43-الحمدلله انا حرة غرة والغرة الحرة تبان من لباسها وانا لالاك بنت سيدك وشلي بيها فمك وحنا عندنا ازين سلالة من العمة للخالة او وجه الحمالة حمالة اوجه شراط شراط. جات لالة امينة امينة:امالنا ياك لاباس اشنو واقع. البنت2-لالة امينة حنا جاين هنا باش نخدمو ماشي باش نضاربو بحشيان المعاني وهاد خيتي ماخلات ماحطات فينا امينة:انتي سكتي وانتي تبعيني تبعاتها ياقوت دخلاتها لواحد البيت كانت ام سلطان كالسة مرة كبيرة هما وشان مشات عندها هضرات معاها وخرجات وخلات ياقوت بوحدها معاها. يامنة:قربي لهنا قربات منها ياقوت وهزات فيها عينيها بقاو شحال كايشوفو فبعضياتهم يامنة:انتي ماشي من هاد البلاد ياقوت:لا انا مشي من هنا انا غريبة على هاد البلاد وجيت ومعايا نعجتي لي كنكساب يامنة:وعلاش جايا من تلت الخالي حتى لبلاد سلطان. ياقوت:جيت نكسب لحكمة والخبرة ونكون نقلب على خدمة فدار سلطان هدا هو غراضي يامنة:ومالك مع بنات القبيلة ياقوت:لي جبدني يلقاني وهوما جبدوني وزيدون الالة غراضهم ماشي الخدمة غراضهم يشوفو ولدك مولاي سلطان وانا منين معطيتهم راس الخيط علاش جايا كلسو يلقمو علي فالكلام واش بغيتيني نبقا ساكتة ليهم مجاتش.بقات لالة يامنة شحال ساكتة وهي تعاود عيطات على امينة . يامنة:شنو سماك الله ياهد البنية ياقوت:ياقوت الالة يامنة:امينة دي ياقوت لكوزينة سلطان بغيتها تقاد لي كسكسو بالبلبولة ومتعطليش اياقوت هنا فين انحكم على طيابك ونعرفك واش غرضك صحيح ولاجايا كتفلاي.تبعات ياقة لالة امينة لكوزينة سلطان لي كانت قدها قد الخلة بطول والعرض حتى هيا ماعنها نحاس وفخار . امينة:هاهو كولشي قدامك بيني لالة علاش قادة انا سمعتك كبيلة مع البنات راكي جيتي لدار لكبيرة خاصك تكوني عايقة وفايقة باش تعجبي لالة ومولاي سلطان وانا خليتك.
أنت تقرأ
حجاية ياقوت💭مكتملة💭
Romansa💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
