تعال نعيش انا وياك الحب و شعوره

بارت 20

١٢٦
-
فهد:ماقدر ماقدر يا أنهار بس بحاول
أنهار تناظره وعيونها كلها حزن:الله يخليك حاول
فهد يبوس راسها:بحاول بس قومي قومي قويني سانديني نهاري انتي سبب قوتي لا تطيحين و تطيحيني
أنهار توقف وهي تمسح دموعها فهد يمسح دموعها بعد أنهار تناظره تمسح الدمعه الي طاحت منه و يروحون يدخلون و ما كنهم الي انهارو من شوي ..
عند بيت سعود
ضاري وهو صوته مبحوح من البكي:كيف كيف وهي ما عطتني مجال
سعود يتنهد:حاول تفهمها والله بتكرهك زود لو جلست ساكت
ضاري بقهر:ما تعطيني مجاللل
سعود تمسح على شاربه:طيب وش تسوي لازم تفهمها
ضاري بفقد امل:اخذ رقمها
سعود يناظره بصدمه:من جدك!!
ضاري يشد على قبضة يده:وش اسوييي طيبب قلييي اواجها مستحيل تعطيني فرصه مستحيلل
سعود يتنهد:روح روح ل اهلك نشوف بعدين روح و لا تبين
ضاري يتنهد و يقوم و يفتح الباب و مع فتحت الباب كأنه تبدل ل ضاري الي ما تعرفون وش داخله من كسر تنكر و غطا على جروحه و كسره و انخذاله يطلع و سعود سكر الباب وهو يدعي الله يقوي قلبه ..
عند ضاري
ضاري يمشي لبيتهم يطق الباب كون ما معه مفتاح و اكيد الباب مسكر كونه وقت نوم يطقه شوي الا الباب انفتح…
١٢٧
-
عند ضاري
ضاري يمشي لبيتهم يطق الباب كون ما معه مفتاح و اكيد الباب مسكر كونه وقت نوم يطقه شوي الا الباب انفتح جود بستغراب:مين..
تناظره الا هو ضاري تبدلت ملامحها ل أنزعاج:جيت!
ضاري يبلع غصت و كنها جمره ولا نهار نهار من قوتها:اي جيت
جود تصد ناويه تروح ضاري:جود
جود بكره:لا تنطق اسمي لا تنطقه
جات تروح ضاري يمسكها
ضاري:لمتى لمتىىى قوليلي لمتى تمنعيني اشرح لس افهميني قبل
جود تعطيه كف بقوه و اقوى من قبل:يانذل كيف تسمح ل نفسك تمسكني
ضاري يسكر عيونه بقهر:طيب طيب يا اخت فهد طيب اعرفي ان هاذا اخر كف اخذه منس
جود بكره جات تعطيه ثاني ضاري يمسك معصمها:لا تحاولين
يدف يدها و يروح يدخل وهو يمثلل يمثل عدم الأهتمام وهو الصدق راضي راضي اي شي منها بس ما تذله كذا ما تذله يدخل يشوف فهد وفيصل و أديم و أنهار جالسين ابتسم بخفه:سلام
فيصل ببتسامه:رحت له ولا عاد جيت
ضاري:اخذتنا السوالف
جا يجلس أديم بصوت باكي:حتى ما تسلم علي!
فهد يناظر أديم بصدمه و فيصل و أنهار ضاري يتقدم ويخم أديم بحضنه وهي تبكي تعاتبه:ليش ليش رحت واختفيت ليش ما ترد علييي
ضاري يسكر عيونه من شاف جود الي عند الباب الي يدخل على الصاله:اسف اسف اخر مره
١٢٨
-
أديم ببكا:وعد
ضاري يناظر أديم :وعد
أديم تبتسم أنهار تضحك:بزره
فيصل:ترضى على طول
فهد يبتسم يناظر أنف أديم الوردي يجلسون فهد يناظر جود:تعالي
جود تجي بهدوء و تجلس أديم وهي جنب ضاري:معد تروحح
ضاري يبتسم بضيق:ابشري
فيصل يناظر أنهار الي تناظره يبتسم بخفه و يصد أنهار ابتسمت بخفه و صدت تسولف مع جود
فهد :نسهر على فلم ؟
فيصل:اي وبكره اجازه
أديم:تم
أنهار تبتسم:اجل نسوي اكل وانتو جهزو الفلم
فيصل يبتسم:ولا يهمكم
أديم تبتسم :يلاه بنات
يقومون ويرحون..
ضاري يناظر جود الي تتجنبه يتنهد فهد يبتسم:فيك نوم؟
ضاري:وين لا لا
فيصل:نحط رعب؟
فهد يضحك:لا مانب ناقصين بكا
ضاري:فلم رومنسي
فيصل:اخس يا الرومنسي عسى منت طالع مع احد
ضاري يتنهد بضيق يناظر فيصل:ارتاح لا
فيصل:متأكد!
فهد يدق فيصل:ما اضن خله لا تضغط عليه
تقاطعهم جود الي سمعت كلامهم تحط الشبسات ضاري ناظرها و من ملامحها عرف انها سمعت تنهد لأن كل ما حاول يعدل شي تخرب كل شي..
١٢٩
-
فيصل يصد يزين الفلم و فهد يساعده جود ترجع للبنات ضاري يحط راسه على الجدار يناظر السقف بهدوء فهد ناظره عرف انه متضايق بس توقع انه من كلام فيصل يناظر فيصل بهمس:فيصل ما تضن ان كلامك جرحه؟
فيصل يناظر ضاري يتنهد:ضاري
ضاري يناظر الا كلهم يناظرونه:هلا
فيصل:زعلت؟
ضاري يهز راسه ب النفي:لا
فيصل:لو زعلت اسف
ضاري يبتسم:ما زعلت معليك
فهد:طيب فيك شي
ضاري يبتسم بضيق:لا معليك بس يمكن جوعان
فهد يبتسم:بس جودد
ضاري:لا لا مابي شي
فهد:اصص جودد
جود تجي بسرعه:هلا
فهد يبتسم:تسوين اكل ل ضاري ياعمري؟
جود تناظر ضاري تصد بكره:اسوي اسوي
فهد يبتسم:شكراً
جود تروح للمطبخ…
فيصل بضحك:وش مسوي لها واضح حاقده
ضاري يبتسم بخفه:ولا شي
فهد يبتسم:هي كذا تحب المحارش
فيصل:أديم الثانيه
فهد يضحك..
عند البنات
أنهار بستغراب:وش تسوين
جود:اندومي
أديم:لمن!
جود بنرفزه:ل اخوس ضاري
أديم تضحك:اي يا السنعه سوي سوي
جود:موب عشانه عشان فهد
أنهار تضحك و يكملون يسون اكل و جود تسوي الأندومي يخلصون و يروحون الصاله…
١٣٠
-
يجلسون و يشوفون فلم و كانو كلهم مندمجين معه معاد ضاري الي يقلب ب الأندومي بهدوء يقوم بنص الفلم
فيصل يناظره:وين؟
ضاري يتنهد:برقد
فهد يعقد حواجبه:ما كليت و غريبه ترقد الحين
ضاري:مالي نفس و ابي النوم
فيصل:طيب
ضاري يروح ل غرفته ..
فهد يناظر فيصل فيصل يناظره يرفع كتفه انه مدري وش فيه فهد يتنهد و يكملون يناظرون الفلم…
عند ضاري
يدخل غرفته يناظرها يتنهد يجي قدام المرايه يناظر نفسه بهدوء يناظر عيونه الي مستحيل احد يفمهم قد ماهو قادر يفهم نفسه يحس بضعف بس يبي يوقف وينساها بس غرق غرق بس ما يقدر يطلع نفس ما يطلع من البحر ماهو سهل نفس البحر يحس انه تقيد من كثر ماهو عاجز يحط يده على صدره يمسح بقوه من قوت الضيقه ينزل كبكه و يفتح زر زر يبي الضيقه و الكتمه تروح بس تزيد تزيد ما تروح يحس بضيقه يبي ينكرها ماهو قادر يبي ينسى ماهو قادر يضرب صدره بقوه و يجلس على طرف السرير يده على راسه ما يبي يضعف قدام احس زي ما ضعف قدام سعود يبي يوقف بس ماهو قادر يحس ان مقيد يبي ينسى بس مربوطه بعقله و قلبه يضر اتجاه قلبه وهو مقهورر و يقول"ليش ليش" ينزل ثوبه و يرمي يشغل المكيف و حط اعلى شي بارد يبي يخفف النار الي بقلبه بس تزيد ما خفت…
١٣١
-
اليوم الثاني
عند بيت الجد عبدالله
لطيفه:معد تروح يا امي
ضاري يتنهد:ان شاءالله
محمد يبتسم:ما يروح
لطيفه مستغربه ضاري ليش كذا ليش هادي :يمه فيك شي
الجد عبدالله:مافيه شي بس يهاول
ضاري يناظره وهو انقهر:صادق بس اهاول
يقوم و يطلع…
محمد:يبه؟
الجد عبدالله:وشو وشو هاذا كبره و بتخاف عليه!
لطيفه تصد بقهر:ولدي ولو يصير عمره ميه بخاف عليه عمي شفيك
محمد يتنهد الجد عبدالله:قم قم يا محمد ل مجلس ابو محسن
يقومون و يطلعون …
عند فهد
كان يمشي البنات (جود و أديم)على السياره
جود:فهد
فهد يبتسم:لبيه
أديم ناظرت جود جود تبتسم:ودي بشي اشربه بارد
فهد:ابشري أديم وش ودس؟
أديم:الي تجيبه عادي
فهد يناظرها من المرايه:اختاري
أديم:والله الي بتجيبه لجود ابيه
فهد يبتسم:طيب
يوقف على جنب و يروح ل محطه و يجيب مشروبات بارده….
١٣٢
-
عند سعود
في بقالته
يقاطع شروده في الجوال صوت ميلاف الي قالت :بوهه
سعود يناظرها يبتسم:ميلاف
ميلاف تضحك :اي وش عندك فاهي لو طلعنا بدون ما نحاسب منت عارف
سعود:من معس
ميلاف:البنات
سعود يناظر يدورهم بعيونه ميلاف تقاطعه:ما دريت رحت الخبر و رجعت محد درا
سعود يناظرها:صدق
ميلاف تضحك:والله اقنع ابوي و امي
سعود يهز راسه:شروق جات؟
ميلاف هزت راسها:اي ب الغصب
سعود يتنهد ميلاف:مدري ليش رافضه تروح المستشفى
سعود بقلق:وش فيها!
ميلاف:صايره تدوخ و حسب خبرتي فقر دم
سعود:ما تاكل!
ميلاف:الصدق لا
سعود يصد وهو تضايق و ينتظر خروجها من ورا الرفوف نوف تطلع و شروق وراها يناظرها و كانت تتصدد منه تنهد ميلاف تناظره:شايله عليك ترا
سعود يناظرها:طيب فهميني وش سويتت تكفين
ميلاف تتنهد:ودي ودي اتكلم بس هي مانعتني مانعتني حتى اجيك
سعود يناظر شروق الي كانت تناظره بس صدت يوم ناظرها يتنهد:متا يطيح الي براسس و تقولين؟
شروق تتجاهله سعود بضيق:شروق لا تجحدين السنين الي بينا
نوف تناظره بحزن و تناظر شروق الي صاده :شروق؟
شروق بهمس:لا تدخليننن
ميلاف تتنهد:لا تحاول
سعود:لا بحاول بحاول
شروق:منت مجبور على فكره
سعود يرفع حاجبه:لا مجبور مجبور اسمعس و افهمس انطقي
شروق تعطي السله نوف:لا خلصتي انتي و نوف تعالو لي
تجي تطلع يطلع من مكانه و يجي قدامها:شروق بدون عناد…
١٣٣
-
شروق تدفه من صدره:ياخي ما تفهم مابيك مابي اشوف زولك حتى ياخي اكرهك اكرهككك
سعود يناظرها و بهدوء:السبب
شروق تصد:كل شي زفت بحياتي بسببك كل شي ياخي كرهتك و كرهت عشرت السنين الي بينا معد ودي بك
ميلاف بصدمه:شروققق اوفررر
شروق وعيونها دمعت:وش اوفر وششش قولي
ميلاف تمسكها:لا تنسين انه كان يدافع عنس من كل شي بتحطين الي صار براسه …
سعود:تكلمو والله حاس صاير شي شروق انطقي و ريحيني من الأسأله الي براسي و وعد معد اقولس حرف او انتظر جيتس
نوف تسكر عيونه و تنطق اخيراً:شروق لازم اتكلم سعود يوم كنت ب الخبر ناصر تحرش فيها وكانت نيته وصخه بس ابوي تدخل و  ما صار شي
سعود سكت بصدمه كيف صار كذا ومحد قالت ليشش يناظر شروق الي مسكره عيونها صاده و انقهر انها اتهمته بشي ما عنده علم به وش تقصد ب انه سبب كل شي زفت لذي الدرجه كرهته لذي الدرجه حاطه شي مستحيل يرضى به على راسه ناظر شروق و بكسر:انا قد وعدي لا تخافين دامس حطيتي شي براسي وانا ما عندي علم به صدقيني نسيت كل سنين الي بينا
يصد يروح يجلس بمكانه ضاري الي سمع كل شي يدخل يناظر شروق يصد يناظر سعود الي جامد يتنهد ميلاف تناظر سعود:سعود
سعود بهدوء:هلا ميلاف
ميلاف تتنهد تناظر شروق:ارتحتي الحين خلاص روحي روحي و انا نلحقس
تطلع وهي تبكي ضاري بنرفزه منها:تتهم و تبكي حلوه ذي
نوف تناظر سعود:اسفه
سعود يهز راسها:مالس شغل مالس الي لها هي الي طلعت خليها تسوي الي براسها الله يستر عليها جيبي اغراضكم احاسب
نوف تحطها ضاري يطلع بسرعه يلحق شروق يمسكها:شروق
شروق تنفض يدها:نعمم
…
١٣٤
-
ضاري يناظرها:شفتي الي اتهمتيه داخل! ترا اعتبرس شي شي كبير بس صديقني ما بيرجع يلتفت لس اتهمتي واحد يشيل همس كنس روحه حتى لو انس بعيد يحس فيس بس صدقيني محد يندم غيرس و لو شفتس حولينه محد بيفكني منس
شروق تناظره من فوق لتحت:اعرف اكثر منك و مالك شغل ب الي اسويه يعني كيفي
ضاري يرص على اسنانه:سوي الي تبين بس بتندمين يا شروق
يصد يروح ..
شروق تتنهد تنتظر البنات
يجون
تناظرهم نوف تناظر شروق:قلت لس ماله شغل ماله
ميلاف:هو ما يداني نويصر تبين يقوله يجيس!
شروق تصد:لا تجلسون تدافعون عنه
نوف ترف حواجبها:ادفع عن الحق ترا شروق سعود اكثر شخص يوقف معس ليش كذا ليش
ميلاف:كلامس يجرح والله
شروق تناظرهم تدمع عيونها ترفع كتفها بضياعع:تكفون انا مدري مدري مره اكرههه و مره.. تسكت
ميلاف تقرب لها:و مره ايش
شروق تغطي وجها وهي تبكي:ما افهم نفسي معد فهمت نفسي احس ضايعه ضايعه احس بشعور يوجع داخلي والله منتو تحسون ب الي احسه ما افهم نفسي ما افهممم
نوف تتنهد:شروق لا انتي تفهمين نفسس ولا انا نفهمس
شروق تشد على عبايتها:وش يعني تنهونها؟
ميلاف شافت خوفها و ضايعها تحضنها بقوه:وش ننهيها صاحيه
نوف تتنهد:كل الي نسويه نبيس تحسين
شروق حضنت ميلاف و دموعها تنزل على كتفها:والله ضايعه احس احس موب انا والله
نوف تتنهد تمسح على كتفها:امشو البيت
ميلاف:يلا شروقي
يروحون بيت عبدالعزيز...