27-سهيلة:وكنت بغيت نكوليك ماتعليش راسك بزاف ولكن انتي زربة ومادير فيك ياقوت:خاصنا نمشيو من هنا باش نساليو هادشي دغية فخبارك توحشت مي وجدي سهيلة:حتى انا والله ياقوت:دابا مابقا كايفصلنا على قصر مولاي سلطان غير شوية خاصني نتحزم ونترزم غلط واحد مخاصوش يكون هنا فين انوضف المتال لي تعلمت من تاجر جعفر ونكون حلوة لسان ونسر العيان خاصني نجبد مانلبس جبدات ياقوت قفطان فالبيج مشطات شعرها جمعاتو ولبسات سلهام فالمبرة بزرق مخيط بالباج دارت نبالة فيدها والعقيق فعنقها طوانك فودنيها ياقوت:كيجيت سهيلة:جيتي بحال شي أميرة اختي ياقوت:انا جمعت قشي يلاه خاصنا نمشيو هزات ياقوت حوايجها وجرات سهيلة وخرجو من البيت مرجانة كانت فالكوزبنة جات كتجري عندهم مرجانة:فين غادي ضيف الله هدا ماشي صواب مزال مكرمناكم مادرنا معاكم وجيبة ياقوت:الحمد لله وكلتونا وشربتونا وغطيتونا من العرا دالخلا وكيف خلاوها ناس زمان النهار المبارك عليك واحد يغديك واحد يعشيك وانهار الصكع عليك واحد يدعيك وواحد يشهد فيك. مرجانة:ولاواه لاواه حنى مادرنا غير لي كان خاصو يدار لي علمونا جدودنا وتربينا عليه وأقل حاجة خليكم اتغداو وديك ساع الله يعرضكم سلامة ايوا اش كلتو. ياقوت:من بعد خيركم عيب وعار نرجعوها فوجوهكم كلسو ياقوت وسهيلة حتى تغداو مع سي سيف ومراتو مرجانة لي صدقو من أطيب خلق الله عايشين بما يرضي الله وحامدين ربي وشاكرينو والبسمة ماخطات وجهم والحب والعشرة باينة فعيونهم من بعد ماسلاو شكروهوم وخرجو باش يشدو طريق لبلاد تانية لي اتكون فيها حكاية تانية. سهيلة:وناري اختي عييت وتكول هاد الطريق مابغات تحد ياقوت:ماشفتيش انا حتى نكول صافي وصلنا كنصدقو خارجين فطريق جديدة اجي نرتاحو شوية حدا ظل ديال هاد شجرة بينما بان لينا شي واحد نسولوه يالاه
أنت تقرأ
حجاية ياقوت💭مكتملة💭
Romantik💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
