تعال نعيش انا وياك الحب و شعوره

بارت 33

٢١٧
-
البنات صار عندهم علم و صارو يدورون و كل شخص بزاويه ..
عند فهد
جالس بعيد شوي عن الديره و يناظر الخلا بشرودد قاطعه الي قالت:فهد...
جالسه تدوره وهي خايفههه ما خلت زوايه ما دورت فيها تمشي بدون ما تحس تدور وكأنها ام تدور طفلها لمحت ثنين بعيد جداً تمشي بسرعه لهم عند اقترابها بدت سرعتها تخف من عرفت الأشخاص و الصدمه انه فهد و الصدمه الي عورتها ان نوف معه تناظرهم وهي وقفت مكانها تشوفه يتكلم معها ما تدري وش الحوار بس ثنين مع بعض بخلا بعيد عن البشر قلبتها ب عقلها من شافتهم عيونها تتغارق و تحط يدها على فمها عشان شهقتها ما تطلع ترجع لورا بخطوات بطيئه من الصدمه تلف تعبها منظرهم تعبها..
عندهم
كانو بعيدين من بعض بس نوف جالسه تواسيه و تشرح ان هاذا قضاء الله و انه لازم يصبر في نص كلامهم فهد لمح شخص يناظر الي راجعه ل الديره عرفها عرف زولها ناظر نوف و استوعب وضعهم :أديم!
نوف تناظر الا هي صدق أديم  توقف بسرعه:اكيد فهمت غلطط
فهد يوقف بسرعه و يركض فعلاً يركض لها ما عنده مشكله الكل يفهم غلط الا أديم مستعد يبرر كذا بدون سبب بس ما يبيها تزعل بسبب او منه يركض ويوصل لها...

٢١٨
-
نوف تسبقهم ل الديره و تدعي يفهمها..
عندهم
أديم من حست بشخص يركض وراها مسحت دموعها لكن وش تمسح المسكره سايحه تناظر الي نط قدامها:أديم
يناظر عيونها بصدمه:شفيس!
أديم تصد بصوت فيه الغصه:ولا شي ممكن توخر
فهد بخوف عليها:أديم احد مسوي لس شي ليش تبكين
أديم بصراخ و صوت باكي:وخررر
فهد بعناد:قولي و اوخر وبعدين اسمعيني اكيد شفتيني مع ن..
تقاطعه تضربه على صدره:لا تتكلم لا تتكلم وكأنه شي عادي ما توقعتها منكم وخرر
فهد بعصبيه يمسك يدها:اسمعيني ! داري انس فاهمها غلط نوف ماجات الا تدورني و شافتني و نصحتني وبعدين وش شفتي شفتيني حاضنها عشان يجي ببالس كذا! وبعدين ليش تبكين
أديك تصد تمسح دموعها وهي تقريباً مصدقه:مالك دخل
فهد يرفع حاجبه:لا لي دخل انطقي اخلصي!
أديم ترجع تبكي من ضغطه عليها:كله منك مستحيل مستحيل تفهمني او تفهم شي واساساً عقلك .. تسكت من بغت تفضح نفسها تبكي:بعدد خلاصص
فهد يناظرها:كملي!
أديم:يكفي تعبت خلاص انا لهنا وخلاص...
فهد:تكلمي بوضوح!
أديم تدفه:لا تدخل فيني ثاني مره خلاص ابعد الله يخليك لا تعلقني فيك اكثر ومالي نصيب!
فهد تصنم يوم فهم كلامها...
...

٢١٩
-
فهد تصنم يوم فهم كلامها يناظرها:يعني تح..
أديم تقاطعه:لا لا بس ابعد خلاص!
فهد يرفع حواجبه:كلامس وين اوديه وين اصرفه !
أديم تصد وهي تسب نفسها انها فضحت نفسها:لا تهتم له او تفكر فيه بس ابعد بس
فهد يناظرها بهدوء وهو يشوف من عيونها انها جد تبي تبعد:ببعد قوه
أديم:يكون ازين
فهد يهز راسه:اسلوبي يتغير
أديم تهز راسه:ما بقابلك عشان الاحظ
فهد يتنهد:قدامي
أديم تمشي وهي خايفه خايفه من الجاي خايفه ما تتخطى خايفه تغرق وهي تدري مالها نصيب فهد يناظرها تمشي قدامه ما يدري ليش قهره قرارها يبي قربها وهي تبي البعد يشد على قبضة يده بقهر ...
في الديره
جاتهم نوف تطمنهم انهم جاين وجلسو ينتظرون يشوفونهم جاين و كان خلف أديم سعود يقوم بسرعه له يجي قدامه:فهد!
فهد يناظره يبتسم بخفه:لبيه
سعود:منت ضايق؟
فهد يهز راسه بلا:ارتاح ومبروك
سعود يبتسم يحضنه:الله يبارك فيك وعقبالك
فهد:مالي نيه
سعود يرفع حاجبه:يمكن لك نصيب مع وحده
فهد يرفع كتفه فيصل يناظر فهد:وش اسوي بك؟
فهد يناظره:ليش
فيصل:ذبحتني خوفتني يا ورع
فهد يحضنه يبتسم:اسف
ضاري من وراهم:زعلان عليك لا تكلمني..