١٨٠
-
بعد كم يوم
يوم الخميس
مخططين يطلعون طلعه على البحر و قررو يروحون شاليه ضاري و كانو يجهزون له و يطلعون لبس و اكل ويرتبون و يركبون السيارات متجهين له
عند سيارة ضاري
أديم:نبغا دبابات البحر
ضاري يناظرها:ناقصين تغرقين
أديم ترفع حواجبها:اعرف اسبح
ضاري:فكيني من الموضوع
أديم بضحك تناظر جود:جودي اقنعيه
جود بصدمه:هاه
أنهار تضحك:اقنعيه سهله
جود تشر لهم يسكتون وتصد أديم:جوديي جودد جويدد بليز
جود تبتسم من الطريقه الي تسميها بها تناظر ضاري:ضاري
ضاري الي كان ينتظرها تقنعه عشان يقول تم:هلا
جود بتردد:نبغا الدبابات
ضاري بتفكير:تعرفين تسبحين؟
جود:ايه
أنهار:كلنا نعرف
أديم بستغراب:كيف و الديره مافيها بحر
ضاري بضحك:الا فيها ما تدرين
أنهار تضحك:يمزح لا كنا نروح جده و يعلمنا ابوي
أديم تبتسم:زين عشان نسبح المهم ضاري الدبابات؟
ضاري بتفكير يبتسم:طيب
أديم:اوههه جويدد وش مسويه له
جود تصد بهدوء أنهار تناظر أديم و يضحكون…
١٨١
-
بعد ما وصلو
يجلسون ورا في الجلسه و يشوفون البحر
لطيف تبتسم:من زمان عن جلست البحر
فيصل:صحيح الا هاه عيال كيف ؟
سعود:مضبوطه بس متى انقز
ضاري بضحك:تعال اعلمك
سعود يضحك:وين
ضاري:اوقف بس
سعود بستغراب يوقف يشده ضاري و يدفه للمسبح
سعود يضحك:ورع بس لو اني مابي اسبح كان رنيتك
ضاري يجلس بضحك:زين زين
فهد يضحك:اسبح بس
محمد:لطيفه وينهم البنات
لطيفه:داخل يرتبون و يجهزون
محمد يبتسم:الله يقويهم
فيصل يناظر فهد و يغمز له فهد يضحك و يعدون بيديهم و ينقزون على ضاري يشلونه يرمونه مع سعود ضاري يضحك سعود بضحك:الله حيه كيف الجلسه؟
ضاري يضحك:حلوه بس خل الي طرحوني يدخلون
فهد و فيصل:بس؟
وينقزون كلهم و يجلسون يضحكون محمد بضحك:وخرو وخرو بطب معكم
ضاري بضحك:تعال تعال
ينزل تشيرته و يطب لطيفه تبتسم تناظرهم و يجلسون يلعبون ب المويه و لطيفه تقوم تدخل…
عند بيت خالد
ماجد:عُمر
عُمر ناظره ماجد:تعال عند عمك
خالد يضحك:حبك ضني اكثر مني
ماجد:مستحيل
عُمر يجي يجلس بحضنه ماجد بتردد:خالد
خالد يناظره:هلا
…
١٨٢
-
ماجد:ابي أسألك عن وحده تسأل ام عُمر منهي
خالد بضحك:طحت؟
ماجد يبتسم:عجزت ما طلعت من مخي
خالد:تذكر شي فيها؟
ماجد:في يوم العزيمه لابسه فستان كركمي
خالد:اقوم اسأل؟
ماجد:ايي الفضول ذبحني
خالد يضحك:طيب انتبه ل عُمر
ماجد يناظره:توصيني على ولدي؟
خالد يضحك:اخس صار ولدك
ماجد يضحك خالد يقوم يطلع..
داخل
مريم تناظر خالد:وش فيك يمه
خالد يجلس جنبها:بسألس يمه
مريم:اسأل؟
خالد:في يوم العزيمه من لابسه كركمي ماجد يسأل
مريم بصدمه:وش عرفه ان ميلاف لابسه كركمي
خالد يضحك:شافها ب الغلط ميلاف اخت العنود؟
مريم تهز راسها بيأس:اي اي
خالد يضحك:زين بيتزوج خالة عُمر متى ما طفشنا حطيناه عندهم
العنود وهي جايه ب القهوه و الشاهي تناظر:من نحط و من الي نحطه عندهم
خالد يضحك:اختس خاق عليها واحد
العنود:ماجد؟
خالد بصدمه:كيف عرفتي
العنود:لأن ماعندك برا الا هو هو لا موب هو
خالد يضحك:هو هو
العنود تضحك:ميلاف ميلاف المقروده متأكد
خالد يضحك:اي
العنود تضحك:الله يوفقهم..
١٨٣
-
عند البنات
أديم:خل نفصخ العبايات محد بيدخل صح يمه
لطيفه:اي يسبحون
جود تنزل عبايتها وكان لبسها اسود ساده ناعم قصير على كعب ازرق و أنهار ابيض عاري الكتوف و الأذرع مزموم من طرف على كعب شفاف و أديم وردي بكم نص مفوش و فتحت ظهر قصير على كعب شفاف بعد لطيفه تبتسم:ماشاءالله كلكم تفتحون النفس الله يحفظكم بس انتبهو العيال لا يشوفونكم
أنهار:ان شاء الله
أديم:بنات بنات تعالو نصور
يجون و يصورون صوره على المرايه و يشغلون اغاني و يصورون تجهيزهم و الشاليه بعدها يجلسون يسولفون وكانت لطيفه تذكر الله كل شوي من جمالهم كانو جميلاتت و يضحكون يسولفون شوي يقاطعهم فيصل الي قال:يمه
يقومون البنات للغرفه ..
لطيفه:ادخل يمه ادخل
يدخل فيصل الي منزل تشيرته يشوف الترتيب:الله وش ذا الترتيب والدلع
لطيفه تبتسم:البنات سوه
فيصل يبتسم:ما يقصرون
لطيفه:الا يمه روح بدل لا تبرد
فيصل:ابشري
يروح ل احد الغرف…
عند البنات
أديم بضحك:ليش قمت معكم دامه فيصل
جود:اكيد بيدخل احد معه بس ضني جلست المسبح عجبتهم
١٨٤
-
بعد دقايق
أنهار:طلع شكله
أديم تهز راسها:امشو برا
يطلعون
أنهار:يوهه جوالي داخل اسبقوني بجيبه وبعدل شعري
جود و أديم يضحك ويروحون..
تدخل الغرفه تاخذ جوالها وتعدل شعرها تطلع الا تصدم في كتف احد تناظر بصدمه الا فيصل فيصل يناظرها بصدمه بعد يناظر لبسها و شعره يقطر مويه كونه تسبح أنهار جات تهرب فيصل يمسكها من يدها ويلصقها في الجدار يناظرها من فوق لتحت يمسح على شاربه:وش سويتي فيني
أنهار تناظره بخوف:وش
يقرب لها فيصل و أنهار دقات قلبها تتسارع :ف فيصل
فيصل يحط يده على فمها :اششش
أنهار تناظره فيصل:ليش حبيتس من البنات كلهم وتعلقت فيس أنهار انا احبس و صدقيني ابيس ب الحلال
أنهار وصلت هنا ل هدفها الي خططت له من فتره تناظر عيونه و بقوه:تخسى وتعقب احب واحد نفسك او اقبل في واحد نفسك
فيصل يناظرها بصدمه:هاه؟
أنهار تدفه عنها:وصلت لهدفي و قلتها اذكرك في البر يوم اديم قالت انك تحبني وقلت تخسى وتعقب احبها ها الحين تخسى و تعقب احبك وترا كل الي ضحك و النظرات متقصدتها بس عشان اطيحك يا الخروف
١٨٥
-
فيصل يناظر أنهار بغضب يوم عرف وش تقصد:طيب اعرف اقهرس انا
يشدها اتجاه الغرفه أنهار بصدمه توقف و تعطيه كف وهي منصدمه يوم فهمت وش يقصد انجلطت فيصل يناظرها ويشوف كيف تناظره وهي ترجف:شفيس اشوف خايفه ابي قوتس يوم قلتي تخسى وتعقب
فيصل يخبي انكساره ما يبي ابن امه يشوف انكساره عودهم على الجمود او الضحك بس صدمته أنهار كسرته بس تلبس قناع الجمود فوراً
أنهار ساكته تناظره ما توقعتها منه توقعتها من الكل الا منه كانت ترجف بين يديه و عيونها تغارقت :مستوعب وش تقول !
فيصل بغضب:اي مستوعب اي
أنهار تجي تسحب يدها من يده فيصل يشد عليها يلصقها في الجدار و يتقدم يقبلها….
عند الصاله
ضاري يدخل بهدوء يرفع نظره الا يشوف ام فستان اسود وشعرها اشقر عرفها من شعرها انها جود جلس يناظرها بعدين استوعب انها لابسه قصير ولا بعد جالس يناظرها و من شافه عرف انه يناظرهم يطلع بسرعه ويطلع صوت :يمه
لطيفه تناظر البنات بضحك أديم:البسي عباتس ضاريي احد معك البس
ضاري:لا لا
جود تلبس عباتها و تجلس أديم:ادخل
ضاري يدخل و تشيرته بيده و شعره يقطر مويه يناظر تجهيزهم:اخس
أديم تضحك:تعال تعال نصور خل صحباتي يشوفنك
ضاري يتقدم ل أديم ويجي وراها و يده على خصرها و أديم تصور بعد ما خلصت تبوس خده:احبك
ضاري يصد بضحك:مصلحه
جود كانت تناظر و ودها لو أديم ما ترسله ل احد لأن تحس شكله غلط او تتحجج يمكن ضاري يجلس قبالها جود تناظره و تصد
توقعكم للبارت الجاي
أنت تقرأ
تعال نعيش انا وياك الحب و شعوره
Ficção Geralتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
