حجاية ياقوت💭مكتملة💭

💭الجزء 56💭

56-للبنت لي رفعات فوجهو كلمة الا لي عطاتو كل كلمة بجواب لي عمرها حنات راس قدامو كيدرتي يا سلطان حتى مال قلبك لخدامتك ياقوت قرر يافتح مو فالامر وياخود رأيها ويرجع يسول ياقوت على جوابها كل واحد فيهم كايفكر فحاجة ولكن شنو مخبي ليهم بجوج. الغد فاقت ياقوت متوترة معارفاش شنو الخطة لي ادير ولكن دارت فبالها انو دخل لبيت سلطان منين كايخرج يتمشى بليل دخل وتقلب على لغبار وديك ساع تخلي سهيلة مع عمي جيلالي ومن بعد تمشي هي لجبل لكحل دخلات لكوزينة على غير عادتها مكتهضر مع حد مكتكلم مع حد غير ساكتة حتى من امينة لاحظات هادشي امينة:ياقوت مالك غير ساكتة وساهية ياقوت:لا والو امينة:اح عليك العفريتة جيتي بين ليلة ونهار وطبحتي قلب سلطان راك ماشي ساهلة ياقوت:مافهمتش اخالتي امينة اش كتقصدي امينة:فخباري كولشي سيري لبيت لالة يامنة راه بغاتك حطات ياقوت صينية من ايدها ومشات عند لالة يامنة دقات ودخلات. يامنة:دخلي اياقوت كلسي بغيت نهضر معاك دخلات ياقوت حانية راسها بسكات كلسات فين كالت ليها لالة يامنة يامنة:انا ترملت هادي شحال ابنتي وربيت نعمان انا وامينة ربيتو على لحق ولحكمة ويكون عادل بين ناس وكيكالو ناس زمان اللي شفتيها بسعدها عرفها كتكمل من عندها ياقوت:الله يخليه ليك الالة يامنة:نعمان جاني وطلبني نطلب ايدك ليه لزواج طلعات ياقوت راسها فيها. ياقوت:لالة انا ماجيتش هنا لزواج انا جيت نخدم مدة ونرجع بلادي وكالو ناس زمان على قد لحافك مد رجليك وانا عارفة راسي ومقامي فين كاين وعارفة فين بغيتي توصلي بهاد لكلام وشنو بغيتي تقصدي بيه الالة انا رافضة زواج بمولاي سلطان وانا عارفة علاش طلب مني زواج حيت انا ماشي بحال بنات لقبيلة جيت لقصر باش نغويه غير كوني هانية الالة. يامنة:الله يكملك بعقلك ابنتي طمنتيني الله يريحك