١٠٢
-
بدون ما نطول احداث شوي يمر اليوم و يجي يوم الرجعه الي هو الأحد يحركون ونفس ترتيبهم في الروحه ..
عند فهد
سعود:كم يبقى ضنك؟
فهد يشوف الساعه في جواله:ساعه ساعه نص ب الكثير
فيصل يضحك:شكلك اشتقت
سعود يضحك:يمكن
فهد يضحك:تعود عشان اذا اشتغلت
سعود استوعب:يوهه ادق مشوار كل يوم
فيصل يناظره:ناوي كل يوم سردي مردي على الديره!
سعود يبتسم:ضني
فيصل:اهجد و تجلس عندنا
فهد بمزح:ولا تزوج و رح
سعود يضحك:ودي بس مانيب مستعد
فيصل:اذا في وحده في بالك قلها و محد رادك و سوالف مانيب مستعد خلها على جنب انا اهلك و بنسوي الي نقدر عليه
سعود يطبطب على كتفه:مانيب مستعد نفسياً موب مالين و متى ما حسيت نفسي مستعد بتقدم
فيصل يضحك:بتطيح و انت منتب مستعد
سعود يضحك:ماودي
فهد بضحك:اذا حبيت موب بيدك حتى تصرفاتك تتغير
فيصل يبتسم يوم تذكر تغيره:صادق
سعود يضحك:مابي اصير خفيف نفس ضاري
فهد وهو يناظر الطريق:الحب وشعوره مافيها ثقل ولا ثقل نفس الحب يجي من قلبك و ما تتحكم فيه صح الحب حلو بس فيه سلبياته شوفه من الطرفين و تعرف
سعود عرف انه يقصد تتعلق و الشخص يروح و الجرح يبقا فيصل طبطب على كتفه:كل شي خيره من الله و الله اذا احب عبداً ابتلاه
فهد يبتسم:اعزموني هاه؟
سعود وفيصل:على وش
١٠٣
-
فهد يضحك:عروسكم و تمايم عيالك و عروس عيالكم و تمايم احفادكم اذا الله عطنا عُمر
فيصل يبتسم كونه الي باله اخته اكيد يحضرها كلها اما سعود هو اخوهم الي الرحم الي جا منه يختلف لكم معزته عندهم كثيره رغم ان فيصل توه شافه الا انه اعتبره اخوه الكبير وفهد نفس الشي ..
عند سيارت ضاري
جود طول الطريق ساكته ما تبي تتناقش مع ضاري و البنات مستغربين بنسبه ل ضاري عارف السبب تنهد من شاف نظراتهم ل جود الي كانت خلفه و صاده ل الدريشه أديم:جودي غريبه وش فيس
جود تهز راسها و بهدوء:ولا شي
أنهار عاقده حاجبها:صار شي و انا ما نعرفه؟
جود تهز راسها بلا ضاري يناظر جود من المرايه و كانت هاديه حتى ملامحها هدوء استغربوه البنات على جود اما ضاري كان عارف ضاري يغير السالفه :تبون نوقف عند المحطه ؟
أديم تبتسم:اي اي
ضاري يوقف يناظرهم:انزلو اشترو الي ودكم
أديم:يلاه بنات
ينزلون و جود الي ما كان ودها بس سحبتها أنهار يدخلون السبر ماركت ضاري طلب منهم يبعون السياره و راح يدخل وراهم..
عند بيت عبدالعزيز
نوف:اي تقول أنهار بيرجعون اليوم
شروق تمسح وجها بضيق:الله يحيهم
ميلاف:وش فيس
شروق تهز راسها:ولا شي
نوف:نروح نتمشى ب الديره شوي؟
شروق تناظرها و صنمت للحظه من تذكر الي صار ميلاف تناظر شروق:شروق متأكده مافيس شي
شروق تتنهد:معليس ولا شي
نوف:نروح المستشفى ؟
شروق تعقد حاجبها:ماله داعي
١٠٤
-
ميلاف:وضعس غريب
شروق:يعني مريضه انا؟
نوف بسرعه:لا لا بس يعني لو يعورس شي؟
شروق تبتسم بضيق:لا لاتخافون بس منكتمه شوي
نوف تبتسم:اجل البسو نطلع
ميلاف:يلاه
يلبسون و يطلعون
شروق اول ما جاتها اشعت اشمس و حرارتها فقدت توازنها استندت على الجدار و جلست وهي ترجف نوف تمسكها بسرعه:شروق شروق وش فيس
ميلاف تمسكها بعد:داريه داريه
شروق تخبي وجها من اشعت الشمس و تكرر "كتمه كتمه" نوف تقومها تدخلها:ميلاف بسرعه روحي جيبي مويه بسرعه بسرعه
ميلاف تروح تجيب مويه يشربون شروق الي ترجف بعد ما شربت جلست وهي هدت نوف تناظرها:تحسين بشي بعد
شروق تهز راسها ب النفي:لا اشوا
ميلاف:فقر دم
نوف :وش عرفس
ميلاف:نسيتي تخصصي لا يكون تمريض و اعرف اعراض فقر الدم شروق لازم تروحين تحللين و تشوفين و يعطونس حديد و مغذيات اخر فتره معد اكلتي
شروق تتنهد تهز راسها:لا رجعو اهلي
نوف تناظرها:و ابوي؟
شروق:مستحيل اخلي عمي يطق مشوار لين يجون اهلي و نوف امانه عمي لا يدري
نوف:يعني ترا هو ابوس بعد و..
شروق تمسك يدها:قلت امانه
نوف تتنهد:تمام
..
١٠٥
-
شروق تناظرهم و كيف يناظرونها صدت:بروح البيت
تقوم نوف تمسكها:من جدس؟
شروق تهز راسها ميلاف:خاف يجيك شي!
شروق بضيق:ما يجيني شي فكوني!
نوف تتنهد:مدري وش جايك بس اتصلي؟
شروق تهز راسها و تطلع..
ميلاف تجلس:ذا البنت بتجلطني
نوف:يمكن ما نست الي صار
ميلاف تناظرها:حالتها! يعني موب طبيعي ما تاكل يعني موب ملاحظه بس عشان تسكتنا
نوف:ملاحظه بس وش اسوي؟
ميلاف ويدها على راسها:لازم نسوي شي!
نوف تحط يدها على خصرها:و وشهو ذا الشي
ميلاف ترفع كتفها:مدري
نوف تصد:ها اسكتي
ميلاف تتنهد:نطلع بعد ولا
نوف:نفسيتي زفتت خل نجلس
ميلاف تتنهد:امشي نشوف فلم شي
نوف:يلاه
يروحون..
برا
عند سيارت فهد
يدخلون الديره
سعود:الله اشتقتتت
فيصل يضحك فهد يضحك يتجه لبيت سعود سعود يشوف زول بنت ماهوب غريب عليه يبرق الا شروق :فهد فهد وقف
فهد بستغراب:ليش؟
سعود:بس وقف
فهد يوقف و ينزل سعود بسرعه..
فيصل يناظره يضحك:راح ل شروق
فهد يضحك يهز راسه:خل يصالحها
يحرك ل بيت عبدالله..
١٠٦
-
عند سعود
سعود:شروق شروق
شروق ناظرته و صدت تكمل مشيها سعود يقرب لها يمسكها من طرف عبايتها:شروق!
شروق ببرود:نعم!
سعود يعقعد حواجبه:وش ذا التغير ياشروق! اخبرس ما كنتي كذا
شروق تتنهد:وش المطلوب؟
سعود يبتسم:اخبارس
شروق:زينه وانت في الخبر ارجع لعد اشوفك
سعود:منقهره ما قلت لس بس والله العيال اجبروني ولا كان..
شروق تقاطعه:بس بس ما هميتني ولا بتهمني ابي الفكه منك اصلاً
سعود يعقد حواجبه:شروق
شروق كانت منقهره:نعم نعم وش تبي ياخي خلاصص خلاص والله تعبت
تروح للبيت و عيونها متغارقه دموع سعود يلحقها يمسكها ذي المره من يدها يمسك يدها الثانيه يلفها له يناظر عيونها:وش فيس؟
شروق تناظر يده الي ماسكه يدينها بصدمه سعود يناظر انهم بنص الديره يشدها بين البيوت يناظر عيونها:وش مزعلس مني لا يكون عشان صحت عليس؟ شروق انا خايف عليس والله الديره و طول السنتهم
يناظر يقرب لها شروق تبعد بسرعه و تبعد يدها:س سعود
سعود يتنهد:والله ماني عارف وش بداخلي بس مابيس تزعلين مابيس تزعلين من سعود بذات مابي يجيس اذا من سعود..
١٠٧
-
شروق تناظر عيونها بقهر و تقاطعه تضربه على صدره :وينك وينك يوم جا يضرني وينك يوم شرفي بغا يضيع لا تقول تخاف علي او ما تبي تزعلني او تضرني لان كلها جات منك روح روح الله ياخذك
سعود يناظرها وهو ما فهم شي سكر عيونه من الكلمه الاخيره يفتحها الا شروق رايحه ومعطيته ظهرها يتنهد:مدري وش سويت ياشروق لكن اسف
شروق وقفت للحظه سكرت عيونها وقلبها يحترق يعورها و يدها ترجف ما تبي تلف تناظره و تضعف كملت مشي وهي تحترق
سعود يناظرها كملت مشي يجلس ويده على راسه الا جاته نغزه قويه بقلبه حط يده على قلبه ويفرك :يارب
..
عند ضاري
يوصلون عند بيت عبدالله:يلاه انزلو
ينزلون أنهار ناظرت الملحق الي كانو فيه تشد على يدها جود تروح تدخل أديم تناظر أنهار:أنهار يلاه؟
أنهار تهز راسه و يدخلون
دخل
يسلمون لطيفه وهي مشتاقه لهم:معد تروحون
محمد يضحك:هي اكثر وحده فقدتكم
أديم بمزح:وانت ما شتقت لنا
محمد يشدها يحضنها بضحك:انشلع قلبي
يضحكون لطيفه:امشو اجلسو يلاه
يروحون يجلسون
محمد يبتسم يناظر فهد:شلون الخبر
فهد يبتسم:كل علومها زينه
لطيفه:زين لا رحنا تجون عندنا
فهد يبتسم:لا يمه بنجي قبالكم
محمد:ما فهمت
فيصل يبتسم:جارنا الي من الرياض رجع ل الرياض و باع بيته و فهد شراه
محمد يبتسم:صدق عاد
فهد يبتسم:اي بالله
لطيفه تبتسم:اهم شي جنبنا
يسولفون وأنهار تبتسم وهي حاضنه لطيفه جود جالسه لحالها لطيفه ناظرتها:يمه جود وش فيس
جود تعدل جلستها:مافي شي يمه
ضاري يناظرها جود ناظرته و صدت..
أنت تقرأ
تعال نعيش انا وياك الحب و شعوره
General Fictionتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
