حجاية ياقوت💭مكتملة💭

💭الجزء 41💭

41-وانا رجلي مكاتخطي عتبت دار ولي بغاني راه عارف فين يلقاني وانا نخبط عليه الباب. جيلالي:نبيع لي عندي ونعرف فاش كتفكري. ياقوت:معندك ماتبيع انت غير كلس وسقي لي عويناتك بلي اتشوف قدامك بقيت كالسة حدا عمي جيلالي حتى سمعنا دقان رجعت تاني حليت الباب وهاد المرة كان سلطان بنفسو قدام الباب نعمان:اش بقا منين ولا سلطان بجلالت مقامو يجي عند خدامة دليلة مادت مجابت اش كتسحبي راسك. ياقوت:ومدامني خدامة دليلة اش جابك امولاي سلطان عند وحدة ماشي من سهمك ولا من شانك. ياقوت:انكوليك جوج كلمات اللعشية نبغيك تكوني فالقصر والله وماتهضري ياحتى نرميك فالواد ومنعقلش عليك ضربها بسلهامو وركب فوك تلعود ديالو.دخلات سدات الباب وهي كضحك. ياقوت:شفتي شنو كتليك هاهو برجيلاتو جا حتى لعندي باش نوريه شكون هي ياقوت راه فالمدينة مكنت كنعقل عاى حتى واحد خصوصا صنف رجال حتى تلاقيت اعمي وتلاقيت تاجر جعفر او ليت نرجع شوية ولكن هاد سلطان ولا معرفت اسمو ايرجع ياقوت لقديمة لي كانت كتقمش. جيلالي:ياهاد الهبيلة نسيتي ماقريتك الفم لي يكول زمر يكول تمر واللسان الحلو يرضع اللبية وكوني عايقة وفايقة ودايقة. ياقوت:واخا اعمي واخا منضمنش ليك ولكن نحاول فنظرك اش يكون بغاني. جيلالي:انا نخرج ونرجع نشوف الخبار ونجي خرج عمي جيلالي مكاملة حتى روبوع ساعة رجع جيلالي:جبت ليك خبار جديدة طيابة ديال لقصر مرة كبيرة كبرات فسن وسيفطها سلطان تحج ودابا ايختار جوج رجال ومرة يقابلو لكوزينة من طيابها ومن شرابها وغادي يكونو بزاف دالبنات اليوم باش يدير ليهم شي ختبار ويعزل وينقي داكشي باش خاصك تكوني هادي هي الهمزة خاصك تستاغليها وتبيني شطارتك باش يختارك مولاي سلطان. ياقوت:وياك البراح برح ودق على كل باب علاش مادقش على بابنا وجا سلطان بقامتو هو يخبرني بنفسو
-غير باش يكولي اجي لقصر على حساب هاد ليلة لالا اعمي جيلالي شي حاجة كاينة تما اتكول لي لي كلتي كاينة شيحاجة تما جيلالي:انتي سيري وحلي عينك وعيقي وفيقي وحضي جلايلك من داخلة والخارجة ياقوت:كون هاني اعمي جيلالي ناضت ياقوت لبسات قفطان فشيبي وطلقات شعرها دارت لو ضفيرة ودارت عليه سلهام فالسومو شافت راسها فالمرايا وتبسمات دق العوين1: حلات بقات طلع فيه وتهبط العوين1:سيفطني سلطان باش نجيبك شافت فجيلالي وبعينها كتقولو هالي قلت ليك ركبات مع العوين فكروصة جارها عود وهي الف تخميمة وتخميمة كدور ليها فراس شنو ايكون مخبي ليها مولاي سلطان ..