٦٩
-
عند البنات
ميلاف:كيف ما تقابلنا من قبل ؟
أديم تبتسم:والله مدري يمكن ما عرفنا بعض
نوف تضحك:اكيد اصلن توكم اليوم عرفتو بعض
شروق وهي نهائي ماهيب قادره تركز معهم:بنات بروح البيت
ميلاف تعقد حاجبها:بس اهلك واحو ل اخوك زياد *زياد اخو شروق متزوج و يشتغل وعايش ب الخبر و قليل ما يجي الديره ، يملك من العُمر ٣٠*
عند خالد
عنود:يعني شريكه انت
خالد يشيل سعود:اي و اي صفقه اجتماع لازم اروح بس هو يقول غالباً تكون اكترونيه
مريم:الله يوفقك ذا الولد والله انه ساعدك
خالد يبتسم:اي بالله حسيته من كثر ما يقول اخوي حسيته اخوي
مريم تذكر ناصر صدت بضيق عنود تنتبه و تروح لها:يمه !
خالد ناظرها و نزل عيونه:لا تقولين اشتقت له
مريم تناظره وعيونها دموع:خالد لا تنسى انه ولدي ربيته صح يغلط بس ولدي!
خالد يحط سعود يقوم ل أمه يجلس على ركبته وهي جالسه يمسك يدها:يمه اي ولد تسمينه يرضى على امه تنذل؟ اي ولد تسمينه يسب امه؟ يمه ناصر غلط معنا كلناا كثيررر ويغلط مع نفسه ولا أضن يتوب يمه لا تبرين جروحنا الي بالديره انسي انسي ذاك البيت
مريم تناظره:بس هو ولدي و أخوك
خالد يهز راسه بلا :اي اخو تسمينه اخو يبي يقتل اخوه ؟ يبي يقتل ولد اخوه؟
مريم وهي تبكي:ماكان بوعيه
خالد يقوم:يمه لا تخلقين له اعذار يمه يوم جاني ب المسدس بوعيه وانا متأكد يا يمه بوعيه ما كان شارب او ماكل خرابه لا بوعيه و عقله ما عندي اخو اسمه ناصر ما عنديّ
عنود تسكر عيونه و يشد على كلمة ما عندي وهي تتذكر ذاك الموقف زينن "فلاش باك"
عنود تضحك:ياربي ياخالدد
خالد ينسدح يناظرها تنوم عُمر:والله نفتك من أزعاجه
عنود تناظره:مشاءالله الحين صار أزعاج؟
خالد يضحك:أمزح ام..
ناصر الي دخل بدون طق و بيده المسدس يناظر خالد بحقد و يرفع المسدس بتجاه قلب خالد خالد تصنم: ن ناصر؟ وش تسوي
عنود ترجف بخوف تناظر ناصر ناصر ببتسامه:تدري من زمانن انتظر ذي الحضه الحضه الي اذبحك و افتك منك تعرف ليش
خالد و عيونه على المسدس:ناصر
ناصر:لأن دايم دايم حظك حلو تشتغل تزوجت البنت الي تحبها جاك ولد بذبحك بذبحك انت وولدك اكرهكمم
وهو يتكلم يدق المسدس على صدره
٧٠
-
عنود بخوف تحط عُمر و تتمشي ببطيء و خالد ملاحظها ويدعي تستعجل قبل يطلق جا يطلق الا عنود دفته بقوه و جات الطلقه على المرايه عنود صارخت تسكر أذنها بخوف خالد سكر عيونه يستوعب ما يحس بألم فتح عيونه ناصر طايح ويناظر المرايه خالد يناظر عنود الي تبكي يحضنها بقوه عشان يخفف خوفها كونها تكره الصوت العالي يعطي ناصر ظهره و يصارخ ب أطلع يجي عامر و يطلعه ..
"أنتها الفلاش باك"
عنود تناظر خالد وتشر يهدا خالد وهو مكسورر مستحيل ينسى غدرته من اخوه وكيف يبي يقتله :يمه لا توجعيني طلبتس
عنود:خالد خلاص
مريم صاده وهي ما تلومه بس ولدها ضناها :انشاءالله ياولدي
خالد يقرب يحب راسها و يحضنها:اسف يمه اسف بس والله مانيب قادر انسى
مريم تحضنه وهي تهز راسها:لا تعتذر لا تعتذر ناصر غلط والله يهديه
خالد:قفلي على سيرته
مريم تبتسم:ابشر
و يسولفون
عند البنات
جود:غريبه طلعت واهلها موب هنا
نوف:يمكن عندها شغل
ميلاف تهز راسها:يمكن
أديم :اي ما قلت لكم
جود تضحك:انا انا اقول
أنهار:لا والله صرت محطت ضحك؟
أديم وهي تضحك:بس ياخي شكلك والله يضحك
جود:ياربي والله مستحيل اتخطى
أنهار تصد ميلاف:وش وش قولو مصايبها
جود بدت تشرح لهم ..
برا
..
٧١
-
برا
شروق طلعت ناظرت بيت الجد عبدالله بسبب صوت الضحك ناظرتهم وصدت تمشي لبيتهم و كان كل شي مويه ف تمشي سنه..
عند العيال
فهد يناظر شروق:هيه ذي موب شروق؟
سعود يلتفت على طول يشوف الا شروق :وش تسوي شي اهلها موب هنا!
فهد:وينهم
سعود:راحو ل زياد
ضاري يناظر شروق:هيه والله ما توصل الا وهي طايحه
فيصل يناظر:سعود قم لها
سعود:ليش؟
فيصل:حلوه ذي ساعدها و ناصر نظراته
سعود يتلفت يدور ناصر الا صدق يناظر شروق و من حركته عرف انه ماكلها فهد يقوم بسرعه:بروح اجلس
سعود يمسكه:خلك انا اروح
ضاري يضحك يعزز:اي يا العاشق الولهان
فهد يضحك يجلس سعود صد بهدوء و راح ل شروق ..
يجيها يناظرها:ليش راجعه الحين
شروق بدون ما تناظر له تدور طريق مافيه مويه:بس طفشت
سعود يعقد حاجبه:طفشتي!
شروق تهز راسها سعود يتنهد:ماهوب علي و ارجعي يلاه للبنات
شروق توقف بنرفزه و تناظره:خير مالك شغل!
سعود يهز راسه بضحك:لا لي ارجعي
شروق :وش يضحك! وماني راجعه ابعد عن طريقي ترا والله معد لي خلق لك بعددد!
سعود يناظرها يهز راسه:بس اوصلس للبيت
شروق وهي ما تبيه جنبها او يكلمها:مابي
جات تروح سعود يمسكها من طرف عبايتها:شروق!
شروق تنفض يدها من يده:خير نعمم!..
عند العيال
ضاري:اي اي
فهد:صدق انكم ورعان
فيصل يضحك:كل يوم يزن اروح معه ل الشاليه حقه شاريه عشان بس يتجمعون فيه و يسون تان و يحجزون قارب يعني سوالف طايشين
ضاري:لحضه لحضه اصحح لك سوالف ناس عارفه الحياه
فهد يضحك:بس انتبه
ضاري يبتسم يهز راسه..
٧٢
-
عند سعود و شروق
سعود يرفع حاجبه من اسلوبها الي استغربه:وش فيس ؟
شروق تدفه:ياخي انقلع انقلع مشاءالله عليك عادي تصارخ وانا لا دايم دايم انتو يا العيال كذا بس تخسى اسكت لك
سعود يمسك يدها :هيهه! مستوعبة وش تقولين
شروق تناظر عيونه:اي مستوعبه ياليت تبعد عن طريقي
سعود هز راسه:طيب طيب روحي و فكري زين
شروق:مفكره زين ! ترا دايم تحشر نفسك في اشياء مالك دخل فيها على فكره
سعود ضحك بخفه:وانتي من بيت لبيت وش تسوين؟
شروق:عندي اسبابي
سعود يرفع حاجبه:وشهي انشاءالله
شروق تبعده و تروح سعود هز راسه بيأس تكتف يناظرها و يمشي وراها بس مسافه وصلو البيت شروق فتحته ودخلت جات تسكر الباب ناظرته:خير لاحقني
سعود صد يناظر ناصر ناظرها:سكري الباب زين وقبل تفتحين ل أحد انشدي من و شوفي من الدريشه و تأكدي كل الدرايش مسكره و بيبان الحوش ورا و باب البيت و..
شروق تقاطعه:مالك شغل فينيي روحح
سعود ابتسم:صدق بزر المهم زي ما قلت ياويلس تتجاهلين ابي مصلحتس
شروق تسكر الباب وبوجه…
سعود سكر عيونه ضحك:ورعه
يرجع للعيال
فهد:هاه بشر
سعود:معاند
ضاري:عاد مهوب واضح على شكلها
سعود يضحك:سكرو على سالفتها خلاص
فيصل ناظره:تحبها ؟
سعود عقد حاجبه:مالي في ذا الأمور
ضاري:بس بتطيح صدقني
سعود يبتسم:ما ضنتي
فهد يضحك:نشوف نشوف
فيصل ابتسم:انتظر لين تأسس نفسك و فكر في ذا الأمور
سعود يهز راسه:وهاذا الي اسويه ابي لين اشتري سياره جديده و يكون عندي مبلغ كذا على جنب و اكون جاهز و افكر
فيصل:هاذا الصح الا فهد وش قلت ؟ بعد اسبوع نروح؟
فهد يبتسم:ابي أتأكد من شغله بس و اعطيك خبر
ضاري:وشهي
فهد:ياشين القافه تعرف وقتها
ضاري:المهم يوم الخميس بروح الخبر
فيصل ناظره:ليش!
ضاري يناظره وهو يبتسم بتوتر:العيال بيروحون الشاليه و المفتاح معي و ابي اروح معهم كذا الأحد الأثنين راجع
فيصل يرفع حاجبه:و بيجيبون بنات؟منت رايح يجيبونهم في اي مكان شاليهك لحد يقربه ولا والله ل جدي و ابوي يدرون
ضاري يبقق عيونه:لا لا ماهوب جايبين بنطلع انا و العيال للبحر و ذا بس بنات مافي
سعود يضحك:كمهم؟
فيصل:قوم
ضاري يضحك:لا كلهم اربعه و انا الخامس الباقين طالعين وقتها
فيصل:المهم اسمع الطاري ان بنت داخل بس
فهد:اقديت فيه
ضاري يتنهد:معليكم والله مافي بنات
٧٣
-
سعود صد يناظر ناصر وينه شافه يدخل بيت عامر تنهد براحه و كملو سوالف و الى اخر..
الساعه ١٠م
فهد يناظر جود:تعالي تعالي
جود بستهبال وتمشي زي العارضات ويضحك فهد جود:واي؟
فهد يضحك :اخسس اقص يدي اذا تعرفين غيرها
جود تضحك:المهم وش تبي
فهد يبتسم:روحي نادي أنهار و تعالو برا في الحوش
جود بعباطه:اوكيي
فهد يهز راسه بيأس ويطلع يجلس على الفرشه ينتظر..
في الغرفه
جود تدخل:هي أنهار تعالي
أديم تناظرهم:وين؟
جود:فهودي يبينا
أديم تضحك:فاصله ؟
أنهار تقوم:وش يبي
جود ترفع كتفها:مدري تعالو بس أديموه تعالي
أديم تهز راسها بلا:لا روحو بنام
جود تشدها:قوميي
أنهار تضحك:مستحيل تتركس تعالي
جود تضحك و تغطي شعرها *ب العاده ما تلبس نقاب او برقع بس كونها جات لبست بس حست ماله داعي تلبس الحين بس غطت شعرها*
جود تناظرها:وين غطا وجهس
أديم ترفع كتفها:طفشت منه و خصيصن ماني متعوده يالله برا هنا معد اتحمله
أنهار تضحك:طيب امشو
جود تدف أديم و كانت صدق فاصله
يطلعون..
برا..
٧٤
-
فهد يناظرهم يبقق عيونه من ذي الكاشفه الي معهم!! صد وهو مستغرب البنات يجون يجلسون جود ناظرت فهد صاد ضحكت:ناظر ناظر هاذي بنت الخير وش تتوقع تقول طفشت من الغطا
أديم تدقها بقوه:ياكلبه!
فهد يناظر يتأكد يناظر عيونها الا هي فاتح يصد :اهاه
أنهار تبتسم:اي ليش ناديتنا
فهد يتنهد:ودكم تكملون؟
أنهار:نكمل وش
فهد:الجامعه؟
جود تفز:أمانهه اي اي
فهد يبتسم:أنهار؟
أنهار:وين؟
فهد :مع أديم
أديم تناظرهم:في الخبر
جود:امااا
فهد يبتسم:هاه تم؟
جود:تم تمم
فهد يناظر أنهار:نهاري؟
أنهار تبتسم:الي تشوفه؟
فهد:انتي ودس؟
أنهار:بكمل الي باقي لي
فهد يبتسم:اكيد
أنهار:تم
جود و أديم يصارخون بفرح فهد ناظر أديم صد وهو رافع حاجبه كانت جميله قليله فيها ناظر تحت وابتسم يطلع من تفكيره:بروح ارقد لا تتأخرون
جود:ابشر ابشر
فهد يضحك ويروح..
أنهار تناظر أديم:عندس خبر؟
أديم تضحك:اي
جود:كلبهه ليش ما قلتي
أديم:وصاني ما أقول
أنهار:متى؟
أديم تجلس تقول لهم ..
أنت تقرأ
تعال نعيش انا وياك الحب و شعوره
Ficción Generalتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
