حجاية ياقوت💭مكتملة💭

💭الجزء 52💭

52-ليه جات عندها امينة. أمينة:ياقوت تكلمي لالة يامنة ام مولاي. ياقوت:ياك مكاين باس اخالتي. امينة:حتى لعندها وتعرفي تبعت أمينة لبيت لالة مولاتي دقات امينة تفتح الباب ليها ودخلنا يامنة:دخلي اياقوت كلسي ابنتي كلست امينة خرجات. يامنة:عجبك القصر رتاحيتي. ياقوت:الحمد لله الالة يامنة:اليلة جايين صحاباتي مرت الورزير لكبير وبناتها وعيالات ولادها وبغيت منك ابنتي الله يرضي عليك انتي تكلفي توجدي لينا حليوات وتكلفي بأتاي وكالو لي صوتك زوين بغيتك تحلي لينا المجمع. ياقوت:انا يالالة يامنة:مكاينش شي حد حسن منك. ياقوت:واخا الالة يامنة كوني هانية انحمر ليك وجهك يامنة:هكاك نبغيك ويلا عجبهم لحال عندي مني ليك هدية ياقوت:كوني هانية الالة خرجات ياقوت ومشات لكوزينة باش توجد ضيافة لضيوف ام سلطان حتى دخلات لخدامة لي سيفطات ياقوت لسلطان. الخادم:سلطان بغاك انتي لي تدي ليه الفطور ياقوت:واخا صافي غيري سيري هزات ياقوت صينية وداتها لمولاي نعمان حلو ليها لحراس لبيت دخلات وحطات صينية يلاه اترجع تخرج وقفها مولاي سلطان:علاش لالة يامنة طلبات منك تنشطي لمجمع وقبلتي ياقوت:لالة يامنة مرة بحالي بحالها وعارضة على نسا بحالي بحالهم ماشي بحالك امولاي عارض على رجال لقبيلة وبغيتي تعرضني عليهم بحال شي سلعة وانا ماشي سلعة امولاي. سلطان:هاد المرة ماتبقايش تسيفطي لخدم يجيبو لي لفطور انتي لي مكلفة انتي لي تولي تجيبيه. ياقوت:واخا امولاي كلس كايفطر على عينو فيها. سلطان:اتبقاي تشوفي فيا دوزي كلسي تفطري. ياقوت:لاأمولاي انا غير خادم نسهر على راحتك وخدمتك ماشي نشاركك لفطور سلطان:وانا بغيتك تكلسي وتفطري وهضرتي منبقاش انعاودها جرات ياقوت لكرسي كلسات يلاه مدت ايدها تحط دغمة في فمها شاف فيها سلطان ونطق سلطان:شكون انتي أياقوت شكون؟