تعال نعيش انا وياك الحب و شعوره

بارت35

٢٣٨
-
شروق تناظر الخاتم وتعض شفتها واضح غلاه تناظره:لا
سعود:موب حلو؟؟
شروق تتنهد و بهمس: حلو بس مستحيل سعود! واضح غالي
سعود يناظرها:ها والله محد يلبسه غيرس لا ترديني
شروق تتنهد وتناظره يدفع وتشوف السعر الي كان كبيرر تعض شفتها تناظر تحركاته يوقف و يناظرها يبتسم يمسك يدها تمسك يده و تقوم تاخذ شنطتها و يطلعون..
برا
شروق:سعود صاحي؟
سعود يبتسم:اي
شروق:سعره
سعود يناظرها وهو وقف وهي وقفت يمسك يدها الثانيه:لو ما اهديس من اهدي؟
شروق تشد على يده:ما يهم السعر انا اهم شي منك
سعود:اقبليها مني عاد
شروق تتنهد وتبتسم تهز راسها سعود يبتسم :يلاه
يمشون راجعين..
عند ماجد
ينزل من السياره كونه توه واصل بيت خالد ياخذ جواله يحطه بجيبه و يشوف الباب مردود يدخل و يمشي ل المجلس شوي الا الي طلعت من باب البيت بسرعه وكان بكعبها وعباتها و واضح استعجالها الا صدمت فيه يناظر وجها الا هي نفسها ام لبس كركمي ( كانت كاشفه وجها بس و مافكر انها العنود لان العنود تلبس نقاب) ...

٢٣٩
-
ميلاف بصدمه بدون ما تناظره:اسفه اسفه
رفعت عيونها تناظر الا تذكرت الموقف:انتت!
ماجد ماسك ضحكته:اي
ميلاف جات تروح بسرعه كونها متفشله يمسكها:ميلاف صح؟
ميلاف تناظر يده تنفضها وبعصبيه:صح! بس ما تمسك يدي من سمح لك
ماجد يناظرها بصدمه كون اساساً ردة فعله في مسكها طلعت فجأه :اسف ما قصدت
ميلاف بعصبيه:اي خير
تروح بسرعه ماجد يضحك بخفه:عصبيه وبعدين ليش حسستني اني ماسكها متعمد بس زين شكلها صعبه
خالد من وراه:من تكلم؟
ماجد يناظره وبضحك:نفسي
خالد يضحك:امش امش الله يصلحك
ماجد يبتسم ويدخل...
عند المول
كانو جالسين كلهم و شروق و سعود بقى ما جاو فهد يناظر أديم الي تتجاهله نرفزه حركتها هو يبي يفهم ليش ؟ يتنهد ، فيصل الي يسرق النظر ل أنهار الي كانت نفس وضعه هو عجز عن الصد بس فيه عتاببب لها فيه خذلان منها هي الي دخلته الحب وهي الي كرهته فيه بعد عجز يخلق لها عذر عذرها ما فاده عاجز عن النسيان و العتاب والصده! ،...

٢٤٠
-
، ضاري يناظر جود الي تضحك وتسولف مع البنات و في سوالفها تحرك يدها انتبه ل السواره ابتسم بهدوء..
فيصل:جاو
يناظروهم جود تشوف الي في يد سعود كيس كارتير ابتسمت تشوف يدها و الأسواره ،يناظرهم و شاف الكيس ناظر جود الا هي تناظره ابتسم ، رفعت نظرها تناظره الا هو يناظرها تصد على طول فهد يبتسم:خلصتو؟
سعود:ايه
فيصل يبتسم ضاري:ايي العرسان تدججون مع بعض
سعود:تقلع لا الحذيان على راسك
ضاري يضحك شروق تجلس وسعود بعد نوف بهمس ل نوف:خاتم؟
نوف تهز راسها:اي
أديم تبتسم:لبس العافيه
جود بهمي للبنات:ما توقعتهم كذا
شروق ببتسامه:سعود غير
جود بضحك:يمه منسس
أنهار تبتسم:ماعليس منهم الله يوفقس معاه ياروحي
شروق تبتسم:عقبالكم
نوف تتنهد و تصد بهدوء وأديم بعد ...
العيال يناظرونهم وكانو يسمعون سوالفهم يناظرون بعض و يبتسمون كونهم موب منتبهين لهم...