تعال نعيش انا وياك الحب و شعوره

بارت 6

٣٠
-
بيت عامر
مريم بقهر:حسبي الله عليك يا ناصر متى ربيتك كذا!!
عامر بعصبيه:اسكتيي
مريم تناظره بكره:حقهم مستحيل يضيع ياظالم
عامر يرفع يده ناوي يعطيها كف خالد يمسكها يدفه بحده و عصبيه:الأ امي ياويلك تقرب لها ابوي على عيني وراسي بس تصدق ما تتسمى ابو لا انت ولا الرخمه الي كان بيخليك ترفع يدك على امي
عامر بعصبيه:اطلع انت وامك يلاهه
مريم:طلقني
عامر:طالق ب الثلاث و ورقتس توصلس يلاه انتي و ولدس
مريم بفكه كونها تعذبت معه سنين لكن خلاص معد تتحمل خالد ينادي عنود و يشيل ولده اخذو اغراضهم المهمه و اغراض امه و طلعو يناظر الملحق يتنهد يحط عُمر :بيجيب اغراضهم
عنود بقهر:بساعدك
مريم: بمسك عُمر
يهزون روسهم و يدخلون ياخذون اغراضهم المهم و كم لبس و يطلعون مريم:بروح اشوف أنهار و جود
عنود تناظر خالد:حبيبي بروح عشان أغراضهم و اودعهم امسك عُمر
خالد يهز راسه:معليس
يروحون و يبقى خالد مع عُمر يلعبه جاوه ضاري و سعود
سعود:وش فيكم تحطون شناط داخل سيارتك
خالد وهو صدق افتك كونه عند ابوه ما يرتاح لاهو ولا امه ولا زوجته :ارتحنا مروحين ل الخبر
سعود:انتهى
خالد:الحمدلله
سعود :معد ترجعون؟
خالد:بنرجع بس كل فتره
ضاري يحضنه:لا تقطع لا رحنا كل يوم عندك
خالد يضحك:حياكم
سعود يتنهد يناظر عُمر يتنهد ضاري يناظره:شفيك؟
سعود :عُمر معد بيجي كل يوم
خالد يضحك:تعال لنا
سعود:انشاءالله
يكملون سوالف و كل واحد يخبي ضيقته..
٣١
-
داخل
لطيفه:تعالو
يروحون وراها لين غرفة أديم مريم تشوف أنهار تبكي زود تروح تحضنها بقوه:اسفه اسفه يابنتي اسفه والله ربيته زين بس طلع كذا والله اسفه
جود كانت منطويه على نفسها صاده ما تبي تشوف اختها تبكي ما تبي تضعف ما تبي تحس انها جد فقدة اهلها
أنهار حاضنه مريم تبكي و تجي العنود تحضنها:يمكن الي صار خيره لأن كلنا بنرتاح بعد ذا اليوم ما بنام خايفين من بكره بنام وأنا مطمنين أنهار يبيلس وقت بس وكلي امرس لله وكليه و صدقيني بتنحل
أنهار تناظرهم وهي تبكي:وش صار
مريم تبتسم:ابشرس ارتحت و بترتاحين طلقني
أديم تناظرهم وهي شايفه الكم الي جاهم من عامر و ولده لطيفه بس تتحسب على عامر و ولده أنهار تناظر مريم و العنود:بتروحون
مريم تهز راسها بأي:هاذا اغراضكم
أنهار تحضن مريم بقوه مريم تبكي وتحضنها لطيفه تناظرهم تتنهد تقوم مريم تناظر لطيفه:هم بأمانتك عيال جواهر بأمانتك يا لطيفه
لطيفه:بقلبي وعيوني هم لا تشيلين هم ياختس روحي و عيشي الراحه الي عجزت تاخذينها روحي مع ولدس خالد اما ناصر ترحمي عليه مافي ولد يرضى يسوي احد كذا بأمه
مريم تتنهد و فعلاً كلام لطيفه صح يودعونهم الا جود كانت منطويه ماتبي تحط عينها بعينهم مريم تجيها:جودي ما تودعيني
جود تنزل دمعتها تمسحها على طول مريم:زعلانه ؟
جود تبكي و تقوم تحضنها:لا لا ماني زعلانه بس لا تتركيني
لطيفه:افاا جود وين رحت انا
جود تبكي أنهار تناظرها عنود تقوم تحضن جود بقوه و يوصون لطيفه تهتم فيهم و يطلعون الا بدا الرعد و نزل المطر خالد ابتسم و كأن ربي يقول روحو روحو وأنتو نظيفين من كره و ذكرايات ذا البيت فهد الي كان توه واصل …
٣٢
-
فيصل يشوف المطر ابتسم:فهد اطلع تحت
فهد يهز راسه و يطلع وهو ثابت ويدعي بداخله شافه خالد تنهد فيصل راح ركض لداخل يطق الغرفه:يمه البسو و اطلعو مطر برا
أنهار يوم درت أنه مطر تناظره لطيفه:الله يخليس خل نروح
لطيفه تبتسم:ابشري بس البسو غطيكم ويلاه
يلبسون كلهم و جود الي لبست على طول و طلعت الا بوجها ضاري تناظره وتصد تروح تحت المطر وتدعي وهي منقهره تدعي على ناصر و عامر
داخل
فيصل يشوف أنهار وهي طالعه مع امه ابتسم لا شعوريًا استوعب على نفس و يقول بداخله"وراك يا فيصل تطيح بذي السرعه شلها شلها من بالك" أديم تساعد امها و يطلعون كلهم تحت المطر اما محمد و الجد عبدالله في المحل حق عبدالله
في مكان متخبي يناظرهم يتنهد وهو وده يكون معهم بذا الوقت يصد و يرجع وين ما جا…
سعود عند فهد يناظره فهد يرفع عيونه له ثم يشوف جود و أنهار يناظر خالد يتجه له:الي سمعته صدق؟
خالد يبتسم يهز راسه:صدق و هاذا المطر نزل من ربي وكأنه يقولو روحو وانتو نظيفين من ذكريات وهم ذا البيت
فهد:وين بتروحون
خالد يبتسم:ندبر نفسنا في الخبر
فهد يحضنه كذا فجأه:اذا احتجت شي قل لي لا يردك شي
خالد:ابشر
مريم تناظر فهد:فهد خواتك خواتك انتبه لهم هم عند لطيفه وبتحطهم في قلبها بس لا تخليهم يفقدونك
فهد يهز راسه:ابشري
يناظر عُمر يبتسم ينزل ل مستواه ويحضنه حضن طويلل
كلهم يناظرون حتى أنهار وجود أديم تناظر فهد بكسر فهد يقوم :انتبهو ل نفسكم
خالد يهز راسه يحضنه و يركبون يوم المطر هدا و يحركون فهد يناظر سيارتهم وهي تختفي استودعهم الله..
٣٣
-
فهد يناظر الي واقفين يبتسم:اغتسلنا من همومنا؟
جود تتقدم له:فهد
فهد يحضنها بقوه :والله الي صار خيره خيره خلانا كلنا نرتاح  والله خيره
أنهار مشت لهم :مالي مكان ؟
فهد شدها وحضنهم الثنتين و كانو كلهم هادين و حاضنين بعض فهد:لازم نصير اقوى ابوي و امي تركونا عشان نصير اقوى ولا تكسرنا الحياه
أنهار:ابيهم جنبي
جود تناظر أنهار:هم جنبس بس ما تشوفينهم صح فهد
فهد يهز راسه:هم هم حاضرين بقلوبنا
أنهار تناظر الملحق و بيت عامر بقهر فهد :امشو نرجع لا نبرد
يروحون كلهم يدخلون في الصاله جالسين فيصل يناظر أنهار ماهو قادر يبعد عينه و فهد يناظر الأرض بشرود و جود نفس الشي ضاري يناظرهم كلهم ويدعي جد من قلبه ان الله يصبرهم أديم دخلت ب الحليب و صبت لهم كلهم و لطيفه تشرب أنهار الي كانت ثابته بس تستجيب لها ينتهي اليوم و كل واحد على فراشه وهمه اكبر منه اما عند أنهار كانت لطيفه معها بطلب من أنهار و كانت حاضنتها و نايمه وهي حاضنتها…
تستمر الأيام لين مر اسبوع
خالد لقى بيت قدر يشتريه و اثثو كم شغله و قدرو يدبرون نفسهم ..
بيت عبدالله
كان الوضع هدا شوي قدرو يفكون سوالف و تعودو على بعض لكن أنهار ما تطلع بكثره معهم و فهد شرا لها كتاب تقراه ..
٣٤
-
يوم الخميس
طلعو ب الحوش من ورا كانت أنهار داخل ما طلعت
الجد عبدالله يضحك:لا جود كبيره
فهد يبتسم يناظر جود وهي تقهر أديم أديم تضحك:نونوو
ضاري:كلكم مبزره
جود تصد كانت ما تحب تتكلم معه كونها تحس انه راعي بنات ضاري استغرب فيصل ناظر ضاري ضحك يقوم :بروح اشرب ما ذولا ب مناقرهم صدعو بي
فهد يضحك:جب لي
أديم تناظره فهد كان يسولف مع محمد و يضحك فيصل يدخل
داخل
يروح للمطبخ الا شاف الي معطيته ظهرها و شعرها الأسود ناظر بتجاه الباب دخل بهدوء وسكر الباب أنهار التفتت بسرعه بلعت ريقها تناظره خايفه يسوي شي: ف فيصل
فيصل:هدي هدي ما بسوي شي بس بتكلم معك والله
أنهار وهي: ب بعد
فيصل يناظر عيونها:طيب اسمعيني
أنهار:ب بسرعه
فيصل جا بيتكلم لا سمع صوت ضاري و الي كأنه جاي:فيصلل سنهه
فيصل يشد انهار ورا الباب بحيث لو فتحو يكون الباب مغطي كان يده ورا ظهرها على شعرها وراسها عند صدره ولاصقه فيه بهمس:خليك ثابته
جلسو مده و محد جا تنهد براحه أنهار جات بتبعد فيصل يمسكها:أنهار هو سوأل واحد بس
أنهار تصد:بسرعه
فيصل ضحك:وش مسويه لي؟
أنهار ناظرت انصدمت يوم عرفت وش يقصد:ياوصخ تبعده و تهرب فيصل ضحك :اهخخ يا أنهار حسبي عليس وش سويتي بي
أديم تجيه :وش يضحكك؟
فيصل بضحك:ولا شي
أديم ترفع حواجبها:طيب اشرب ما وتعال
فيصل يهز راسه يشرب ما و ياخذ ل فهد يطلعون يعطيه الما و يجلس يكملون سوالف لطيفه:بروح انادي أنهار
محمد يبتسم:خليها تجلس معنا
لطيفه تروح ..
٣٥
-
في الغرفه
أنهار خجلتت :ياربي وصخخ بس ..
لطيفه تدخل تبتسم:يمه أنهار تجين معنا
أنهار تهز راسها تلبس غطوتها و يطلعون
برا
فيصل يناظر أنهار ابتسم بس يحاول يمسكها أنهار لاحظته توتر و جلست جنب لطيفه فهد ناظرها ابتسم محمد:كيفس اليوم يابوس
أنهار تهز راسها:الحمدلله
الجد عبدالله:الحمدلله يابنتي
ضاري:ليش ما نروح بر الرادر يقول ذا الأسبوع كله جو حلو
محمد:فهد و فيصل عندهم شغل
ضاري:ياخذون اجازه بكره بعد صلاة الجمعه نروح
الجد عبدالله ضحك:ماهيب شينه نغير جو
أديم:اييي خل نروح من زمان عن البر
جود بضحك :يكفي الديره الي أنتي فيها
فيصل بضحك:لا بر بر خيام وذا اشتقت ل ذا الجو
فهد:طيب نقدم اجازه ؟
فيصل:اكيد بس نخلي احد يناوب عنا
يهز راسه فهد ويطلعون جوالاتهم و كل واحد لقى احد يناوب عنه فيصل:تم
فهد يضحك:تم
أنهار تناظرهم لطيفه تبتسم:تبين قهوه؟
أنهار:اصب لي أنا
تاخذ الطرفريه و تصير هي تصب صبت لها ضاري بلعانه يخلص فنجاله بسرعه يمده:صبي
فهد ناظره ضحك يوم عرف نيته أنهار تاخذها و تصب تعطيه ضاري يشربه وهو حار احرقه بس كمل مدها :صبي
جود تناظره:وجع أمداك!
ضاري يضحك:قولي مشاءالله اعوذ بالله
جود تضحك تصد أنهار تصب وتعطيه ياخذه يشربه بعد يمده أنهار تناظره بصدمه كونها ما امداها تسكرها حتى فيصل ياخذ الفنجال و يحطه وهو معصب:ورع؟
محمد يبتسم يناظر فيصل وهو شاك.. فهد يضحك:أنهار ترا بينشب لس
أنهار تناظر ضاري بتحدي:تشرب مية فنجال؟
فيصل ناظرها بصدمه:صاحيه ؟ ترا يبي يستفزس بس
أنهار ترفع كتوفها:عادي اذا هو قدها نشوف
ضاري يضحك:تم
يمد فنجاله لطيفه تضحك منهم