حجاية ياقوت💭مكتملة💭

💭الجزء 23💭

23-صبح صباح جديد وبدية ديال طريق جديد لبلاد جديدة شدو رحال لجبل لعكز لي قرات ياقوت مطولش فيه خاصها ما أمكن مطولش باش تبلغ موراضها خلاص وترجع فحالها لالة عيشة مخلاتش من جهدها مسكينة زوداتهم بالمونة وبالماء لي يحتاجو من بعد مسافةكايبان ليهم جبل لونو رماضي وسما كانت مغيمة جو كئيب دنيا خاوية لحوانت مسدودين لي شاف هاد جبل يقول ناس هجروه وخلاوه سهيلة:ياقوت ياكما أختي تجلينا ياقوت:ماتجلينا والو هادي هي طريق لي وراتنا لالة عيشة بلاتي بلاتي اجي نسولو هاد سيد قربات ياقوت من واحد سيد فتلاتين من عمرو ولكن لي شافو يعطيه 80سنة عينيه دابلين وكيتمشى بشوية ياقوت:سلام اسيدي الله يخليك واخا نسولك سيد:(بصوت تقيل بحال الى فيه نعاس) واخا تسوليني مافيا لي يجاوبك مقادش نهضر اووف عييت ياقوت:واش هاد جبل ناسو هجروه شفت حتى واحد مكاين سيد:تاس كولشي فدارو مقادينش لا يخدمو لا يهضرو غير ناعسين كاين لي مات وكاين لي عايش بحال الى ميت من نهار دازت سحارة رقوش على هاد جبل ولا هكا صافي براكة عليا سخفتيني (وطاح). ياقوت:الله يربي الله اليوم بياتنا فالعرا مقابلين مع سما تمشاو شوية وحطو دوزانهم وفرشو فالخلى وصل ليل تخشات ياقوت مع سهيلة سهيلة:ختي واش مكايناش شي طريق ساهلة لي نختاصرو بيها صراحة عييت ياقوت وشنو نقول انا لي بغا العسل يصبر لقريص نحل تاجر جعفر خبرني على واحد طريق نوصلو نيشان لجبل ديال القزم باش نقربو طريق ولكن خاصنا نشدو طريق شوية بكري سهيلة:واخا اختي تصبحي على خير ياقوت منعساتش ديك ليلة خصوصا منين حلمات نفس لحلمة بالعود وراجل فوق منو وغير ايديه لي باينين من بعد لحلمة بقات فايقة غير بان صباح فيقات سهيلة كلاو لي قسم الله وخرجو من طريق وحدا خرى باش يخرجو فجبل القزم نيشان ياقوت القدام وجارا سهيلة وراها