راح يجلس..
أنهار تدخل تشوف أديم تبكي تروح بسرعها لها:عورس الكلب؟
أديم تناظرها وهي خايفه تكون سمعت:سمعتي كل شي!
أنهار تمسح دموعها:ماعليس المهم يدس تعورس؟
أديم تهز راسها بأي أنهار:انادي امي لطيفه؟
أديم تمسكها:لا الله يخليس مابي تدري
أنهار تناظرها تتنهد:طيب تقدرين تتحملينه؟
أديم تبتسم بضيق:معليس اتحمله
أنهار:كلب كيف يسوي كذا
أديم:لا عصب معد يعرف نفسه
أنهار وهي كرهته كرهته كره العمى و حطت براسها تخليه يطيح لها و تكسره :حقس باخذه
أديم بخوف على فيصل:وش بتسوين أنهار تكفين لا تسوين شي هو معصب بس و ما ارضى عليه
أنهار تناظرها تهز راسها وهي الفكره ما طلعت من بالها بتسويها عشان تكسره :امشي نطلع
أديم:مالي نفس
أنهار تشدها:قوميي
أديم تمسح دموعها زين تبتسم:واضح؟
أنهار تبتسم:لا امشي نجلس
يطلعون فهد رفع نظره شاف أديم الي علاقته معها قليلهه و باردهه كونه كذا مع البنات كلهم الا خواته و لطيفه صار يغلط و يناديها يمه كانت تستانس على غلطه و تقول قولي امي يقول انشاءالله بس يحاول ما يقوله لأن ما يبي يتعلق ب أحد ويخسره خسر اهله و شوق ما يبي يخسر بعد…
٤٧
-
فيصل يناظر أديم طلعت فرح ل احتماليت ما تكون زعلت منه يجلسون و يسولفون و كانت أنهار تعدلت نفسيتها كثيررر مرهه بس قليلة كلام في التجمعات الي كذا في سوالفهم فيصل يناظر أنهار كل شوي ضاري لاحظه استغرب توقع ناقد لأن مستحيل شايلين من بالهم انه يحب ما اهتم و كمل سوالف الجد عبدالله:يلاه تأخر الوقت نوم
محمد يبتسم:يلا بكره ورانا قومه الصبح
لطيفه تناظر البنات الي قامو ل الخيمه و لحقتهم و العيال بعد و الكل راح على فراشه الي نام و الي صاحي فهد عجز عجز يجيه نوم يجلس يناظر يمين يسار كلهم هجود يتنهد و يطلع يشوف الفرشه موجوده يروح يجلس و يناظر الخلا قاطعه صوت مشي التفت بسرعه الا أديم الي انخرشت من لفته و نظراته جات بتروح فهد:تعالي تعالي وش فيس
أديم تناظره وهي خايفه:ما جاني نوم
فهد ابتسم بخفه:طيب ليش خايفه اجلسي
أديم تجلس :ما جاك نوم؟
فهد يهز راسه بلا:التفكير
أديم :اهاه
فهد:وش الي ما خلا يجيس نوم
أديم:ماني مرتاحه
فهد:ما شفتي ضاري الي نام ولا فكر
أديم:جود حتى بس أنهار و أمي جلسو شوي
فهد يبتسم كونه يعرف جود تحب النوم و تنام من التعب لكثر حركتها أديم كانت متوتره احد يشوف و يفهم غلط بس طفشت وهي ب الخيمه و جلست تناظر حوليهم فهد كان يناظر طرف الفرشه كان كل واحد هادي بس داخله اصوات عجزت تهدىء يناظر أديم ابتسم لكون عيونها لونها العسلي الفاتح تلفت انتباهه دايم يشوف ناس عيونهم الوان بس أديم لفتت أنتباهه ابتسم:مشاءالله عيونس فاتحه؟
أديم ناظرته ابتسمت:اي امي عيونها فاتحه بس عيوني صارت افتح
فهد :مشاءالله
كان في كلامه هاديي مستحيل تحددين شخصيته و كان لغز بنسبه ل أديم تناظره تبي تعرف وش يفكر فيه بس فهد شخصيته غامضهه ٤٨
-
فهد ناظرها استغرب أنها تناظره للحين:شفيس؟
أديم صدت بفشله:ولا شي
فهد يضحك :بسألس أنتي لو درستي جامعه مع جود صح؟
أديم انصدمت:بتكون اول سنه لي اذا درست ذا السنه ليش جود بتدرس؟
فهد يرفع كتفه:ناوي اخليها تدرس و أنهار بعد بس أنهار درست من قبل بتكون هاذي السنه الثالثه بس وقفو لبعد المسافه
أديم تبتسم:خل يدرسون معي ب الخبر
فهد يبتسم لفرحتها:مدري بشوف رايهم بس لا تقولين شي انا اقول و بعطيس خبر تقنعين أنهار لأنها رافضه
أديم بفرح و نست نفسها:تبشر
فهد رفع حواجبه يناظرها ابتسم وصد أديم تستوعب:اسفه
فهد بضحك:ولا يهمس
أديم تناظره:اسوي قهوه؟
فهد:تضبطينها؟
أديم:على كيف كيفك
فهد يضحك:طيب
أديم تجيب الأغراض من العزبه و ترتب تجي تشغل الغاز بس ما قدرت و كان يحرقها فهد لاحظها قام اخذ الولاعه بس مسك يدها الناعمهه و صغيرهه أديم سحبت يدها توقعاً انه متعمد فهد يناظرها:ما قصدت
أديم هزت راسه و شغل الغاز يبتسم:شفتي
أديم تبتسم:روح خل اسويه
فهد يروح يجلس يناظرها وهو شاف خوفها على نفسها منه رغم انها تعرفه "شي لازم تعرفونه للبنات اي شخص اي شخص خافو منه يعني لا تضمنونه ولو كان أيش بس حبيت اعطي نصيحه لكل البنات شفتو الي مرت فيه أنهار مع أنه ولد عمها و عمها بكبره جا منهم الغدر ف لا تضمنون " أديم تركب القهوه و تنتظر يغلي تجلس فهد وهو يناظر ب الأرض:أديم
أديم تناظره:هلا
فهد يناظرها وهو يبي يعرف فيصل الي خلاه كذا سبب او كذا:فيصل اول ما جا ليش كان بارد؟
أديم ترفع كتفها:من يوم ولدت وهو كذا بس اهلي يقولون انه فقد صديق له ب الديره و صار كذا و شغله زود بروده
فهد:تعرفين منهو ذا الصديق
أديم تهز راسها بلا:لا بس من الديره
فهد بتفكير منهو ذا! يبتسم:معليه الحين افضل صح؟
أديم:و بمليون مره بس العصبيه موجوده
فهد ناظرها وهي نزلت عيونها و واضح تضايقت:مسوي لس شي
أديم تهز راسها:لا
فهد:..
٤٩
-
فهد:القهوه طاشت
أديم تقوم بسرعه تقصر عليه فهد يضحك أديم تناظره وتضحك:خلاص عاد
فهد:و تقولين على كيف كيفك ياليتس ساكته
أديم تبقق عيونها:الهيتني بس اصبر اصبر شف
تجلس تسويه وفهد مر يناظرها و مر يناظر الخلا أديم بعد ما خلصت تجيب فناجين:شوف الحين
فهد بضحك :ورينا
أديم تصب له ولها تمد فنجان تحطه عنده :يلاه شوف
فهد يضحك و يشرب يبتسم وهو فعلاً حلو:والله و فزتي
أديم بضحك:قلت لك
فهد وهو يشرب اكثر:منتي هينه والله
أديم تشرب :اي ما تدري بنت محمد في كل شي ماهيب هينه
فهد يصد وهو يضحك من ثقتها:خلاص لا يكبر راسس
أديم:فدا يكبر كيفه
فهد:مهبوله
أديم:اص ا..
يقاطعهم..
عند الخبر
دق باب خالد استغرب:من
عنود:والله مدري
خالد يتنهد و يقوم يروح يفتح الا واحد غريب ما عرفه:امر؟
الشخص:الله يسعدك ابي تساعدني
خالد ناظره من فوق لتحت وهو حاس انه واحد نصاب:وش تبي
الشخص:انا ماجد بن عبدالله اكيد سمعت بي في حوالي سته وراي
"ماجد بن عبدالله اهله متوفين شخص غني جداً كونه استثمر ورثه ،يملك من العُمر ٢٨"
خالد بضحك:كم شايف عمري عشان تكذب علي
ماجد:والله العظيم مانيب اكذب يرجال لو تبي تعال شف جالسين يحوسون يدورون علي
يطلع جواله يدخل محادث:هنا وصلني تهديد و كنت عند الممشى الي هنا و ارسلو انهم وراي شفت الا يتضاحكون يناظروني و زبنت جيت هنا
خالد وهو ماهو مرتاحح:امش نشوف
ماجد:سكر الباب و امش
خالد يسكره و يطلعون الا صدق نفس ما قال يحوسون و يصارخون ب "والله ما نخليك" خالد يناظره ماجد وهو عارف للحين شاك:والله ياخوي مانيب نذل انا بس ابي يروحون و والله بطلع
خالد يتنهد:امش في المجلس الي برا
يدخلون الحوش و يقفل الباب يدخلون المشب يجلسون خالد يناظره:ليش هم وراك
ماجد..
٥٠
-
ماجد يتنهد:انا عندي شركات كثيره و دام عندي اكيد لي اعداء صح؟
خالد:وش يثبت
ماجد يطلع جواله و يوريه كل شي:صدقت؟
خالد يناظره وهو انجلط يعني الحين من تجار المملكه عنده! ماجد:اكمل؟
خالد:كمل كمل
ماجد:و في شركه رفضت اتعاون معهم و ارسلو المجانين ذولا
خالد يناظره وهو للحين منصدم ماجد ضحك:ياهوه
خالد:هلا هلا
ماجد:وش فيك
خالد:منصدم من وين جيت انت عندي انا !
ماجد:يمكن القدر
خالد يضحك:بقول يزينون قهوه
ماجد:على اخر ذا اليل
خالد:عادي بس لازم نضيفك حليب شاهي ؟
ماجد يضحك:حليب شاهي
خالد يدخل
داخل
عنود:من و ليش تأخرت
خالد:يابنت عندنا تاجر مشاءالله و يبي نساعده من ناس يبون يضرونه افهمس بعدين بس عطيني حليب شاهي
عنود:اصبر اسوي
خالد:طيب اذا خلصتي دقي
عنود:ابشر
خالد يطلع و عنود تسوي حليب شاهي ..
في المجلس
ماجد:يعني منتو من الخبر
خالد:لا والله
ماجد يبتسم:وش تشتغل
خالد حس أنه في مقابلة شغل ضحك ماجد:وش فيك
خالد بضحك:ابد حسيت اني في مقابلة شغل المهم انا عسكري
ماجد عقد حاجبه:بس موب بعيد؟
خالد:احتديت والله
ماجد يبتسم:ليش ما تدخل شريك معي
خالد انجلط:لا يرجال مالي خبره و ماعندي اسهم
ماجد:ما قلت عندك او ما عندك و الخبره تعرف مع الوقت ابيك تشتغل معي
خالد:بذا السهوله كيف ضمنتني؟
ماجد:شكلك و علومك علوم رجال كفو و ابي واحد كفو وانت كفو
خالد بتفكير:والله مدري
ماجد يحط يده على كتفه:خالد انت ..
٥١
-
ماجد يحط يده على كتفه:خالد انت رجال و الي مريت فيه قوي و بتكون قدها و أنا وحيد لا أهل ولا اخوان و ابي واحد معي وانت ربي ارسلك لي و شف الصدف كيف جمعتنا
خالد:طيب لين ادرس؟
ماجد:مايحتاج سهالات بأذن الله بس قلت تم
خالد يتنهد وهو صدق محتاج شغل نفس كذا بس عزت النفس:مدري شقول والله
ماجد وهو محتاج احد معه ب الشغل اخ يكون جنبه يعني وخالد جاته راحه معه و حس انه اخوه جد يناظره:طلبتك لا تردني
خالد يتنهد:تم
ماجد قام و حضنه:كفو كفو
خالد يضحك:توك شايفني
ماجد:جاتني راحه معك والله ثم والله حتى عيال عماني ما ارتحت معهم كذا
خالد يبتسم وهو حس صدق براحه بعد:يمكن ما كتب يكون لي اخ من امي بس كتب يكون من رحم ثاني و من عايله ثاني
ماجد يبتسم:عندك ثنين ولد عمك و أنا
خالد يبتسم كونه قال له تتصل العنود و يقوم يجب الحليب يصب له و يجلسون يسولفون …
عند البر
أديم:اص ا..
يقاطعهم فيصل :مانمتو؟*هو عارف فهد وعارف انه مستحيل يضر اخته و خصيصن بعد الي سواه مع أنهار*
فهد يناظره يبتسم:لا تعال اجلس شف المهبوله
فيصل يناظر أديم الي من جا سكتت:وش مسويه
أديم بهدوء:سويت شاهي
فهد بضحك:اي موب أنتي بنت محمد و وش؟
أديم تناظر فيصل ترجع تناظر كاسها :ومانيب هينه
فيصل يبتسم:اجل يابنت محمد صبي لي
أديم تصب له تعطيه فيصل يبتسم و يشرب :مثل العاده
فهد:لا يكون تحرق فيكم؟
فيصل عقد حاجبه:لا ليش
فهد يضحك:بغينا نحترق
أديم بصدمه:موب لذا الدرجه
فهد:بس بغينا
فيصل:لا يمكن سهت
أديم تناظره تهز راسها:بروح أنام
فيصل:..
٥٢
-
فيصل:خليس اخبرس منتي نايمه الحين و المكان جديد
أديم تصد بضيق حافظها عارف كل شي عنها فهد يناظرهم ما حب يتدخل و يجلس يحاول يلطف الجو و بدو يفكون شوي و بعد وقت كل واحد راح يرقد.
اليوم الثاني
في الديره
سعود بعد ما تروش و بدل يطلع و معه الحافظه يتجه ل بيت اهل شروق و يحطه قدام بيتهم و يتجه للبقالة يجهز الا الي دخل عليه يتنهد:وش قلتتت
-: انتظر طيب
سعود وهو يتلفت:وش
-:سمعت عنها شي؟
سعود يتنهد:لا لا بس رحح مابي مشاكل يا …
-يناظره يتنهد:طيب
سعود:معك اغراض ل الرجعه؟
-:اي اي
يطلع و يروح
سعود يتنهد بضيق وهو يشوف التعب ويشوف الشوق يجلس وهو وده يسوي شي بس ماهوب قادر لو سوا دخل بمشاكل قاطع تفكيره زبونه ناظرها عرف منهي:اوهه ميلاف! وش جابس
ميلاف ترف حاجبه:وجع تستقبلني كذا
"ميلاف بن تركي اخت العنود زوجت خالد ، تملك من العُمر ٢٣"
سعود يضحك:لا بس غريبه عنود موب هنا
ميلاف تهز راسها:ادري جايه مع اخوي حسين و زوجته "زوجت حسين اهلها ب الديره"
سعود:اهاهه حياكم الله
ميلاف تضحك:المهم ابي مويه باردههه الشمس صكت راسي
سعود:وش نقول بنت المدينه
ميلاف:اذكرك يوم كنا نتضارب؟
سعود يضحك:بس رحتي و صرتي منهم
ميلاف تضحك سعود يجيب مويه:خذي
ميلاف تبتسم تحاسب:شكراً
سعود يبتسم:تقلعي لا يشفونس عندي
ميلاف تجلس :زبونه؟
سعود يضحك :المهم فكيني من المشاكل
ميلاف تهز راسها:الا وينهم احفاد جدي عبدالله
سعود:ب البر
ميلاف:الي سمعته صدق؟
سعود بضيق:للأسف
ميلاف:حسبي الله على ذا العم و ولده الداشر
سعود يتنهد:الله يعين
٥٣
-
ميلاف:تصدق
سعود يناظرها:وش
ميلاف:تخرجت احس حلم
سعود:احسب عندس سالفه تقلعي
ميلاف تضحك تناظر برا:وينهم شروق و نوف لا يكونون راحو
سعود يضحك يهز راسه بلا :لا كل وحده ببيتها ما شفتهم طلعو
ميلاف:بروح ل نوف اكيد شروق بتجي
سعود:روحي
ميلاف تضحك:تبي الفكه معليه معليه
تطلع و سعود يضحك ..
عند البر
محمد يشوف العيال الي جالسين يسون العشاء و لطيفه كل شوي تقولهم يضحك:تعلمو عشان لا ولدو زوجاتكم تطبخون
ضاري يناظر ابوه:المطعم وش قصر فيه
محمد:اطبخ اطبخ لا اخلي العشا عليك
ضاري يروح يطبخ بسرعه وكلهم يضحكون محمد يناظر أنهار:يبه أنهار شلونها رجلس
أنهار تبتسم وهي صارت افضل:الحمدلله افضل
محمد يبتسم:الحمدلله أديم يبه تسوين شاهي؟
فهد ناظر أديم كونه كان بخاطره بس مستحيل يقول أديم تبتسم:ابشر
تقوم و تروح تسويه ..
فيصل ناظر أنهار الي كانت تناظره و تبتسم استغربب بس فرح وصد يدف ضاري:كب الملح كله؟!
ضاري يعطيه:كبه انت
فيصل ياخذه وهو تنرفز من فهاوت ضاري و جلس يسويه و يقول ل ضاري كل شوي يجيب شغله محمد :اقديت خل ينفع
ضاري يناظرهم:متأكدين ولدكم انا؟
الجد عبدالله:اسكت و سو زي وا يقول
ضاري جلس يناظر جده وهو منجلط من كثر م أن جده حاقد عليه فعلاً يستغرب ليش حاقد عليه! محمد اشر يكمل الي يسويه ضاري يتنهد و يكمل جود تضحك عليه و تجلس تسولف مع الجد عبدالله كونه يحب يسولف معها مرهه عكس تعامله مع ضاري فهد كان جالس يناظر كل شوي احد و ساكت و أنهار مع لطيفه و أديم و محمد يساعد فيصل و ضاري ابتسم و صد طرت على باله شوق تنهد و تمنى انها عايشه لأن لو كانت عايشه كانت زوجته ترحم عليه و قام يساعدهم في الغدا ..
٥٤
-
عند الخبر
خالد يدخل وهو منصدم من كبرها و يكرر " مشاءالله " ماجد يشوفه يجي:الله حيه الله حيه هاه كيف
خالد يناظره:كلها لك؟
ماجد يضحك يهز راسه خالد ابتسم:مشاءالله
ماجد يبتسم:تعال تشوف مكتبك
خالد يهز راسه و يدخلون المصعد خالد يناظر ماجد:مشاءالله بس والله للحين مستغرب ليش أخترتني
ماجد يبتسم:والله مدري بس ارتحت لك و يمكن الله راسلك لي عشان نساند بعض
خالد يتنهد:الله يستر
ماجد يضحك من خوفه بس عاذره يطلعون ويروحون مكتب خالد يدخلون ماجد:هاذا مكتبك
خالد يناظر المكتب يبتسم:مشاءالله كبير
ماجد يبتسم:لو حاب تغير شي قول
خالد يهز راسه ب النفي:لا لا اصلن شايف الشركه مشاءالله
ماجد يبتسم:الحمدلله لو غيرك والله يغير القسم كامل
خالد عقد حاجبه:ليش
ماجد يرفع كتفه:يقولون الأثاث ماهب حلو
خالد:القناعه زينههه وانا اخوك ومانيب راعي صرفيات على شي ماله داعي
ماجد يبتسم يناظره وهو عاجبه تفكيره طريقت كلامه وعيه رغم انه من الديره الا ان كلامه عن الف واحد متعلم يطبطب على كتفه:ما تخذلني
خالد يبتسم ماجد:تبي اشرح لك
خالد :اي بالله مابي اغلط و اخسرك
ماجد يبتسم:تعال
يروحون و يجلس يشرح له في البدايه ما فهم بس بعدين فهم و شاف سهولته بس بعض الأمور فضل ماجد يعلمه عليها برا عشان ياخذ خالد راحته و يقدر يستوعب
ماجد يبتسم:هاه بشر
خالد بصدمه:الوضع سهل
ماجد يضحك:الصعب اعلمك عليه بعدين طيب؟
خالد يهز راسه:طيب
ماجد:بروح اكمل شغلي اي شي دق علي
خالد:ابشر بس
ماجد:وش
خالد:وش حاب أناديك
ماجد ابتسم كون كل من وظف عنده يسأل :ما احب احد يناديني ب غير ماجد ف نادني ماجد
خالد يبتسم:ابشر
ماجد:و فك الرسميه انت اعتبرك اخوي و مستحيل ارضى اخوي يكلمني كذا
خالد يضحك:طيب
ماجد يبتسم ويطلع و خالد يكمل شغله
٥٥
-
عند البر
بعد ما تغدو
ضاري يقوم:بروح افرفر احد يجي؟
فهد يقوم:جاي
جود يوم شافت فهد قام قامت:بجي لأن طفشت
فهد يضحك:تعالي
ضاري:فيصل أديم أنهار؟
أديم تهز راسها:لا ماودي
فيصل ناظرها أديم جالسه تناظر الأرض ضاري:طيب فيصل؟
فيصل ناظر أنهار يقوم:جاي
ضاري:خلصو أنهار تجين؟
أنهار:لا لا
جود تناظرهم:يعني لحالي؟
محمد يضحك:أديم تروحين ؟
أديم شافت أن جود بخاطرها تروح قامت:اي
ضاري:يلاه
الجد عبدالله:انتبهوو
فهد يبتسم:لا تشيل هم
يروحون ..
عند الفرشه
محمد:يبه أنهار رجلس بعد توجعس؟
أنهار:شوي
محمد يتنهد:اذا رجعنا نمر المستشفى ؟
أنهار:لا لا ماله داعي
لطيفه تبتسم تناظر أهتمام محمد الي يكرر يبه لهم كلهم و يعاملهم نفس عياله بس شاغل بالها فهد تبي تعرف هو مرتاح متضايق تبي تعرف تنهدت و جلسو يسولفون..
عند الي راحو
ضاري:يعني مانب راكبين الجبل
فيصل يناظر البنات:لا
فهد:لحد يصير فيه شي خلنا سالمين
ضاري يرفع كتفه:طيب
أديم تناظر بهدوء جود تهزها:شفيس
أديم تبتسم:مافي شي
جود:عليي ترا حفظتس
فهد يناظرهم كونه جنب جود أديم ناظرته و رجعت تناظر جود:لا تشيلين همي معليس خل ننبسط بس
فيصل يجي جنب أديم من الطرف الفاضي:اديمي
فهد ناظره وضحك يصد أديم ناظرت فيصل:هلا
فيصل:وش ودس به
أديم صدت ضاري:وراها الثقيله؟
جود عقدت حاجبها:وش السالفه
ضاري:والله بقره
فهد يناظر ضاري و يضحك كونه يعرف أنه يبي ينرفز جود
..
٥٦
-
جود:ننن اص بس
فيصل يحاوط أديم وبهمس:زعلانه
أديم ساكته و بس تناظر خطواتها فيصل يبتسم يبوس راسها:اسف
أديم ترفع كتفها:اصلن عادي
فيصل يرفع حواجبه:طيب ليش تتجاهليني
أديم:قهرتني قلت أدبك
فيصل يضحك:الحين؟
أديم:راضيه
فيصل يضحك فهد يناظرهم يبتسم:هاه هدت النفوس؟
فيصل:الحمدلله
جود:عاد ما تستاهل
فيصل:سوسه اص
ضاري يضحك:حلوه سوسه
أديم تشد جود:لحد يغلط عليها
جود:كفوو
فهد يضحك:خل نرجع ابعدنا
ضاري:صح
فيصل يبتسم:يلاه
يرجعون و كان محارشات ضاري للبنات و سوالف لين وصلو
محمد بضحك:بشرو عسا محد جاه اصابه
فهد يضحك ويجلس:لا لا
لطيفه:الحمدلله
جود:انقلع عني نشبهه
ضاري يجلس وهو يضحك أديم تجلس بعد فيصل استغرب عدم وجود أنهار تلفت شافها جايع طالعه من الخيمه ابتسم وجلس أنهار ابتسمت بعد وهي يدور براسها"اصبر و اشوف من الي يعقب يافيصل " تجلس و يسولفون ويضحكون و كانت أنهار تحاول تلفت انتباه فيصل و فيصل ينتبه كان يستغرب مرهه بس توقع انها ما تقصد بس يشوف تبسمها و يضيع في تكفيره بس يستمر ..
أنت تقرأ
تعال نعيش انا وياك الحب و شعوره
Ficção Geralتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
