١٠٨
-
فهد يناظر جود يتنهد:جود تعالي
جود تناظره و تقوم تلحقه..
ضاري عض شفته خوفاً من انه يعرف أديم تناظر أنهار تبتسم:نروح نرتب الاغراض؟
أنهار تبتسم:يلاه
يقومون ويروحون ..
محمد يبتسم:أنهار تغيرت
لطيفه تبتسم:اي الحمدلله نفسيتها حلوه
محمد:الحمدلله الا هاه يا ضاري كيف جمعتكم
ضاري يبتسم:بطله و زياد بغى يطيح من الدباب
محمد يضحك:ما يخلي طياشه
فيصل:كلهم طايشين يعني فرقت
لطيفه تضحك:الا محمد عمي وينه
محمد :راح ل الدكه بلحقه عيال تجون؟
ضاري:معد اشوف برقد
فيصل يبتسم:اشوف فهد لا رجع
محمد يبتسم:عيني تبين شي؟
لطيفه تبتسم:سلامتك
محمد يبتسم ويطلع ..
ضاري:اخسس يمه
فيصل يضحك لطيفه:ضاريي
ضاري يضحك:ابشري ابشري بس جاني جفاف
فيصل يضحك:ماغير هوال الزواج بعيد عنك
لطيفه:لو انت جاهز ياولدي و وحده ببالك ابشر
ضاري يناظر بهدوء:موب الحين موب الحين
لطيفه ما ركزت مره:الي يريحك انا بروح ل سلمى اجل
فيصل يبتسم:صار لي صديقات
لطيفه تبتسم:اعرفهم من زمان ياولدي بس ابطيت ما شفتهم امس جاوني و اعزموني
فيصل يبتسم:انبسطي يا الغاليه
لطيفه تبتسم تلبس و تطلع..
١٠٩
-
عند فهد وجود
يجون بغرفة فهد
جود تناظره:هلا؟
فهد يجلس قبالها:وش فيس
جود تناظر يدها:ولا شي
فهد يمسك يدها:رجعتي نفس أنهار ؟
جود تناظره:لا لا بس مافي شي
فهد:متأكده
جود تهز راسها:اي
فهد :طيب ليش عيونس تعبانه
جود تدمع عيونها:اشتقت لهم
فهد يشدها يحضنها بسرعه وبقوه:لا لا تكفين لا تنزل دموعس طلبتس
جود تحضنه و وجها على كتفه و دموعها نزلت:موب بيدي والله موب بيدي لمتى اتجاهل تعبت والله تعبت
فهد يحضنها بقوه:بسم الله عليس من التعب بس وش نسوي والله ما بيدنا شي
جود تبعد تبلع ريقها تهز راسها:خلاص
فهد يناظر عيونها الي واضح كابته دموعها:جودي ارجعي جود القويه
جود تتنهد تمسح دموعها بطرحتها:ان شاءالله
فهد يبتسم:تبين نطلع
جود:لا لا برقد
فهد يتنهد:ارقدي هنا وانا بطلع
جود تهز راسها فهد يبوس راسها ويطلع ..
جود تنسدح تتذكر الي صار تسكر عيونها و تبعد ذا الأفكار و تنام..
١١٠
-
عند فهد يطلع يبتسم فيصل:وينها جود
فهد يبتسم:بترقد و خليتها ترقد بغرفتي
فيصل يبتسم:زين ما سويت نروح لسعود؟
فهد يبتسم:يلاه
يطلعون..
عند سعود
فتح بقالته و جالس وهو يده على راسه ضايع يقاطعه العيال يناظرهم يبتسم بخفه فهد يبتسم:فتحت على طول المهم شروق رضت؟
فيصل يجلس يناظره سعود:زادت المشكله
فيصل:افاا
فهد يجلس:وش صار
سعود ساكت يناظرهم فيصل:موب لازم تقول معليك ترضى عادي
فهد:صح صح
سعود يهز راسه:وش ودكم تشربون
فهد يبتسم:ولا شي
سعود:نطلع؟
فيصل:يلاه نروح ل دكة جدي؟
سعود يهز راسه:يلاه
يطلعون يروحون دكة عبدالله..
عند شروق
جالسه في البيت و حاضنه نفسها بعد بكا طويللل شافت رسالة نوف انها تبيها تنهدت تقوم تغسل وجها و تلبس تطلع ..
عند الدكه
سعود يبتسم بخفه:ببدل
فيصل يضحك:اي خشه عشان تتذكرني
سعود يضحك و يقوم يروح…
١١١
-
شروق تسكر الباب و تلف وهي تعدل عبايتها رفعت عيونها الا قدامها سعود رايح لبيتهم جلست تناظره الي واضح سرحان بشي كونه يمشي وهو يناظر خطواته ولاهو مركز بلعت ريقه و تتجه لبيت عبدالعزيز الي كان بنفس مساره
سعود ركز على زول وراه التفت الا شاف شروق وقف للحظه وهي وقفت تناظر بلع ريقه و ابتسم بخفه وكمل طريقه و شروق متجه لبيت عبدالعزيز سعود يفتح الباب ناظرها و كانت صاده تمشي تنهد و دخل يبدل و يلبس ثوب بني كون الجو ب الديره بارد و صار ابرد..
عند الدكه
فهد يفرك يديه:الجو برد منت ملاحظ
فيصل يضحك:الخبر اثرت بحرارتها بس صادق
يطلع جواله الا درجت الحرار ١٠
فيصل:والله برد ياهوه
فهد يضحك:ببدل
فيصل:يعني اكيد ببدل بعد
يقومون يبدلون و كان فهد لابس ثوب كحلي و جاب فروه احتياط و فيصل ثوب اسود و يطلعون ل الدكه الا سعود موجود
سعود:ذبحكم البرد
فهد يجلس بضحك:اي والله
فيصل يضحك:كل واحد لون
سعود يضحك:بس مناسبتكم الألوان
فيصل:عجبتني درجت لون ثوبك شكلي بفصل نفسه
فهد:عاد في محل في المجمع الي باخر الديره يفصل لك على كيف كيفك
فيصل يبتسم:بشوف
سعود:ضاري ما قام
فيصل:لا شكل البنات مصدعين به
سعود بضحك:اكيد على جود و أديم انتحار
فيصل و فهد:هيهه ترا اختيي
سعود يضحك:طيب طيب يكملون سوالف..
١١٢
-
اخر اليل
فيصل جالس ب الصاله و يناظر جواله و كان البيت هاديي سمع صوت فتح باب رفع عينه يناظر إلا أنهار ابتسم أنهار ناظرته ابتسمت بخفه تسكر الباب و تجلس تناظره:ما نمت
فيصل:لا والله
أنهار تهز راسه تناظر ثوبه عقدت حاجبها:دايم ابيض غريبه؟
فيصل يبتسم:البرد ذبحني و غيرت
أنهار تضحك بخفيف:عاد حلو عليك
فيصل يعض شفته من ضحكتها :اي بلبس الوان كل يوم
انهار صدت بسخريه وبداخلها "طلعت سهل اكثر من ما توقعت":اي البس مره حلو
فيصل يبتسم:البنات راقدين؟
أنهار تهز راسها فيصل كان بيتكلم بس تردد تنهد أنهار:وش فيك
فيصل يبتسم:ولا شي
أنهار تبتسم:تبغا شي
فيصل:لا لا
أنهار تقوم تروح للغرفه..
فيصل يحط يده على قلبه:اهخخ ياحلوها وحلو ضحكتها افا يا فيصل طحت
يصد يضحك من غرقانه بحبها وهو ماهوب حاس يقوم يشوف ثوبه:بلبس كل يوم لون عشان تحبني شكله
يروح للغرفه وهو يضحك من نفسه و حبه لها كيف قدرت عليه وهو عمره الي ما حب او طاح بس هي قلبه فز لها و مواقفهم خلته يحبها بدون ما يحس يرقد وهي على باله..
١١٣
-
تستمر الأيام و الوضع هاديي جداً و رجعو اهل شروق و فيصل كل ماله وهو يغرق في حب أنهار وأنهار بدت تقرب لهدفها و فهد الي أديم تلفت انتباهه بس توقع لطياشها و جود معد تكلمت مع ضاري الي تعب من الوضع و رجع الخبر كون يبي كم شغله هناك و - كل ماله يزيد شوقه و سعود الي يترقب ل شروق الي معد شافها حتى …
بعد شهر
بيت محمد
جود تضرب أديم:شوي شوي عورتينيي
أديم تضحك:قامه القرد
جود تصد:ترا بصكس على راسس
أديم تضحك:المهم تدرين اخيراً ضاري بيرجع
جود كشرت من طاريه أديم:هيه وش صاير ليش معد تطيقينه لذي الدرجه
جود ترفع كتفها:كذا
أديم تتنهد:طيب
تكمل تشيلها..
عند المطبخ
أنهار تسوي لها عصير و لطيفه نايمه كونها منظفه البيت و محمد و الجد عبدالله عند الدكه و معهم فيصل و فهد ..
تسوي عصيرها شوي يقاطعها انفاس الي وراها لفت بسرعه تناظره الا هو فيصل ناظرت عيونه: ف فيصل
فيصل يبتسم:معليس كنت بخوفس بس حسيتي بي
أنهار توقعت انه ناوي شي ثاني تنهدت براحه تدفه :بزر
فيصل يضحك:خوفتس
أنهار:بغيت اموت
فيصل:بسم الله عليس
أنهار كانت تلاحظ انه غرقانن بس تتغابا لأن تبي يعترف موب يلمح تبي الأعتراف تكمل تسوي عصيرها وتشرب منه….
١١٤
-
فيصل يبتسم:ابي
أنهار تناظره:شربت منه؟
فيصل ياخذ الكاس و يشرب منه أنهار تصد بضحك فيصل يعطيها:والله بطل
أنهار تهز راسها:ادري دامه انا سويته
فيصل يضحك:ثقتس بمكانها المهم كنت جاي اخذ فنجايل جاو رجال
أنهار تهز راسها و تطلع له ياخذها فيصل و يطلع..
أنهار تبتسم وتجلس على طرف الطاوله تتذكر الي صار تضحك:والله وقدرت عليك يافيصل
تبتسم تشرب عصيرها و تروح للبنات..
الدكه
فهد يبتسم يطقطق على فيصل الي كل ما مر من عنده دقه و فيصل واقف يناظر من خلص فنجاله و فهد يشر له يجيه ياخذ الفنجان و يصب له:هين خل يروحون
فهد يضحك:رح رح الله يعينك ابو مصلح بيكسر يدك رح قهوه ولا طلع فيك العيوب
فيصل:حسبي الله
يروح يصب له و فهد يضحك ويجيهم سعود الي تو قفل البقاله يجلس جنب فهد
سعود يضحك:وش فيك تضحك
فهد:فيصل شي كيف حقد على ابو مصلح
سعود كشر وجهه:ما الومه يشرب القهوة في ثانيه اعوذ بالله ما يحرقه لسانه
فهد يدقه بضحك:خلاص لا يسمعون
سعود:طيب
فهد يضحك سعود:ضاري ما رجع
فهد يبتسم:يرجع اليوم يمكن الحين يوصل
سعود يبتسم:اشتقت له
فهد:كلنا و امي لطيفه اكثر وحده راح هناك ولا عاد سمعنا خبر عنه الا اليوم يقول بيجي
١١٥
-
سعود يتنهد:عسا خير
فهد:ان شاءالله
فيصل يجي يجلس:ابو مصلح ذا بذبحه هو و ولده
سعود يضحك:بشرني يدك اخترقت؟
فيصل:ونجحت بعد
فهد يضحك:كان فتحت كلخ ابو مصلح وصبيتها فيه
فيصل:حلاله من ذبحك انت و ابو مصلح
سعود يضحك:حقد
فهد يضحك:ما يستغني عني فيصل
فيصل:استغني
يصد وهو معصب جد فهد عقد حاجبه سعود يناظر بعد :شكله معصب جد
فهد يهز راسه وهو يبتسم مع سعود و يسولفون و فيصل الي مطنقر وفهد كل شوي يناظر له و استغرب عصبيته يعني معقوله من الصب بس ..
"فلاش باك"
ابو مصلح يرفع فنجاله يجي فيصل يصب له
ابو مصلح ببتسامه:عسى حطيت عينك على خواته
فيصل يرفع حاجبه:نعم؟
ابو مصلح ب اسلوب مستفز:من قال نعم سمع المهم ترا اخته الكبيره لي لا تقرب لها
فيصل رص على اسنانه:تعقب و تخسى
ابو مصلح ياخذ الفنجال:قلت لك وانت بكيفك
فيصل:تعقب و تخسى تقرب ل خواته ناوي تتزوج بعد ذا العُمر!! تعقب و تعقب
ابو مصلح يبتسم فيصل يقوم وهو معصب
"انتهى فلاش باك "
١١٦
-
يقاطع سوالفهم صوت سياره فيصل يقوم بسرعه الا سيارة ضاري ابتسم و نزل من الدكه بسرعه و ضاري وقف السياره و ينزل و يقوم محمد و فهد وسعود يروحون مع فيصل له فيصل يحضنه بقوه:اخيراً
ضاري يحضنه بعد :ما ابطيت
فيصل:وش ما ابطيت انشلعت قلوبنا عليك
محمد يجي يحضن ضاري:ودي اعاتبك بس شوقي تغلب علي ليش معد رديت ليش ياضاري
ضاري تنهد يحب راسه:اسف بس ابي اجلس لحالي وهاذي الطريقه
فهد يحضنه:و تسحب علينا
ضاري يبتسم يحضنه يناظر سعود الي واضح يعاتبه بنظراته ضاري يتقدم يبي يحضنه سعود رفع اصبعه بتجاهه:لا تقرب من سافر بدون ما يقول لي و يختفي لا تقرب
ضاري عقد حواجبه فهد صد عرف انه شايل بخاطره فيصل تنهد محمد:سعود؟
سعود:عمي
يناظر ضاري:دامك رحت بدون ما تقول لي وتختفي وانا خايف عليك طول ذيك الفتره ولا حاولت تتصل تطمني تحمل فعايلك
ضاري بضيق:سعود
سعود يرفع اصبعه بتحذير:قلت لك انتبه انتبهه ياضاري
يروح بتجاه بيته ضاري يجي يبي يلحقه فهد يمسكه:ضاري
ضاري يناظره فهد:هو متضايق انك ما حاولت تكلمه حتى تطمنه هو اكثر واحد خاف عليك اعذره
ضاري بقهر:عاذره عاذره بس ابي اوضح له
فهد يتنهد يهز راسه وضاري يروح ..
محمد يتنهد:الله يهديهم
يروح ل الدكه
فيصل يناظر فهد الي يناظر ضاري الي يمشي بتجاه بيت سعود:تهقى سعود يرضى انا نسينا الزعل من الشوق بس سعود.
أنت تقرأ
تعال نعيش انا وياك الحب و شعوره
General Fictionتعال نعيش آنا وإياك الحب وشعوره الأبطال فيصل&أنهار _روايه كامله هنا_ الكتابه نوره حسابه انستا "ei0op".
