15-راه قتلنا لبرد سهيلة:لا اختي رجلي برجلك تخليني هنا يجيني شي ديب ياكلني ياقوت:(هزات كفوفها لسما) ياربي فكني من هاد لبلا باش بليتيني غير كولي لي واش عندك شي وجه على تحشمي ولا لا ولكن راه كالوها الحشمة على وجه الطراح زيدي قدامي يخليك بالخلى ودرا خلاو قشهم حدا واحد شجرة مطرف ومشاو يقلبو على لعواد هوما غاديين ويشوفو بعينيهم حتى كايبان ليهم واحد دويرة صغيرة ريحت طياب كتعطي منها على مزيناتها سهيلة بدات تجر فياقوت من جلابيتها ياقوت:اش بغيتي تاني سهيلة:قتلني جوع والله ياقوت:صبري شوية دابا تاكلي حتى يخرج ليك من ودنيك وهي كتهضر معاها حتى سمعو حس وراهم دارت ياقوت كان جاي واحد الراجل حوايجو باليين وعندو حدبة فضهرو وعين مسدودة او وحدة محلولة ياقوت بظات ترجع لور ولكن تعكلات فسهيلة لي كانت هي لولة تخبات ورا ضهرها قرب عندهم مول لحدبة وبصوت مبحوح. مول لحدبة:شكون نتي ومنين نتي شنو كاديري فهاد الوقت هنا ياقوت:انا اسيدي غير جيت نقلب على شي عواد باش نشعل لعافية مول لحدبة(بضحكة):وادخلي دخلي ترتاحي شوية بعدا ونوريك منين تجيبي لعواد ياقوت:لالا براك الله فيك با وعمامي كايتسناوني مع حنى رحالة كنحطو فكل بلاد شاف فيها مول لحدبة بنضرة خايبة وغوت عليها بجهد"سري سيري من هنا يلاه غبري من هنا ولا والله مايعجبك حال" ياقوت ماتسنات دقيقة حتى دقيقة طلقات رجليها لريح وسهيلة وراها وقفات بعيد وهي كتلهت حسات برجليها فشلو عليها. ياقوت:الله يربي الله اش درت تحتك سهيلة:كون اختي قبلنا ضيافتو يعطينا غير مناكلو عجبك الحال نعسو فالعرا ياقوت:انتي غير سكتي ماشفتيش سيفتو كيدايرة وزايدون اللهم نعاس البرد ولا ضيافة القرد ودابا زيدي قدامي خلاص جنعات ياقوت شي براكة من لعواد رجعو جنب شجرة قدات لخيمة والفراش شعلات لعواد جابت
أنت تقرأ
حجاية ياقوت💭مكتملة💭
Storie d'amore💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
