تعال نعيش انا وياك الحب و شعوره

25

١٦٢
-
محمد يتنهد يحضنها:خلاص خلاص
لطيفه تبكي…
عند فيصل جالس في الحديقه و يقلب في ملفات العساكر يقاطعه صوت كعب لف يناظر الا هي أنهار استغرب بس ابتسم و كان فستان أنهار السماوي واضح تجي:سلام مشغول كأن
فيصل:لا لا بس اقلب فيها اجلسي
أنهار تجلس تبتسم:عزيمة اليوم تجنن
فيصل يهز راسه:بس الي فيها احلا
أنهار ابتسمت بخفه فيصل:اي وش سويتي
أنهار ترفع كتفها:ولا شي ساعدت عنودي شوي
فيصل يهز راسه:اي الجامعه بقا اربع ايام جهزتي؟
أنهار:اقول ل فهد يودينا بكره
فيصل:الله يوفقس
أنهار:امين
فيصل يناظر ملامحها الي هاديهه بس تجذبب و كانت رموشها كثيفه و بيضا ابتسم:ما شاء الله
أنهار:وش
فيصل:بسألس
أنهار تهز راسها فيصل:انتي طالعه على من
أنهار:ابوي انا وفهد اما جود امي عشان كذا هي فيها شقار
فيصل يبتسم:ما شاء الله
أنهار:ليش تسأل
فيصل يبتسم:متعجب
أنهار تصد تضحك فيصل يعض شفته يناظرها أنهار توقف:اجل بروح انام
فيصل:بدري؟
أنهار:وراي قومه بدري
فيصل:اهاه نوم العوافي
أنهار تبتسم و تروح داخل..
١٦٣
-
عند فهد
بعد ما بدل منسدح يتقلب ولا جاه نوم يمسح وجهه بضيق يقوم و يطلع يناظر ابواب الغرف كلها مسكره و الأناره خفيفه ينزل تحت و كان هادي بعد يروح المطبخ يفتح الدروج بطفش يضحك من فضاوته و يجلس يمسح على شعره يسمع صوت خطوات يرفع نظره الا الي دخلت ناظرها ناظرته و عرفت انه هو فهد جات تهرب فهد:أديم وقفي
أديم تسكر عيونها توقف فهد:عادي نتكلم؟
أديم ودها ترفض معد تبي تقرب له ما تبي تحيي شعور بدا يهدا تناظره تهز راسها ب اي فهد وهو من فتره يلاحظ اجتنابها له:تعالي
تجلس فهد:أديم
أديم بتوتر:هلا
فهد:خايفه
أديم:لا لا
فهد يهز راسها:وش فيس تهربين مني ؟ عشان سالفة حبي القديم؟
أديم ساكتهه فهد:أديم شوق الله يرحمها و اذا تتوقعين اتضايق من وجودس ابداً لا شوق راحت وهي غاليه بس ليش مثلاً اتضايق من كلامس معي؟
أديم بداخلها"مابي احبك يافهد و حبنا مستحيل":موب عشان كذا فهد
فهد:طيب ريحيني وش فيس
أديم:ولا شي
فهد:لا تتجنبيني فقدت حسس
أديم تشد على قبضت يدها و تهز راسها فهد يبتسم:فيس نوم
أديم:لا
فهد:نسوي قهوه؟
أديم استغربت من كلمت نسوي:انا وانت؟
فهد:في غيرنا؟
أديم:اقدر اسويها لحالي
فهد:بخاطري اسويها معس
أديم:تمام
كانت متوتره و خايفه خايفه تغرق ولا تقدر تطلع منها ، فهد كان يفرح بوجودها يبي سوالفها ما يبي ضيقتها يعترف انه يوم تصد عنه ضاق و وده يسألها وجات له الفرصه وسألها يقومون عشان يسون القهوه…
١٦٤
-
فهد يطلع دلة الكبيره:ذي؟
أديم بنص توترها تضحك:وش بيشربها ذي؟
فهد يبتسم من ضحكتها:مدري وينها الصغير طيب
أديم تطلعه :وش ذا
فهد يرفع حواجبها:ما شفته
أديم تضحك:عادي عادي ..
يقاطعهم صوت الرعد تناظر فهد الي ابتسم:مطر؟
أديم:يمكن
فهد:تعالي تعالي
يشدها من يدها و أديم مستغربه تمشي معه يطلعون الا هو مطر فهد ضحك و طلع تحت المطر في الحوش يدور كنه بزر أديم تضحك عليه فهد:تعاليي
أديم:برد
فهد:مايخالف تعالي
أديم تجي و تدور بعد فهد يضحك:نفر على السياره؟
أديم:نصحي اهلي؟
فهد:متكسرين خليهم
أديم:يعني
فهد يهز راسه:يلاه
يوكبون السياره و فهد ببجامته و أديم ببجامتها بعد بس عليها وشاح و يطلعون برا الحوش كانو كلهم مبسوطين ب المطر فهد يشغل تكيف حار يناظرها:برد
أديم:شوي
فهد يبتسم و يفرفرون يجون عند البحر أديم تناظر كيف المطر ينزل على البحر:سبحان الله
فهد يبتسم:شكله حلو
أديم تهز راسها فهد يبتسم:تصدقين
أديم:ايش
فهد:احس بوقت المطر اني مرتاح
أديم:كلنا
فهد يضحك:لا لا بوقت المطر احس اهلي حولي احس ربي يواسي همي ب مطره يريح قلبي من كل شي…
١٦٥
-
أديم:ربي يحبك
فهد :يارب
أديم تبتسم تناظره فهد يناظرها يبتسم يصد :نروح كوفي نعوض القهوه؟
أديم:نرجع نكملها ليش لا؟
فهد يبتسم:تم و نطلع ب الجلسه المسكره؟
أديم تهز راسها فهد يحرك أديم :عادي اشغل صوت؟
فهد:اكيد هاذا رقم السري
أديم تسجله و تشبك تناظر فهد تبتسم بهدوء و تذكرت قصته كون جود شرحتها لها و تشغل "قولو لها انني لازلت اهواها" تحط الجوال و تبدا فهد ناظر أديم يوم عرفها يصد بهدوء و تبدا الغنيه
(قولوا لها أنني لازلت أهواها
مهما يطول النوى لا أنسى ذكراها
قولوا لها أنني لازلت أهواها
مهما يطول النوى لا أنسى ذكراها
هي التي علمتني كيف أعشقها
هي التي سقتني شهد ريّاها
روح من الله سواها لنا بشراً
كساها حسناً وجملها وحلاها…)
أديم ما قدرت تكبت دموعها اكثر نزلت كونها تعرف من في باله مو هي ومستحيل هي هي حبت شخص متعلق في وحده غيرها في وحدها ماتت ولا نساها هي تدري انه لا حب حب بس هي عاجزه عاجزه عن قول تعال تعال نعيش انا و أياك الحب وشعوره تدري مستحيل فهد مستحيل يلتفت لها تبي تبعد بس كل ما بعدت حيا شعور طفا و اذا قربت حيا مالها مفر منه ما تبي تكون الطرف الثالث تكره شعور الحب من طرف ولاهي قادره تنطق…
١٦٦
-
فهد يناظرها و شاف دموعها يصد يتنهد يطفي الصوت أديم تناظره بعد ما مسحت دموعها فهد يوقف على طرف و كان المكان فاضي ينزل و يروح ل الشاطئ يحط يده على قلبه يناظر كيف الموج يجي يتقدم لين صار الموج يضرب برجله يناظر السما الي معتمه و النجوم ماليتها وقال بداخله"يارب تعبت يارب ازل حبها من قلبي ابي اعيش ابي احب ماني قادر ماني قادر"يقاطعه اليد الي على كتفه يلف يناظر الا هي أديم أديم بضيق:فهد
فهد يناظر يدها:هلا
أديم:عط نفسك فرصه انسا انسا او جرب تعيش جرب تعيش الحياه فهد لو كنت غامض و منت واضح للكل انت واضح لي شخصيتك صرت افهمها فهد شوق ما طلعت من قلبك لأنك وقفت عند نقطه محتاج احد يجي يساعدك .. تسكت شوي و بتردد:بساعدك بساعدك ب انك تتحرك من ذي النقطه
فهد يناظرها وهو منصدم:أديم!…
عند سعود
يطلع يبتسم يوم شاف الأرض كلها مويه و درا انه توه مطرت يطلع جواله يشوف رقمها يبتسم و يتصل هو متوقع انها نايمه بس قاطعه ردها:هلا سعود
سعود يبتسم:مانمتي شعوري؟
شروق تبتسم من تلقيبه لها "شعوري":لا توه كان يمطر عندنا و طلعت فيه
سعود بخوف:لا يدخلس برد تدفي
شروق تبتسم:ان شاء الله
سعود يجلس على رتبت الحوش برا:تدرين امطر عندنا و ما دريت
شروق:نايم اكيد
سعود يضحك:اي
شروق:نومك ثقيل
..
١٦٧
-
سعود:حلمت فيس عشان كذا لو صار انفجار ابطي ما اقوم
شروق:بسم الله عليك
سعود:تخافين علي؟
شروق:اكيد
سعود يعض شفته:بسألس
شروق:وش
سعود:لا تزعلين بس ابي افهم والله بس افهم
شروق عرفت السؤال وبضيق:سعود ما افهم نفسي ما افهمها وقتها بس كل الي عرفته ابي ابعد لأن بقربك اغرق تفهمني سعود لما اكون عندك اتهور مابي اغلط يا سعود …
سعود:طيب ضاري
شروق بكت من الضغط الي تحسه:حجه ل تكرهني خلاص سعود خلاصص
جات تقفل سعود:لا تقفلين شعوري لا تقفلين ماني شايل عليس بس ابي افهم وخلاص
شروق ما تبي يسمعها تبكي تكبت دموعها و تعدل صوتها:بنام
سعود:شعوري؟
شروق بتعب تبكي:سعود الله يخليك
سعود يتنهد:الي يريحس بس انتظريني
شروق تقفل..
سعود يمسح وجهه بضيق هو سألها و لقى جواب انها ضايعه وقتها بس خايف من انه تروح من يده هو يدري ب الي يتقدمون لها و رفضها بس خايف الرفض من اهلها و اذا راح من يروح معه! ابتسم بقهر و يجلس يدعي ل اهله ..