حجاية ياقوت💭مكتملة💭

💭الجزء 35💭

35-لقيت سهيلة كدور فالبيت. ياقوت:عاودت لعمي جيلالي كولشي. سهيلة:وتقتي بيه نسيتي مقاليك الحاج ياقوت:سي جيلالي فتح لينا دارو وعطانة من طعامو وانا تايقة بيه وزايدو الالة مولاتي بغيت نفهم واحد الحاجة علاش مكايتحل ليك الفم حتى كانكونو بجوج سهيلة:وانا براسي مافهمة والو اختي فيا جوع ياقوت:عمرك اسهيلة دكرتي من غير الماكلة بلاتي شوية بينما قاديت حوايجي ونشوف نعطيك ماتوكلي قدات ياقوت حوايجها وخرجات مع سهيلة عطاتها تاكول وهي بقات دور فدار وتكتاشفها من سواريها وبيوتها وبدات دندن"انا العايلة مولاتي زين ولباس يواتي ويلالة امولاتي يالالة امولاتي يا طلعين يزورو فالعقبة يرتاحو يلالة امولاتي يالالة امولاتي" جيلالي:الالة الالة على صوت ماعندي منقول واعنداك لا يتسخر بيك مولاي سلطان وتولي لالة الياقوت مرات مولاي سلطان نعمان ومولات قصر عود الريحان. ياقوت:كضحك علي أعمي ياك وافخبارك انا راه مكنحملش شي حد يجبدلي سيرت رجال وسيرت زواج . جيلالي:اكاتقولي هكاك ابنتي اجي هبطي عندي نداكرو فالحوايج المهم.هبطات ياقوت عندو وكلسو وهوما كايشبو فأتاي.خاصنا شي حاجة لي تخليك دخلي لقصر سلطان ولي تخليه هو يأمر رجالو يدخلوك لقصر ماشي انتي لي دخلي ليه. ياقوت:وشنو المعمول ادادا الفهيم. جيلالي:ويا حصرة زعمة كلنا خاصك تكوني دكية وفاهمة وعارفة بقات ياقوت ساكتة وكتخمم. ياقوت:القيتها. جيلالي:اما هي قربات لودنيه وبقات توشوش ليه وهو يطلع فحاجبو بعلامات دهشة. ياقوت:كيجاتك جيلالي:ماعندي منسالك هكا نبغيك لالة مولاتي وقادة ومقدودة.ايوا دابا طلقي لي ودنيك وسمعيني مزيان نهار لي يحن الله ودخلي لقصر مولاي خاصك ديري شم ولم على ودنيك مايسمعو وعينيك مايشوفو وفمك يكون ملجم وكيف قالو ناس زمان عقد فمك ولجم عقدة صحيحة لا تعود عليك بفضيحة