حجاية ياقوت💭مكتملة💭

💭الجزء 20💭

20-كانت رقوش اتحرق وترجع تراب حيتاش الى مشات شي لعنةمن لعناتها تبطلات كايرجع عليها  ياقوت:وشنو المعمول اسي جعفر جعفر:اول حاجة ابنتي خاصك تعلمي الحكم والقوافي وهادي خليها علي انا انعلمك كاع لي تحتاجيها وحسبي راسك ابنتي فداركم ياقوت:الله يجازيك بيخير اسي جعفر خرجات ياقوت من عند تاجر جعفر ومشات طل على سهيلة سهيلة:ياك اختي هدا هو المضمون فيك مخلياني مع البهايم من صباح وهوما يبسلو عليا ياقوت:(طلقاتها بواحد ضحكة)شكون بحالك اتمشي من هنا مزوجة وزايدون شنو بغيتيني ندير ليك ندخلك معايا مثلا كوني تحشمي شوية وتكري هاد لحريرة لي انتي فيها وزايدون سي جعفر مول دار راه ايدخلك اتولي تنعسي معايا فالبيت سهيلة:ربي ربي ياختي الله يالاه نتفكر مع واحد لخروف بو كرون من صباح يحوم عليا ياقوت:الله يفكني معاك بلا دنوب ياقوت من داك نهار وسي جعفر كايعلمها اصول الحكمة من معاني وقوافي وحكاوي كايعلمها كيفاش ترد البال وكيفاش تعرف لعدو من صديق غير من شوفة لولة عاودات ليه على مول لحدبة جعفر:هداك ابنتي راه من وكال لحوم  ياقوت:كيفاش جعفر:هداك ابنتي هو لغول ليكان حابس هاينة تقدري تكوني سمعتي ديك لحجاية  ياقوت:كنت كنسمع جدة كتعاود على هاينة لي مشات تجمع لعواد وشدها لغول لي ساكن فجبال وجا ولد عمها نجاها منو جعفر:اه ابنتي هي هاديك هداك لغول هو لي تلاقيتو بيه ولا هكاك من نهار مشات هاينة ولي لقاها فطريقو يقتلها يشرب من دمها وجلدها يديرو فراش ليلو  ياقوت:وعلاش لي مقتلنيش انا جعفر:مايقدرش يقرب منك وانتي لابسة خاتم لي عطاك الحاج ابنتي نوصيك عمرك تحيديه من صباعك ولوصية ماتقتل ماتحيي.كلسات ياقوت مع سي جعفر ومراتو مدة 5يام نهار سادس اتكمل سفر ديالها ناضت بكري بدلات عليها حوايجها بحوايج عطاتهم ليها لالة حكيمة وعطاتها لمونة