تعال نعيش انا وياك الحب و شعوره

26

١٦٨
-
عند فهد و أديم
تسكت شوي و بتردد:بساعدك بساعدك ب انك تتحرك من ذي النقطه
فهد يناظرها وهو منصدم:أديم!
أديم بسرعه:موب مثل ما انت فاهم لا اقصد تشكي لي نطلع نفس اليوم تصير ما تجلس لحالك
فهد يناظرها:وش اقول ؟ اقول اني اشتقت ولا اقول اني ضايع ولا اقول اني بين نارين لاني قادر انسا ولا قادر احب وش اسوي أديم! أديم… تردد شوي:التفت لوحده واجد بس ماني قادرر
أديم هنا انكبت عليها مويه ثلج:تحب؟
فهد ياخذ يدها يحطها على قلبه:شوفي شوفي ضياعي يدق من الهم! ولا الحب! مانيي عارف بتوجهيني! لوين وكيف كيف
أديم تحس بدقات قلبه وهي ماتبيه مع غيرها بس ما تبي التعب له:حب حب يافهد وعط نفسك فرصه جرب
فهد:خاف انخذل
أديم:ما تنخذل جرب
فهد يتنهد و يجلس أديم تجلس بعد تناظر فهد:كيف فهمتيني
أديم تبتسم بضيق:بعد ما عرفت سالفة شوق فهمتك
فهد يهز راسه يناظر البحر:امي كانت تشبهني ب بحر الخبر وهاذا انا قدامه بس امي موب حولي
أديم:الله يرحمها
فهد:امين امين
يبتسم بضيق:تمنيت يحظرون كل احداث حياتي توضيفي ترقيتي ابي زواجي اول حفيد ابيهم يحظرونها
يتنهد أديم:هم حولك انت وخواتك صح ما تشوفونهم بس هم حولكم
فهد يسكر عيونه أديم بخوف يصير له شي:فهد
فهد:هلا
أديم:يعورك شي؟
فهد يناظرها:لا لا بس اكلمهم بداخلي
أديم تبتسم رغم انها متضايقه من فكرت انه مع غيرها..
١٦٩
-
فهد يتنهد:نروح؟
أديم توقف:يلاه
يقوم و يروحون السياره…
تمر الأيام و الوضع هادي جداً و بدت الجامعه و فهد وخواته وسعود سكنو بيتهم و جود اختفت من ضاري اي مكان هو في تتجنبه و تصر على أديم هي الي تجي و أنهار صارت مقابلتها ل فيصل قليله بسبب الجامعه و سعود و شروق غرقانين اما ماجد ما طلعت من باله بفستانها الكركمي و - اشتاق اشتاق ولاهو قادر …
الساعه ٦ الصبح
أديم تراسل البنات:دام ان فهد و فيصل مشغولين ضاري يودينا على طريقه
جود تصنمت و سكتت ما ارسلت شي أنهار:تمام احنا جاهزين
أديم تبتسم و تروح ل ضاري في غرفته:ضاري ضاري
ضاري:هلا
أديم:تودينا انا و البنات الجامعه
ضاري يناظرها وهو يبي يعرف جود معهم ولا أديم ضحكت:جود موجوده
ضاري يضحك:طيب بلبس
أديم:بلبس عباتي اجل
ضاري يهز راسه وتطلع أديم…
ضاري يلبس الثوب الأبيض و الكبك الأسود يبتسم ويتعطر:عسا اعجبس يا جود
يعدل شعره و يطلع
برا
أديم تناظره وتضحك لأنه متكشخ :اخس اخس كله عشان جوديي
ضاري:زين؟
أديم تحضنه:تفوزز من اول مزيون انت بس الحين بيطيحون بنات الجامعه
ضاري:مقصدي جود ولا ودي غيرها
أديم تضحك:يلاه اجل
١٧٠
-
يركبون السياره يتجهون لبيت فهد يدق بوري يعدل شعره بسرعه أديم تضحك:يابوي حلو حلو والله
ضاري يضحك يناظر جود الي طلعت ب عبايتها البيضا و طرحتها السودا و كعبها ابتسم وهو خق رغم انها ناعمه جداً لكن تجذبه بجملها و خدودها و مشيتها وصوت كعبها الي يرن بأذنه كونه فاتح الدريشه عض شفته أديم تدقه بكتفه جود تركب بهدوء:السلام عليكم
أديم:وعليكم السلام
ضاري يناظرها ب المرايه:وعليكم السلام
أديم:أنهار وين
جود:جايه
يناظرون أنهار الي طلعت:جات
أنهار تركب تبتسم:صباح الخير
أديم و ضاري:صباح النور
يحرك ضاري
أديم:جودي سويتي البحث؟
جود:اي سويته
أديم تبتسم:زين اليوم نسلمه ل الدكتوره الا أنهاري كيف الكلاسات معس
أنهار:صعبه بس عادي احاول
أديم:فيصل عنده خبره شوي تبين يساعدس
أنهار ابتسمت تستغل الفرصه:ياليت فهد يقول نسا كم شغله و انه اغلب الي درسها ما كانت مهم بشغله
أديم تبتسم من طاري فهد:اجل خلاص اشوف فيصل
ضاري:نسى تلقين
أديم:لا معليك يحاول
ضاري يضحك:طيب الحين انتي وجود بنفس التخصص
أديم:اي
جود تضحك بخفه:بس انس مصيبه
أديم تضحك ضاري:تخصصكم ادارة اعمال يعني في فايده منكم في الشركه…
١٧١
-
عند الشركه
محمد:اي اي اعرفها ذي الشركه خسرو كثير وموب مستعد للخساره وانا ابوك
سعود ابتسم من اخر كلمه:اجل الي يريحك عمي في شركة ماجد ودك نعقد معها؟
محمد بتفكير:والله مدري اقول ل حمدان يشوف امورها و نشوف
سعود يهز راسه يقوم:اجل بكمل شغلي و عطني خبر
محمد يبتسم:ان شاء الله الا كيف الشركه عسى موب تعب
سعود يبتسم:ابد ابد ضاري يساعدني و الأمور سهالات
محمد يبتسم:زين زين
سعود يطلع
برا
سعود يناظر الي واقفه عند باب مكتبه يتنهد:الصبر يارب
يمشي ب اتجاه مكتبه ندى تمشي اتجاهه:سعود
سعود يتنهد "ندى بنت تركي بنت عاديه بس من جا سعود نشبت له، تمتلك من العُمر ٢٦":هلا
ندى تحط يدها على كتفه:ممكن تساعدني
سعود يبعد يدها من طرف عبايتها:لو سمحتي بدون ما تمسكيني بوش اساعدس
ندى:في ذي الملفات
سعود بعصبيه:موب خلصناها امس تسوقينها علي! خلصناها و كله من راسس سألت عمي قال طلبتها من زمان و مخلصينها من زمان لا تسوقينها علي و توكلي لا والله اخلي غيري تتفاهم معس
ندى بغيره:مين هي
سعود:عمتس تقلعي
يروح يدخل مكتبه وهو خلاص عصب منها زودتها ندى معه كان لابس ثوب ابيض و و غتره بيضا يجلس يناظر الابتوب و يفتحه يدخل الأتصال يشوف رقمها يبتسم و يدق كام….
١٧٢
-
عند فهد و فيصل
فيصل يناظر بحده المجموعه الي قدامه:بكره نبدا و ابيكم كلكم منفذين المهام الي عليكم مابي غلط واحد الزي نفس ما قلت الوقت ابي كل شي منظم من تأخر صدقني لي تفاهم ثاني
فهد بهدوء:يعني حاولو تجون بدري و تكون الأوامر الي في المستند الي انرسل لكم منفذه انتو قدمتو على وضيفه كونو قدها و صدقوني فتره و تعدي حاولو على الألتزام
كلهم:ان شاء الله
فهد و فيصل يبتسمون كونهم مسكوهم مع بعض و كان دفعه مره كبيره فهد:تقدرون تطلعون
يطلعون كلهم من القاعه الكبيره مره مره فيصل يناظر فهد:شرايك نقلب القاعه تدريب لهم؟
فهد يضحك:ما يمدي
فيصل يرفع كتفه:اسهل بس خلاص على قاعة التدريب القديمه
يجلسون يخططون و يختارون المدريبن و الا اخره…
عند ضاري
يوصلون الجامعه
ضاري :وصلنا يلاه ورعان على المدرسه
أديم تدقه:هص
ضاري يضحك ينزلون كلهم ضاري يناظرهم:اي شي تحتجونه اتصلو
أديم تهز راسها:روح بس
ضاري بمزح:قود وحده تخق علي
أنهار تضحك:رح رح لا عمي يفصل عليك
ضاري يضحك يناظر جود الي ماهي حوله يتنهد كونه يحاول يلفت انتباه جود بس ماهي حوله يناظر أديم:أدخلو و أديم ركزي على جوالس شوي
أديم:ليش
ضاري:بعدين بعدين المهم ادخلو
أنهار:يلاه بنات
يدخلون
١٧٣
-
عند شروق
كانت عند نوف قاطع سوالفهم اتصال شروق تناظر نوف نوف تضحك:ردي ردي وانا بطلع ل الحوش
شروق تضحك تهز راسها تقوم نوف للحوش ..
شروق تشوف انه كان تعدل طرحتها وترد تشوفه ب الشماغ الابيض و الثوب ابتسمت سعود بفرح:ارحبي ثم ارحبي ثم ارحبي يا شعور سعود واهله
شروق ابتسمت:كاشخ؟
سعود بمزح:جاي اخطبس
شروق بصدمه:هاهه
سعود يضحك:امزح بس ب الشغل
شروق تبتسم:تتهنى
سعود:اوضح نتهنى لأن بشغلي ذا مهرس بيتجمع
شروق بضحك:ما حددت
سعود:لو كان مليون تستاهلين
شروق تضحك:اوهه ما توصل
سعود يضحك:اي وينس شكلس موب في البيت
شروق:عند نوف
سعود:اوه كيفها وكيف عمي
شروق:كويسين
سعود يبتسم يقلب الكام يوريها مكتبه:هاذا مكتب زوجس
يوريها اسمه الي جاي ببداية الطاوله:سعود بن عبدالرحمن
شروق تبتسم:تتنهى ياروحي
سعود بصدمه:عيديي
شروق تضحك و بعناد:تتنهى
سعود:الي بعده
شروق بضحك:ما قلت شي
سعود:شعورييي
شروق تبتسم و بخجل:ياروحي
سعود يحط يده على قلبه:يقطع عدوس وش سويتي فيني يا شعوري اهخخ صدق اني غرقانن
شروق تضحك وبخجل:خلاص بقفل
سعود:لا لا وين خليس