حزامه يناظر أديم:حزامس
أديم تتنهد و تتعدل و تربطه يحرك و أنهار حاضنه جود تمسح على ظهرها وهي تبكي ضاري كان موب قادر يركز ب السواقه يتنهد و ينزل من الشارع أديم:وش فيك
ضاري:شوي
يوقف و ينزل وهو خلاص معد يتحمل ياخذ الحلاو ب جيبه يفتح باب جود أنهار تناظره:وش فيك
ضاري يعض شفته وهو يشوف جود كيف تبكي:جود
جود ببكا:روح روح
ضاري بصرار:لا تعالي
جود تتمسك بأنهار أنهار:وش مسوي!
ضاري:خل افهمها و بعدها اشرح لكم
أنهار وهي عصبت:تكلمم
ضاري:عشاني متهاوش مع واحد متعرض لها
أنهار تناظر جود:صدق؟
جود تبكي بس ضاري يمسك يدها يشدها و يسكر الباب و يقفله عشان ما ينزلون(السياره فيها حساس و اذا قفلوها من برا وفيها احد جا يفتح يرن بوري و ما ينفتح عشان كذا تعمد يبعد عن الشارع)جود ببكا:اتركنيي خلاص تعبت اتركني
ضاري يثبتها:اسمعيني قبل
جود تضربه على صدره:لا تفتح الموضوع خلاصصص والله تعبت يكفي يكفييي ما تحسون والله تعبت
ضاري يناظره:لا تعاتبيني وانا اكثر من تعب لا تعتبيني وانا سويت شي كنت اضن شي و صار شي جود انا تعبت زي ما تعبتي رحت اختفيت اختليت عن العالم كود انساس بس ما طلعتيي ما رحتي جود اول مره احس ب الحبّ ..
جود تدفه:تسميه حب ذاه تسميه حب!!
ضاري يسكر عيونه:طيب ليش تبكين عورتس؟
جود تبكي تصد ضاري يطلع الحلاو:يرضيس؟
جود تناظر الحلاو تعض شفتها تناظر الأرض ضاري يتنهد:لا ترضين بس خذيها انا قلت الي عندي بس منتي ناويه على الصلح
يمدها لها تاخذها كونها عشقها و ما تقدر ترفض اذا كانت حلاو ضاري يتنهد يفتح السياره أنهار تنزل:حمار!! ليش مقفلها
ضاري:فكيني الله يرضى عليس
يركب أديم تناظر ضاري:وش تسمي هاذا!
ضاري:الحب
أديم تصد:غبي
ضاري يتنهد يركبون أنهار و جود يحرك …
١٤٧
-
عند الخبر
بيت فهد و خواته
لطيفه:يمه البيت ما تأثث
فهد يبتسم:ادري يمه بنجلس بفندق لين نأثث
محمد يرفع حاجبه:لا ليش فندق عندنا تعالو
سعود يبتسم:عمي ما يحتاج لو نرقد على الأرضيه مافي مشكله وانا ما نبي نضيق عليكم و بيتكم تبون راحتكم انا فندق و الأثاث ما بياخذ وقت صح ولا فهد
فهد يبتسم:اي ياعمي
فيصل:سعود فهد؟
فهد:يكفي ضيقنا عليكم في الديره و يوم جينا الخبر اول مره الحين خذو راحتكم ببيتكم
لطيفه بضيق:ازعل عليكم؟ فهد مستحيل ارضى تكونون ب فندق ولا كأن لكم اهل هنا! فهد الله يرضى عليك تعالو عندنا
فهد يبتسم وهو عاجز عن ردها:ابشري ابشري
محمد يبتسم يمسح على ظهره:زين زين انك سمعت من امك الا وينه ضاري و البنات
سعود يناظر كيف يقولون ل فهد يمه يبه و يعاملونه كنه فيصل وضاري ابتسم وتمنى من كل قلبه ما يتغيرون على فهد و يصيرون الأهل صدق له يمكن هو محد حاول يعوض مكان اهله بس مستحيل يتمنى ل احد يحس بشعوره بشعور فقد الولدين لأن الوالدين هم اساس الحياه وجودهم سقا ل ضما ضناهم بس فهد جا من يعوض بس سعود يواجها بشعوره شروق الي كانت من زمان الدافع له يواصل بدون ما يحس ، فيصل:كلمته جاين..
١٤٨
-
عند ضاري
أديم تبتسم:شوفي هاذي القطعه تفوزز
أنهار تبتسم وهي تشوف التيشيرت:صح مره حلوه
جود كانت تناظر فستان بيج ناعم عاري الكتفين ولكن فيه رقبه تبتسم تناظر البنات:حلو؟
أديم وهي انهارت من جمال الفستان:خياللل
جود ترفع كتفها:ما اضن يطلع حلو علي
ضاري كان وراهم و قال بداخله"انتي الي ازين من الباس و انواعه" أنهار:خذيه خذيهه يجنن
جود:تمام
تاخذه و تحطه ب السله أديم:تعالو ناخذ فساتين كشخه للحفله الي بسويها
أنهار بستغراب:لمن؟
أديم:لكم أكيد اول مره ما امدا الحين نسويي
جود:ماله داعي
أديم:الا له داعي اعرفكم على صحباتي و جيرانا
أنهار كانت متردده بس تبي دافع لها:تمام
أديم تشدهم يختارون فساتين ضاري يلحقهم و كانو مره يقتنعون ومره لا يجلس على كرسي موجود بتعب :بنتظركم هنا
أديم تضحك:طيب
تناظرو البنات:تعالو نشوف هناك
جود:انا تعبت و خلاص اساساً لقيت بروح ل كفتريا اخذ لي شي
أنهار تبتسم:طيب انتبهي
جود تهز راسها البنات يروحون جات تروح يمسكها ضاري تنهدت:ما تمل؟
ضاري:بجي معس
جود:مابيك
ضاري يناظرها:لازم اكون معس
جود:لا!
١٤٩
-
ضاري:غصب عنس تعالي
يشدها جود كانت متفشله وبهمس:ياخي مابيكك
ضاري يبتسم:انا ابيس و انتهى
جود ترفع حاجبها:وش وانتهى!
ضاري:مردس بتحبيني
جود:ما اعرف الحب
ضاري يوقف و يلف لها:اعلمس الحب
جود تعض شفتها:خلاص!
ضاري يتنهد:انتي الي خلاص بدون عناد امشي
جود تتنهد:طيب فكني
ضاري يبتسم:جنبي؟
جود تناظره و من عيونه درت انه بيصر تنهدت تهز راسها يفكها و يمشون للكافيه يناظرها:وش ودس به
جود تناظر المنيو:ايس كراميل ميكاتو
ضاري يبتسم:ايس كراميل ميكاتو ثنين
جود تناظر ضاري:امشي نجلس
يروح يجلسون قبال بعض جود تطلع جوالها بهدوء و تجلس تراسل.. ضاري:من تراسلين
جود كانت تبتسم ناظرته و اختفت ابتسامتها:ولا احد
ضاري يرفع حاجبه:متأكده ما تعرفين الحب؟
جود وهي فعلاً ما تعرف الحب ولاهي في علاقة حب ولا تفكر:اي
ضاري:طيب تعطيني فرصه؟
جود:ضاري سكر الموضوع
ضاري:لمتى؟
جود:ضاريي
ضاري يصد:خلاص
يجي الطلب و ياخذونه كان جود تراسل ب الجوال و تضحك و ضاري يناظرها بهدوء كل ما حاول يعدل تقفل الباب بوجهه ..

نشوفكم بعد غيبوبه العيد❤️..