حجاية ياقوت💭مكتملة💭

💭الجزء 89💭

89-نعيمة:الله يعطيك عقل ابنتي دخلي رتاحي غدا راه تابعك بزاف ديال الحوايج طلقات منها ياقوت وشافت فيها بستفهام. ياقوت:علاه شنو تابعني امي نعيمة:واغير زعمة على قبل العرس وصافي بقاي تابعاني على اي كلمة كلتها خلاتها ومشات تنعس."عند سلطان " كان فبيتو مشا لواحد صندوق جبد منو صنيديقة صغيرة حلها جبد منها خاتم مرجانة فالحمر بقا كايقلب فيه رجعو لبلاصتو وسد صندوق دق العوين عليه امرو باش يدخل دخل وهو هاز فيدو لبسة  العوين:مولاي لبسة ديالك جابها الخياط نعمان:علقها لهيه ستأدن منو العوين وخرج. بانت شمس نهار الكبير نهار لي شحال من واحد كايتسناه وشحال من واحد تمناه مايوصلش القصر مقلوب ناس جايين من جميع البلدان كل بلاد وعاداتها وتقاليدها وأغانيه جايبن يهنيو سلطان ويشاركوه الفرحة ديالو قدام باب القصر داير بحال مهرجان لوحات فنية شعبية عريقة العود ديال سلطان مسرج ومزين بأبهى حلة ريحة طياب واصلة لفين ضيوف بداو كايدخلو والهدايا بداو كايتفرقو دخلات أمينة ويامنة ياقوت لي كانت كتلبس فتكشيطة ديالها  يامنة:جبت ليك هادا تلبسيه ياقوت:شنو هادة الالة يامنة يامنة:هدا جوهر بغيتك تلبسيه اليوم ومترديهاش فوجهي وهاد القرعة دالكحل بغيتك تكحلي بيها اليوم وهاد العطر بغيتك تعطري بيه هاد نهار ياقوت:ولكن هادشي من المفروض الالة تعطيه لعروستك مرت ولد ماشي انا يامنة:بحالك بحالها ومعزتك من معزتها ديري لي خاطري انا نخليك مع امينة خليها تقاد ليك شعرك خرجات يامنة وأمينة مسطات لياقوت شعرها وجمعاتو ليها كحلات ليها وعطراتها وقداتها بلاما تنطق بملمة خرجات وخلاتها بقات كالسة فالبيت مم بعد ما لالة نعيمة وسهيلة خرجو سبقوها سمعات زغاريت طلات من سرجم بان ليها نعمان فوق العود بالبسة فالبيض ولخنجر فجنبدو وداير سلهام مغطي راسو ناس فرحانين