تعال نعيش انا وياك الحب و شعوره

بارت34

٢٣٠
-
ابو شروق يبتسم يوم شافه نقز عرف ان سعود هو الصح هو الخيار الصحيح يتقدم بعد ما استوعب:يبه شروق؟
شروق تتنفس بقوه سعود يمسك وجها:ناظريني يعورس؟
كان خايف و يرجف شروق:م م و ي ه
كان كلامها متقطع سعود يفتح الغرشه و يحطها عند فمها:اشربي ياقلبي اشربي
ابو شروق يمسح على راسه وهو يقرا شروق واخيراً هدت يتنهد سعود يمسك يدها:بسم الله عليس يمسح على راسها و يحط شعرها ورا اذنها يناظرها شروق تناظره وتشوف خوفه عليها ابتسمت بضيق من حالها الي تشوفه استمر ابو شروق ناظر سعود يسكر عيونه وهو يشوفهم بنظراتهم انعزلو يقوم و يطلع..
سعود يقوم يجلس جنبها و شروق عيونها تتبعه يناظرها:اول مره؟
شروق:ايش؟
سعود بتوتر:يعورس؟
شروق تتنهد:لا من شهر ونص
سعود يناظرها:ليش ما قلتي
شروق:طبيعي؟
سعود يصد بنظراته عاجز عن الكذب عليها شروق تناظره:شفيك؟
سعوذ يهز راسه:ولا شي
يبوس راسها ويشدها لحضنه شروق استغربت وتوترت مرهه:س سعود؟
سعود:خليس خليس
كان خايف عليها قلبه خايف روحه خايف من الفقد خايف من نفسه يضرها خايف لدرجه عجز يشرحها ل احد يفهمهم خوفه عاجز عن النطق الكلام ما وده حتى هي تعرف لأن احزم على قرار و بيتمه..

٢٣١
-
يستمر اليوم بفرح و ساعده تغمرهم كلهم يستمر لين جا اليوم الي قبل العرس بيومين كانو راحو الخبر و البنات كل يوم طالعين و يقضون مع شروق و العيال مع سعود عشان يقدرون يخلصون ويروحون البنات مع السواق المول كلهم ..
في المول
جلسو في كفتريا
أديم بتعب:تعبب رجولي معد حسيت فيها
شروق تبتسم بضيق:اسفه اني تعبتكم معي بس الوقت موب معي ابداً
أديم تناظرها و تحضنها:ليش تعتذرين واذا ماعندس علم انا الي اصرينا و تعبنا ل اجلس راحه صح بنات
البنات كلهم:صح
نوف تناظر شروق:اهم شي سعادتس وراحتس
شروق تحط يدها على وجها بتعب:حتى انا تعبت ليش اصرو ب استعجاله ماعرف حتى اهتم بنفسي موب قادره
أنهار تمسح على ظهرها:صدقيني ما تحتاجين الروتين حقس مرهه مناسب تغيرين موب كويس كونس عروسه و بشرتس ما تحتاج ما شاء الله
أديم:فعلاً شروق
جود تجيهم ب الطلب تحطه:بالعافيه
يبتسمون و يبدون ياكلون
..
عند العيال
يدخلون المول
ل اصرار ضاري على الملابس ل سعود
سعود بضحك:بطلع دفش
ضاري:امش على اختياري و بنات كندا وراك

سعود يرفع حاجبه:مابيهم مكتفي بشعوري
فهد يبتسم فيصل:كفو كفو خلك عنه
سعود يبتسم ضاري:ساعات؟
سعود يناظر يده الي خاليه من الساعات:تم
٢٣٢
-
ضاري يضحك و يروحون يدخلون
الموظف يبتسم:تفضلو
ضاري وهو يشوف الساعات :نبي ثلاث ساعات
الموظف يطلع:هذا جديدنا
ضاري يبدا يطلع و سعود يناظره منصدم و العيال يضحكون عليهم ضاري يمد له ساعه:شف
سعود ياخذها و يلبسها فيصل يرفع حاجبه:والله حلوه
فهد:ما توقعتها كذا
سعود يناظرهم:يعني تم؟
ضاري بضحك:انا ما اخذ رايك انا اخترت وخلصت المهم جرب الثانيه
يبدا يجرب و كلها فعلاً كانت حلوه يشترون و يطلعون
برا
ضاري:بما جو كندا بارد لازم لابس ثقيل
سعود بوهقه:ودي اروح ب الثوب
ضاري :اي و يشتونك من الدريشه
فيصل يضحك فهد بضحك:فعلاً خذ طبعهم عندهم بس
سعود :حسيت بكتمه من الحين
فيصل:الله يعينك كلها شهر
سعود:يمكن
ضاري:تعالو تعالو
يدخلون محل و يبدون يشترون ل سعود وسعود متوهق موب عاجبه شي لكن يصرون عليه و ضاري ما خلا قطعه ما حطها و فيصل يرجع الشي الي متأكد سعود ما بيلبسه
...